فوتو: ulysmedia.kz
تىركەلمەگەن "دەموكراتيالىق پارتيا" جەتەكشىسى جانبولات ماماي ۇلىبريتانيادان كەلگەن كوميسسيا مۇشەلەرىمەن كەزدەسۋگە بايلانىستى ءوتىنىش جاسادى. الايدا سوت ونىڭ ءوتىنىشىن قابىلداماعان. بۇل تۋرالى ونىڭ زايىبى ينگا يمانباي حابارلادى.
"2022 جىلعى 2 قاراشادا سوت مامايدىڭ بۇلتارتپاۋ شاراسىن ءۇي قاماعىنا اۋىستىرعان. جانبولات مامايعا جاقىن تۋىستارىنان باسقا ادامدارمەن كەزدەسىپ, قارىم-قاتىناس ورناتۋعا تىيىم سالىنعان. سۋديا ەلەنا كۆان سول سەبەپتەرمەن ءوتىنىشتى قابىلداۋدان باس تارتقان. ءيا, كەشە ۇلىبريتانيادان كەن ماكدونالد باستاعان كوميسسيا كەلدى. كوميسسيا مۇشەلەرى 19 قاڭتاردا "قاڭتار" وقيعاسىندا جابىرلەنۋشىلەرمەن, جۋرناليستەرمەن جانە جانبولات مامايمەن كەزدەسۋدى جوسپارلاعان بولاتىن" دەپ جازعان ينگا ءيمانباي ؛وزىنىڭ facebook پاراقشاسىندا.
سونداي-اق سۋديا جانبولات ماماي قورعاۋشىلارىنىڭ سوتتى وفلاين فورماتتا وتكىزۋ تۋرالى ءوتىنىشىن دە قابىلداماعان. ؛
"جانبولات ءوزىن تەلەفون ارقىلى قورعاۋعا ءماجبۇر. ەلىمىزدە كوروناۆيرۋستىڭ ءورشۋى جانە پاندەميالىق احۋال بايقالمايدى. ال جانبولات ماماي سوتىنىڭ ونلاين تۇردە وتۋىنە نە سەبەپ ەكەنى اقىلعا قونىمسىز" دەيدى ينگا يمانباي.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر