فوتو: اشىق دەرەككوز
باس پروكۋراتۋرانىڭ ورىنباسارى ارقانكەرگەندە 15 ادامدى ءولتىردى دەپ ايىپتالىپ, 15 جىلعا سوتتالعان ۆلاديسلاۆ چەلاحتىڭ ارىز-شاعىمىن قاراپ جاتقانىن حابارلادى. الايدا اسەت شىنداليەۆ شاعىمنىڭ ءمان-جايىن اشىپ ايتپادى. ؛
elmedia سايتىنىڭ دەرەگىنشە, ۆلاديسلاۆ چەلاحتى 2 كۇن بويى باس پروكۋراتۋرا قىزمەتكەرلەرى تەرگەۋگە العان. بۇل تۋرالى چەلاحتىڭ اناسى حابارلاعان. ؛
"ونىڭ شاعىمىن قاراپ جاتىرمىز. قورىتىندىسىن سىزدەرمەن بولىسەتىن بولامىز. ەشقانداي تەرگەۋ بولمادى", دەدى اسەت شىنداليەۆ ۇكىمەت كۋلۋارىندا. ؛
ول چەلاحتىڭ شاعىمى تۋرالى ناقتى ەشتەڭە ايتپادى. تەك "قالاسا چەلاحتىڭ ءوزى ايتىپ بەرسىن" دەپ جاۋاپ قايتاردى. ؛
بۇعان دەيىن ازاتتىق راديوسى ۆلاديسلاۆ چەلاح "ارقانكەرگەن" بەكەتىندەگى 15 ادامنىڭ ولىمىنە قاتىستى جاعدايدى تۇسىندىرۋگە دايىن ەكەنىن مالىمدەپ, پرەزيدەنت ق.توقاەۆقا حات جازعانىن حابارلاعان. ول حاتتا "جاساماعان قىلمىسى ءۇشىن" ءومىر بويىنا قامالعانىن جانە شەكارا بەكەتىنە شابۋىل بولعانىن ايتقان. ؛چەلاحتىڭ تۋىستارى حاتتى ەلەكتروندى تۇردە پرەزيدەنت اتىنا جولداپ, حات قاڭتاردا قارالادى دەگەن جاۋاپ العان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر