فوتو: ايجان ايتمىرزانىڭ جەكەمۇراعاتىنان
ۇيدەگى كەڭىستىكتى دۇرىس ۇيىمداستىرا ءبىلۋ ماڭىزدى. بۇل &ndash؛ ءۇيدى جايلى ءارى كەڭ ەتە ءتۇسىپ, كۇندەلىكتى ءتارتىپتى ساقتاۋعا سەپتەسەدى. ەلوردالىق ءۇي رەتتەۋشى مامان ايجان ايتمىرزا مۇنداي شارۋا ءبىر قاراعانداعىداي وڭاي ەمەس, باستىسى ۇيدەگى زاتتاردىڭ رەت-رەتىمەن تۇرۋى ادامنىڭ كوڭىل-كۇيىنە اسەرى مول دەيدى.
ايجان ايتمىرزا &ndash؛ بالا كەزىنەن تازالىقتى جاقسى كورگەن. بۇگىندە ءبىزدىڭ قوعام ءۇشىن جاس ماماندىق بولىپ سانالاتىن رەتتەۋشى مامان بولىپ جۇمىس ىستەيدى. ايجان كوپ جەردە وزدەرىن ورىسشا «؛ورگانيزاتور پروسترانستۆا»؛ دەگەندى تىكەلەي اۋدارىپ «؛كەڭىستىكتى ۇيىمداستىرۋشى»؛ دەپ تە اتاپ جاتاتىنىن, الايدا «؛رەتتەۋشى مامان»؛ دەگەن كوبىرەك كەلەتىنىن ءارى جالپاق جۇرتقا تۇسىنىكتى ەكەنىن ايتادى.
بۇل كاسىپ اقش-تا حح عاسىردىڭ اياعىندا پايدا بولعان. امەريكادا كيىم يندۋسترياسى قاتتى دامىعان سوڭ, ادامداردىڭ كيىم نەمەسە زات الۋعا قولجەتىمدىلىگى ارتىپ, ساتىپ العان زاتتارىن ۇيىنە جيناي بەرگەن. زات كوپ بولعاندا شاڭ جينالا باستاعان. ەل اراسىندا «؛شاڭنان ءتۇرلى ميكروبتار پايدا بولادى, ول ادامنىڭ وكپەسىنە ءتۇسىپ, دەنساۋلىعىنا زيان كەلتىرەدى وسىلايشا ءوز دەنساۋلىعىمىزعا زيان كەلتىرىپ جاتىرمىز»؛ دەگەن اڭگىمەلەر تاراعان. وسىدان كەيىن ارتىق زاتتارىنان قۇتىلا باستاعان. ءبىرىنشى كەزدە ەرىكتىلەر كومەككە كەلگەن, ارتىنشا ارنايى ماماندار پايدا بولىپ, كاسىپكە اينالعان. ماماندىقتىڭ قازاقستانعا كەلگەنىنە تورت-بەس جىلداي بولعان. ارى قارايعى اڭگىمەنى ايجاننىڭ ءوز سوزىمەن جالعايىق.
رەتتەۋشىلەردى ءۇي تازالاۋشىلارمەن شاتاستىرماعان ءجون
ۇيدى ءبارىمىز تازالايمىز. ءبىراق ونى قالاي تازالاۋ كەرەكتىگىن ەشكىم ۇيرەتكەن جوق. بالا كەزىمىزدە ۇلكەندەر ايتقاندى يا ىستەگەندى قايتالاپ جۇردىك. وسە كەلە ونىمىز ادەتكە اينالدى. instagram-دا ءبىر پاراقشادان جۋرناليست ۇيىنە رەتتەۋشى ماماندى شاقىرىپ, شكافىن جيناتىپ جاتقاتىنىن كورىپ قالدىم. بۇل جۇمىس ماعان قىزىق كورىندى. ءوزىمنىڭ بولمىسىما ءۇيدى رەتتەۋ ۇنايتىن. ىزدەستىرە كەلە بۇل شارۋا بۇگىندە تولىققاندى ماماندىق بولىپ قالىپتاسقانىن, باتىستا, ءتىپتى رەسەيدە كەڭ ەتەك جايعانىن ءبىلدىم. بۇعان قاتتى قۋانىپ, كاسىبي تۇردە ۇيرەتەتىن ادام ىزدەپ, ايگۇل ماناپوۆا دەگەن كىسىنىڭ كۋرسىن وقىدىم. ءقازىر ءوزىم دە ۇيرەنەمىن دەۋشىلەردى وقىتىپ ءجۇرمىن.
كوبىمىزدە كيىم كوپ بولعاندىقتان ۇيدەگى جيھازدارىمىزدىڭ ءىشى شاشىلىپ جاتادى. ءبىز وسىنداي ساتتە زاتتاردى دۇرىستاپ ورنالاستىرىپ بەرەمىز. ءاربىر نارسەنى اقىلدى جۇيەمەن رەتتەستىرەمىز. ادامنىڭ ومىرلىك جاعدايىنا بايلانىستى زاتتار مەن كيىمدەردى ىڭعايلاستىرامىز. كوبىمىز ءۇيدى تازالاعاندا ەدەندى جۋىپ, شاڭىن ءسۇرتىپ قانا شىعامىز. اس ۇيدەگى, كىرە بەرىستەگى, جاتىن بولمەدەگى جيھازدىڭ ىشىنە ءمان بەرمەيمىز. ايەل ادامدار وعان كوپ كوڭىل بولە بەرمەيدى. ۆيزۋالدى تۇردە قاراعاندا جيھاز ىشىندەگى زاتتار جيناۋلى تۇر. الايدا, ونىڭ ىشىندەگى ءاربىر زاتتىڭ رەتتەلۋىنىڭ ءوز ادىس-تاسىلدەرى بار. ءبىز سول زاتتار مەن كيىمدەردىڭ قالاي ورنالاسۋ قاجەتتىگىن كورسەتەمىز.
رەتتەۋشىلەردى ءۇي تازالاۋشىلارمەن شاتاستىرماعان ءجون. ەكەۋىنىڭ ايىرماشىلىقتارى ۇلكەن. ءۇي تازالاۋشىلار ۇيدەگى كوزگە كورىنىپ تۇرعان نارسەلەردى تازالايدى. ليۋسترا, كىلەم, ەدەن ت.ب. زاتتاردى جۋادى. اس ۇيدەگى نەمەسە باسقا بولمەلەردەگى شكافتاردىڭ سىرتىن ءسۇرتىپ كەتەدى. ولار ىشكى جاعىنا تيىسپەيدى. ءبىزدىڭ ولاردان ايىرماشىلىعىمىز ەدەن جۋىپ, شاڭ سۇرتپەيمىز. ءبىز تەك سورەلەردى رەتتەستىرەمىز. ءبىزدىڭ جۇمىس ادامنىڭ ىشكى جان دۇنيەسىن رەتتەگەنگە ۇقساس. تاپ پسيحولوگ اسپەتتى. ءبىز تۇتىنۋشىعا ءبىر رەت قانا قىزمەت ەتەمىز. تۇتىنۋشى ارى قاراي رەتتىلىكتى ۇستاسا, جيھازدارىنىڭ ءىشى شاشىلمايتىن بولادى.
ۇيى جيناقى ادامنىڭ وي دا جيناقى
ۇيدەگى زاتتاردىڭ ورنى-ورنىمەن رەتتەلىپ تۇرعانى ادام كوڭىل-كۇيىنە جاعىمدى اسەر بەرەدى. ءۇيى جيناقى ادامنىڭ وي دا جيناقى, ارەكەتى شيراق, بەلسەندى بولادى. كوڭىل-كۇيىمىز جاقسارسا, جاقىندارىمىزعا دا قۋانىش سىيلايمىز. ايەل ادامنىڭ كوڭىلى ورنىندا بولسا, تاماعىن ءدامدى پىسىرەدى. زاتتار رەتتەلىپ تۇرسا, ۋاقىتى ۇنەمدەلەدى. كەيدە ءبىر جەرگە اسىققاندا, كيىم تاپپاي جاتامىز. قولعابىمىزدىڭ سىڭارىن, ەكىنشى شۇلىعىمىزدى, شارفىمىزدى ىزدەپ, ۇتىكتى تابا الماي ءۇيدى شارلاپ اۋرە بولامىز. وسىنىڭ ءبارىن الدىن الۋ ءۇشىن رەتتىلىك قاجەت. اس ۇيدە دە ءاربىر زات ورنىندا بولسا, تاماق جاساۋ دا ىڭعايلى. جالپى ادامنىڭ جان دۇنيەسىن, ونىڭ شكافى ارقىلى دا بىلۋگە بولادى. قىزمەتىمىزدىڭ سۇرانىسى ارتسا, ءۇي تازالاۋشىلار سياقتى كۇندەلىكتى ماماندىققا اينالاتىنىمىزعا سەنىمدىمىن. بۇگىندە ءبىزدىڭ قىزمەتىمىزدى كوبىنە بيزنەس لەدي نەمەسە جۇمىسباستى ايەلدەر پايدالانادى.
«؛بىزدىڭ قىزمەتىمىز ءۇش كەزەڭنەن تۇرادى»؛
بىرىنشىسى &ndash؛ ارتىق زاتتاردان قۇتىلۋ. وعان كيىلمەتىن كيىمدەردى جاتقىزساق بولادى. ولاردى قوقىسقا تاستاي سالمايمىز. كيىمدەرگە دە ەكىنشى ءومىر سىيلاۋ كەرەك. ولاردى مۇحتاج ادامدارعا بەرۋگە بولادى.
ەكىنشىسى &ndash؛ كۇندەلىكتى قولداناتىن زاتتاردى عانا قالدىرۋ. كيىمدەردى مەزگىلىنە قاراي ءبولىپ, ءتۇس جاعىنان دا سۇرىپتايمىز.
ۇشىنشى كەزەڭدە زاتتارعا ورىن تاۋىپ بەرۋمەن شۇعىلدانامىز. كۇندەلىكتى ءجيى كيەتىن كيىمدى بولەك, قوناققا بارعاندا كيەتىندى بولەك جينايمىز. ءۇيدى رەتتەۋدىڭ وسى كەزەڭدەرىن ۇستانساق, ءاربىرىمىز ءوز ءۇيىمىزدى وڭاي رەتتەستىرىپ الامىز.
بولمەدەگى زاتتار كوزگە ۆيزۋالدى شۋم رەتىندە كورىنبەگەنى دۇرىس. مىسالى ىلگىشتەر بىردەي تۇستە بولعانى ءجون. كيىمدى قالىڭىنان باستاپ, جۇقاعا قاراي ىلگەن دۇرىس. تۋرا سولاي قارا تۇستەن, اق تۇسكە دەيىن ءىلۋ كەرەك. سوندا ءبارىنىڭ رەتتەلگەندىگى كورىنەدى. ءار ىلگىشكە ءبىر عانا كيىمنەن ءىلۋ قاجەت. بىزدە كەمى ءۇش-تورت كيىمنەن ىلىنەدى. وسىلاي استىنعى كيىمدى ۇمىتىپ, كوزىمىزگە جامان كورىنىپ تە قالادى. ءىش كيىم, شۇلىقتار سالاتىن ورگانايزەرلەر بار. ولاردىڭ دا تۇستەرى بىركەلكى بولعانى ءجون. ولار دۇكەندەردە قولجەتىمدى باعادا ساتىلادى. اياق-كيىم قوراپتارىن پايدالانىپ, قولدان دا جاساۋعا بولادى. ولاردى ءتۇس قاعازدارىمەن دە قاپتاپ جاتادى.
اس ۇيدە دە وسىنداي جاعداي. تاماق جاساۋعا ىڭعايلى بولۋى ءۇشىن, ءبىر قولىڭىزبەن ءبارىن الۋعا بولاتىنداي ورنالاستىرۋ كەرەك. قازان ارالاستىراتىن وجاۋ ىزدەسەك, وڭاي الىناتىن جەرگە قويىڭىز. تەك قوناققا ارنالعان سەرۆيستەرىمىزدى جوعارى جينايىق. اۋىر ىدىستاردى شكافتىڭ تومەنگى جاعىنا قويعان دۇرىس. ولاردى دا كاتەگورياعا ءبولۋ كەرەك. كونديتەرلىك زاتتاردى ءبىر جەرگە قويعان ءجون. ۇيدە بەس ادام تۇرسا, ارتىق كەسەنى كۇندەلىكتى اشپايتىن سورەلەرگە سالىپ قويايىق. وسىنداي ەرەجەلەردى ۇستانىپ وتىرساق, ءۇيىمىز وزدىگىنەن رەتتەلىپ وتىرادى. زاتتاردى قولدانعان سوڭ, ورنىنا قويۋدى قالىپتاستىرۋ ادەتكە اينالدىرۋ كەرەك.
كوبىسى رەتتەستىرۋدى تىم جەڭىل كورەدى. كەيدە الەۋمەتتىك جەلىدە ەر ادامدار ء«؛ۇيدى تازالاۋشىلار جيناپ, سىزدەر رەتتەستىرەتىن بولساڭىزدار, ايەلدەرىمىز نە ىستەيدى»؛ دەپ جاتادى. ءبىراق مامان ءۇي شارۋاسىنا كاسىبي كوزقاراس تۇرعىسىنان قارايدى. ءارى ونىڭ كومەگىنە ءبىر مارتە جۇگىنۋ جەتكىلىكتى. ءبىر كورىپ العان سوڭ اس ءۇي يەسى ارى قاراي ءوزى سول تارتىپپەن ءۇيىن جيناقى ۇستاي الادى. ادامدار ءۇي جيناقى تۇرعاندا وزدەرىندەگى وزگەرىستى بايقاي باستايدى.
ادامدار مينيماليزمگە ۇيرەنۋى كەرەك
تۇتىنۋشىلارعا بارعاندا, ارتىق زاتتاردان ارىلا المايتىنى قيىندىققا تۋدىرىپ جاتادى. مۇنداي جاعداي ۇلكەن كىسىلەر اراسىندا ءجيى كەزدەسەدى. ولارعا ارتىق زاتتاردان قۇتىلۋ وتە قيىن. ولار سوۆەت زامانىندا تاپشىلىق پەن جوقشىلىقتى كورگەن عوي. وسىنداي كەزدە بىزگە دە قيىن. سوندىقتان ءبىزدىڭ قىزمەتىمىزگە جۇگىنگەن ادام, ارتىق ساتتان ارىلۋعا پسيحولوگيالىق جاعىنان دايىن بولۋ كەرەك.
ورنى تابىلمايتىن زاتتار بولمايدى. ءاربىر زاتتىڭ ءوز ورنى بار. كيىم كوپ, شكاف كىشكەنتاي بولعاندىقتان زاتتار سىيماي قالاتىن جاعداي ءجيى ۇشىراسادى. ءبىراق ادامدار مينيماليزمگە ادامدار ۇيرەنۋى كەرەك. ءبىز زاتقا ەمەس, زاتتار بىزگە قىزمەت ەتۋى كەرەك.
ۇيدەگى كىرەبەرىس تازالىعى اسا ماڭىزدى. بۇكىل ادامنىڭ ەنەرگياسى كىرە بەرىستەگى بولمەدەن باستالادى. ادام كيىنىپ سىرتقا شىققاندا, جاقسى اۋرامەن شىققانى ماڭىزدى. باس كيىمدەر ارالاسىپ, قولعاپتار شاتاسپاس ءۇشىن دالىزدەن ارنايى زونا ءبولۋ كەرەك. بارلىعىن قوراپقا سالىپ, قولشاتىر ءىلىنىپ تۇراتىن ورىنعا دەيىن بولعانى ابزال.
قادىرالى سارىپبەك
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر