فوتو: ينگا يمانبايدىڭ facebook پاراقشاسىنان
الماتىعا قاڭتار وقيعاسىن جانە جانبولات مامايدى قىلمىستىق قۋدالاۋ ءىسىن تەرگەۋ بويىنشا ۇلىبريتانيا لوردتار پالاتاسىنىڭ مۇشەسى كەن ماكدونالد (lord macdonald kt kc of river glaven) باستاعان كوميسسيا وكىلدەرى كەلدى. بۇل تۋرالى قۇقىققورعاۋشى, جۋرناليست ينگا يمانباي حابارلادى.
؛
؛
"كوميسسيا قۇرامىندا حالىقارالىق قۇقىقتىق كومەك كورسەتۋ كومپانياسى bindmans llp جەتەكشىسى تاياب الي مەن باسقا دا ارنايى ماماندار دا كەلىپ جەتتى. بىرنەشە كۇننەن كەيىن الماتىعا كوميسسيانىڭ تاعى ءبىر مۇشەسى - ۇلىبريتانيا پارلامەنت دەپۋتاتى سەر روبەرت باكلەند تە ات باسىن بۇرماق. بىرنەشە كۇننىڭ ىشىندە كوميسسيا مۇشەلەرى قاڭتار وقيعاسىنا قاتىسۋشىلارمەن, ازاپتاۋ قۇرباندارىمەن, قاسىرەتتى كۇندەرى تۋعان-تۋىسىنان ايرىلعاندارمەن جانە ءبىرقاتار قۇقىق قورعاۋشىلارمەن, جۋرناليستەرمەن دە كەزدەسپەك. سونىمەن بىرگە, كوميسسيا وكىلدەرى قازىرگى تاڭدا ءۇي قاماقتا وتىرعان جانبولات مامايمەن دە سويلەسۋدى جوسپارلاپ وتىر. بۇعان بايلانىستى ماماي تارابى سوتقا ارنايى قاعازدى دا جولدادى. ودان بولەك, كوميسسيا استاناعا بارىپ, قازاقستاننىڭ لاۋازىمدى وكىلدەرىمەن دە كەزدەسپەك. وسى اپتادا الماتىدا كوميسسيا وكىلدەرى ارنايى ءباسپاسوز ءماسليحاتىن وتكىزىپ, قازاقستاندىق جۋرناليستەردىڭ ساۋالدارىنا دا جاۋاپ بەرەتىنى دە بەلگىلى" دەلىنگەن ؛ينگا يمانبايدىڭ facebook پاراقشاسىنداعى جازبادا. ؛
؛
سونداي-اق قۇقىققورعاۋشى ؛قازاقستانعا ۇلىبريتانيا پارلامەنتى دەپۋتاتتارى قۇرعان كوميسسيانىڭ كەلۋى حالىقارالىق قاۋىمداستىق ەلدەگى جاپپاي ادام قۇقىعىن بۇزۋ جاعدايلارىنا كوز جۇمىپ قارامايتىنىن بىلدىرەتىنىن, ادام قۇقىقتارى ؛مەن زاڭدىلىقتى ساقتاۋ جونىندەگى قازاقستان حالىقارالىق بيۋرو ءوز تاراپىنان كوميسسيا جۇمىسىنا جان جاقتى كومەك بەرۋگە ءازىر ەكەنىن جەتكىزگەن.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر