• usd 468.56

  • eur 497.56

  • rub 7.3

  • cny 67.18

30 قاڭتار, 11:17:36
الماتى
-3°

بىلتىرعى قاڭتار&ndash؛قاراشا ايلارىندا رەسپۋبليكادا 13,4 مىڭ جول-كولىك وقيعاسى تىركەلدى, بۇل ءبىر جىل بۇرىنعىدان 9,2% كوپ. ونىڭ ىشىندە 1,7 مىڭى (نەمەسە 13%-ى) كىسى ولىمىمەن اياقتالعان. مۇنداي دەرەكتى ؛ranking.kz ؛پورتالى كەلتىرىپ وتىر.

تىركەلگەن قۇقىق بۇزۋشىلىقتاردىڭ جالپى سانىنىڭ 11,6 مىڭى كولىك جۇرگىزۋشىلەرىنىڭ كىناسىنەن, 378 دەرەك جاياۋ جۇرگىنشىلەردىڭ كىناسىنەن, ءۇش دەرەك كوممۋنالدىق قىزمەتتەردىڭ كىناسىنەن, ءبىر دەرەك جول قىزمەتى مەن مەردىگەرلەردىڭ كىناسىنەن بولعان.

قازاقستاندا جكو ەڭ كوپ بولاتىن كۇن ؛&ndash؛ دۇيسەنبى. جكو سەنبى جانە سەيسەنبى كۇندەرى دە ءجيى بولادى. ەڭ از بولاتىن كۇن ؛&ndash؛ بەيسەنبى.

ەلدەگى بارلىق جول-كولىك وقيعالارىنىڭ 68%-ى كۇندىز, 19%-ى ىمىرتتا, 12%-ى تۇندە بولعان.

ەڭ كوپ تىركەلگەن جكو جاياۋ جۇرگىنشىلەرگە سوقتىعىسۋعا قاتىستى: 5 مىڭ وقيعا. ودان كەيىن كولىكتەردىڭ سوقتىعىسۋى (3,2 مىڭ) جانە اۋدارىلۋ (1,2 مىڭ) جاعدايلارى. بۇلاردان كەيىن ەڭ كوپ بولاتىن وقيعالار كەدەرگىلەرگە سوعىلۋ (514) جانە جولاۋشىلاردىڭ قۇلاۋى (339) جاعدايلارى.

وڭىرلەر بويىنشا جازاتايىم وقيعالاردىڭ ەڭ كوبى الماتىدا تىركەلدى: 3,5 مىڭ جكو, ءبىر جىلدا 20,6% كوبەيگەن. ودان كەيىن ءداستۇرلى تۇردە الماتى (1,9 مىڭ جاعداي, 8,2% ازايعان) جانە جامبىل (1,4 مىڭ, 21,9% كوبەيگەن) وبلىستارى.

ەڭ از جازاتايىم وقيعالار جاڭادان قۇرىلعان وبلىستار ؛&ndash؛ ۇلىتاۋ, اباي جانە جەتىسۋ وبلىستارىندا (تيىسىنشە 33, 94 جانە 226 جاعداي) تىركەلدى. بۇل وڭىرلەر 2022 جىلدىڭ ورتاسىندا عانا قۇرىلعاندىقتان, كورسەتكىش تومەن بولىپ وتىر.

كىسى ولىمىنە اكەپ سوققان جاعدايلار كوبىنە تۇركىستان وبلىسىندا بولدى: جالپى جكو سانىنىڭ 37%-ى. ودان كەيىن قاراعاندى (33,9%), ۇلىتاۋ (33,3%), اباي (29,8%) جانە قىزىلوردا (23,4%) وبلىستارىندا. جكو سالدارىنان كىسى ءولىمى تىركەلۋ كورسەتكىشى ەڭ از الماتى (بار بولعانى 2,4%) مەن استانا (3,5%), سونداي-اق جامبىل وبلىسىندا (10,1%) تىركەلگەن.

"قامشى" سىلتەيدى
ىلمەك سوزدەر: جول-كولىك وقيعالارى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر