• usd 468.56

  • eur 497.56

  • rub 7.3

  • cny 67.18

30 قاڭتار, 13:01:44
الماتى
-3°

قاڭتار وقيعاسى بويىنشا "اۋىر سالدارعا اكەلىپ سوققان ؛قىزمەتتەگى ؛ارەكەتسىزدىك" بابى بويىنشا ايىپتالعان ؛الماتى وبلىسى پوليسيا دەپورتامەنتىنىڭ بۇرىنعى باسشىسى سەرىك كۇدەباەۆتىڭ سوتىندا كۋاگەر بۇعان دەيىن تاراعان اقپاراتقا قاراما-قايشى كەلەتىن دەرەكتەردى ايتتى.

5 قاڭتاردا پارلامەنتتە باس پروكۋراتۋرا كورسەتكەن ۆيدەودا سەرىك كۇدەباەۆ قىزمەتتىك ورنىن تاستاپ كەتىپ بارا جاتقان كادر بار. ال سوت وتىرىسىنا كۋاگەر رەتىندە قاتىسقان ارنايى جاساق شتابىنىڭ لەيتەنانتى ايگۇل نۇرمۇحانوۆا كۇدەباەۆ 2022 جىلعى 4 قاڭتاردا كوپپەن بىرگە ستراتەگيالىق نىسانداردى قورعاۋعا قاتىسقانىن ايتادى. كۋاگەر ءسوزىن ؛ informburo.kz. ؛سايتى كەلتىرگەن.

كۋاگەر 2022 جىلدىڭ 4 قاڭتارىندا اكىمدىكتىڭ الدىنا بىرنەشە ادام كەلگەنىن, الاڭعا ارنايى جاساق جينالىپ, پروكۋرور مەن اكىم ءسوز سويلەپ, نارازى ازاماتتاردى تاراتۋعا تىرىسقانىن ايتادى. ميتينگكە شىققانداردىڭ كەيبىرى تاراسا, كەيبىرىن پوليسەلەر ۇستاعان. وسىدان سوڭ ارنايى جاساقتى الاڭنان الىپ كەتكەن.

"بىز دە سول جەردە بولدىق. تاعى دا ميتينگ بولۋى مۇمكىن ەكەنى ەسكەرتىلدى. سول سەبەپتى دايىن بولىڭدار دەگەن بۇيرىق ءتۇستى. مەن ىس-قاعازدارمەن جۇمىس ىستەيتىنمىن. جۇمىستان شىققانعا دەيىن نارازى حالىق سانى كوبەيدى. الاڭعا بارا جاتقان كەزدە ىشكى ىستەر باسقارماسىنىڭ جانىنان ءوتتىم. الاڭعا كىرۋ مۇمكىن ەمەس ەدى. 102-گە حابارلاسىپ نارازىلىققا شىققانداردىڭ شابۋىل جاساپ جاتقانىن ايتتىم. ولار بارلىق قۇقىق قورعاۋ ورگانى قىزمەتكەرلەرى الاڭدا ەكەنىن ايتتى", دەدى ايگۇل نۇرمۇحانوۆا. ؛

كۋاگەر الاڭدا تارتىپسىزدىكتى ۇيىمداستىرعان 4 ادامدى بايقاعانىن جەتكىزدى. ولار ۇنەمى تەلەفونمەن سويلەسىپ, الاڭعا ادام جيناعان. ؛

"بىر توپ ادام ۇلتتىق ۇلان ساربازدارىنا تاس لاقتىرىپ, شابۋىل جاسادى. سول كەزدە مەنىڭ جانىمنان ءبىر ەر ادام ءوتىپ كەتتى. ول ؛&ndash؛ اكىمنىڭ ورىنباسارى ەدى. توبىر ونى كورە سالا شابۋىل جاساپ, ۇرىپ-سوعا باستادى. ءۇش جىگىتپەن بىرگە اكىم ورىنباسارىن قورشاپ الىپ, سۇيرەپ الاڭنان شىعاردىق. الاڭنان شىققان سوڭ اكىمشىلىك جاققا قاراي جۇگىردىم. سول ۋاقىتتا ادامدار تاس لاقتىرىپ, عيماراتتى قيراتىپ جاتتى. تۋ ۇستاعان ادام شىعىپ, ىشكى ىستەر دەپورتامەنتىن قيراتايىق دەپ ايعايلادى. ادامدار قولىنا قالقان ۇستاپ, وق وتكىزبەيتىن جەلەت كيىپ العان. وسى ساتتە ۆزۆود كومانديرى رۋسلان توستەكباەۆتى كوردىم. ونىڭ جاعى سىنىپ, جاراقات العانىن بايقادىم. ونى ساربازداردىڭ ءبىرى قۇتقاردى", دەپ جاۋاپ بەردى ارنايى جاساق وكىلى. ؛ ؛

