اپتاسىنا 4 كۇن جۇمىس ىستەيتىندەر ءۇشىن ۇستەمە قىزمەتكە اقى تولەنبەيدى

تولىق ەمەس جۇمىس اپتاسىمەن قىزمەت ەتەتىندەرگە ۇستەمە جۇمىستار ءۇشىن اقى تولەنبەيدى. بۇل تۋرالى ءماجىلىستىڭ قاراۋىنا ەنگىزىلگەن «؛قر كەيبىر زاڭنامالىق اكتىلەرىنە الەۋمەتتىك قورعاۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى»؛ زاڭ جوباسىندا كورسەتىلگەن, دەپ حابارلادى قازاقپارات. ؛

دەپۋتتار تالقىلاۋىنا بەرىلگەن قۇجاتتا قر ەڭبەك كودەكسىنىڭ «؛جۇمىس ۋاقىتى جانە ونىڭ تۇرلەرى»؛ بابىنا وزگەرىس ەنگىزۋ ۇسىنىلعان.

«؛تاراپتاردىڭ كەلىسۋى بويىنشا ەڭبەك شارتىندا 5 كۇندىك نەمەسە 6 كۇندىك جۇمىس اپتاسىمەن كەزەكتەسۋ قۇقىعىمەن 4 كۇندىك جۇمىس اپتاسىن بەلگىلەۋگە جول بەرىلەدى. تولىق ەمەس جۇمىس كۇنىمەن (اۋىسىممەن) نەمەسە تولىق ەمەس جۇمىس اپتاسىمەن جۇمىس ىستەيتىن جۇمىسكەرلەر ءۇشىن ءتيىستى كۇنتىزبەلىك جىلعا ارنالعان جۇمىس ۋاقىتىنىڭ بالانسى بويىنشا جۇمىس ساعاتتارىنىڭ قالىپتى سانى تيىسىنشە ازايادى»؛, - دەپ جازىلعان قۇجاتتا.

ەڭبەك جانە حالىقتى الەۋمەتتىك قورعاۋ مينيسترلىگى ۇسىنعان تۇسىندىرمە قۇجاتتا 4 كۇندىك جۇمىس كەستەسىمەن قىزمەت ەتەتىندەرگە ۇستەمە جۇمىس ءۇشىن قوسىمشا اقى تولەنبەيتىنى جازىلعان.

«؛تولىق ەمەس جۇمىس كۇنى (اۋىسىم) نەمەسە تولىق ەمەس جۇمىس اپتاسىندا جۇمىس ىستەيتىن قىزمەتكەرلەرگە ۇستەمە جۇمىستارعا اقى تولەنبەيدى. مىسالى, قىزمەتكەر بەس كۇندىك جۇمىس اپتاسىندا كۇنىنە 4 ساعات جۇمىس ىستەيدى. الايدا, ءبىر اي ىشىندە وندىرىستىك قاجەتتىلىككە بايلانىستى قىزمەتكەر 3 رەت جۇمىستا قالىپ, 6 ساعاتتان جۇمىس ىستەدى. ايدىڭ سوڭىندا جۇمىس بەرۋشى بۇل قىزمەتكەرگە ۇستەمە اقى تولەمەيدى. ويتكەنى, جۇمىس ۋاقىتىنىڭ بالانسىنا سايكەس, بەس كۇندىك ساعات نورماسى 144 ساعاتتى قۇرايدى جانە جۇمىس رەجيمىنە سايكەس ونى ازايتۋ قاراستىرىلماعان. وسىعان بايلانىستى, جۇمىس ۋاقىتىنىڭ تەڭگەرىمىندە كوزدەلگەن ۋاقىت نورماسى قولدانىلاتىن جۇمىس رەجيمىنە پروپورسيونالدى تۇردە ازايتىلۋى ءتيىس ەكەنىن زاڭنامالىق تۇردە بەكىتۋ ۇسىنىلادى»؛, - دەپ كورسەتىلگەن ءماجىلىستىڭ قاراۋىنا بەرىلگەن زاڭ جوباسىندا.

مينيسترلىك دەرەگەنشە, تولىق ەمەس جۇمىس كەستەسىمەن قىزمەت ەتۋ جىل سايىنعى اقىلى ەڭبەك دەمالىسىنىڭ ۇزاقتىعىنا, ەڭبەك ءوتىلىن ەسەپتەۋگە اسەر ەتپەيدى.

ايتا كەتەيىك, قولدانىستاعى قر ەڭبەك كودەكسىندە مۇنداي نورما جوق.