"مەن كومانديرگە ەسەپ بەردىم. ول بازاعا بارىپ, قورعانىستى كۇشەيتۋ كەرەك دەپ بۇيرىق بەردى. كەيىن ؛بىرنەشە ديسپەچەرلىك ماشينا مەن ازاماتتىق ماشينانى توقتاتتىم, ءبىز بازاعا ءباردىق. ؛بىز قارۋلانۋ ءۇشىن پد-عا بارۋ كومانداسىن الدىق. بارلىق جىگىتتەرگە جاۋاپتى بولعاندىقتان ولارعا ازاماتتىق كيىم كيۋگە تاپسىرما بەردىم. ؛بىز قارۋ-جاراق الۋ ءۇشىن پوليسيا دەپورتامەنتىنە بارۋىمىز كەرەك بولدى. 4 قىزمەتكەردى وزىممەن بىرگە الىپ كەتتىم. ال قالعان تورتەۋىن اكىمشىلىككە جىبەردىم. پوليسيا دەپورتامەنتىنە كەلگەن كەزدە كولىكتەر ورتەنىپ, قيراپ جاتتى", دەيدى كۋاگەر.

شتاب لەيتەنانتى ءبىر سارباز قازا تاپقانى جونىندە حابار العان. ارتىنشا بۇلىكشىلەر اۋرۋحانانى ورتەگەلى جاتقانىن ەستىگەن سول اۋرۋحاناعا جول تارتقان.

"الاڭداعى بارلىق قىزمەتكەرلەر سوققىعا جىعىلدى. سەرىك كۇدەباەۆ سول كەزدە بىزبەن بىرگە بولدى. مەن ونىڭ ءومىرىن قاۋىپكە تىگىپ, قان-جوسا كۇيدە بىزبەن بىرگە كۇرەسكەنىن كورگەن سوڭ وعان دەگەن قۇرمەتىم ارتتى. ءسىز قۇرمەتكە لايىقسىز", دەدى ايگۇل نۇرمۇحانوۆا. ؛

كۋاگەر كۇدەباەۆتىڭ الاڭدا جاراقات العانىن, اققان قاندى قاندى ءوزى توقتاتقانىن جۇرگىزۋشىسىنەن ەستىگەنىن جەتكىزدى.

"پوليسيا دەپورتامەنتىنە بارعان كەزدە عيمارات ءىشى قاراڭعى بولدى. ؛عيماراتتىڭ ىشىنەن ءبىر پوليسيا قىزمەتكەرى مەن ءبىر ساربازدى تاپتىم. سوسىن كوشەدە ەكى ايەل قىزمەتكەردى تاپتىم. ؛بىرەۋ اۋرۋحانادا, بىرەۋ ءبىزدىڭ شتابتا بولدى. پد عيماراتى قيراپ تۇردى. راسياعا سويلەپ جۇرگەن بىرنەشە ازاماتتى كوردىم. ولار جەكە كابينەتتەردى قيراتىپ, كەرەك-جاراقتى ۇرلاپ, وتباسىمىزدى, ءوزىمىزدى, جاقىندارىمىزدى ولتىرەتىنىن, باسىمىزدى كەسىپ الاتىنىن ايتتى. ولاردىڭ راسياعا ايتقان ءار ءسوزىن قويىن داپتەرىمە جازىپ الدىم. عيماراتقا ايەلدەر مەن بالالار كىرىپ جاتقاندىقتان كەزەكشى ءارى قاراي نە ىستەۋ كەرەگىن سۇرادى. مەن پوليسيا قىزمەتكەرلەرىنە پوستتى تاستاۋعا بولاتىنى تۋرالى بۇيرىق تۇسكەنىن ايتتىم", دەدى ايگۇل نۇرمۇحانوۆا. ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر