ەلوردادا وڭدەۋ ونەركاسىبىندەگى ءوندىرىس كولەمى ارتقان

مەملەكەت باسشىسىنىڭ تاپسىرماسى اياسىندا ەلوردادا ونەركاسىپ سەكتورىن دامىتۋعا ەرەكشە كوڭىل بولىنەدى. 2022 جىلدىڭ 11 ايىندا وسى سالاداعى ءوندىرىس كولەمى 1,6 ترلن. تەڭگە, دەپ حابارلادى قالا اكىمدىگىنىڭ رەسمي سايتى.

جالپى كولەمى 1,6 ترلن تەڭگەنىڭ وڭدەۋ ونەركاسىبىندەگى ءوندىرىس ۇلەسى 1,5 ترلن تەڭگەگە جەتتى, بۇل سالاعا 25,1 ملرد.تەڭگە ينۆەستيسيالاندى. بۇل تۋرالى ونلاين-بريفينگ بارىسىندا استانا اكىمىنىڭ ورىنباسارى ەرلان بەكمۇرزاەۆ مالىمدەدى.

"بۇعان دەيىن ءبىز جوو-دەگى وڭدەۋ ونەركاسىبى ۇلەسىنىڭ دەڭگەيىن 2025 جىلعا قاراي 10% - عا دەيىن جەتكىزۋ مىندەتىن قويدىق, بۇل رەتتە ءقازىر ءبىرىنشى جارتىجىلدىقتىڭ قورىتىندىسى بويىنشا ونىڭ ۇلەسى 9,4% قۇرايدى. ەلوردادا ءىرى جوبالاردى ىسكە اسىرۋ ءۇشىن بارلىق بازا قالىپتاستىرىلدى. مىسالى, بىزدە بارلىق ينجەنەرلىك جەلىلەرى بار دايىن الاڭدى قامتيتىن №1 يندۋستريالىق پارك جۇمىس ىستەيدى. يندۋستريالىق پاركتىڭ ونەركاسىپتىك وبەكتىلەرىنىڭ ينۆەستيسيالىق پورتفەلى 94 جوبانى قۇرايدى, ولاردىڭ جالپى قۇنى 250 ملرد تەڭگە بولاتىن 185 ملرد تەڭگەگە جۋىق ينۆەستيسيالانعان, ونىڭ 50 - ءى پايدالانۋعا بەرىلگەن, 44 جوبا ىسكە اسىرۋدىڭ ءارتۇرلى كەزەڭدەرىندە" دەپ حابارلادى سپيكەر.

يندۋستريالىق پارك قۇرىلعان ساتتەن باستاپ ءوندىرىس كولەمى 4,7 ترلن تەڭگەگە, ەكسپورت &ndash؛ 94 ملرد تەڭگەگە, سالىق اۋدارىمدارى &ndash؛ 154 ملرد تەڭگەگە جەتتى.

ۇش جىل ىشىندە ساياباق اۋماعىندا جالپى ينۆەستيسيا سوماسى 45 ملرد تەڭگەدەن اساتىن 15 جوبا ىسكە قوسىلدى. اعىمداعى جىلدىڭ باسىنان باستاپ ءۇش زاۋىت پايدالانۋعا بەرىلدى, كەلەسى اپتادا 600-دەن استام جۇمىس ورنىن قۇرۋمەن 23,7 ملرد تەڭگەدەن استام سوماعا تاعى ەكى جوبانىڭ ىسكە قوسىلۋىن كۇتەمىز.

ەلوردا اكىمىنىڭ ورىنباسارىنىڭ ايتۋىنشا, ساياباقتىڭ ارقاسىندا قۇرىلىس يندۋسترياسى سالاسىن ءارتاراپتاندىرۋعا مۇمكىندىك تۋدى.

"شار قۇرىلىس ءۇي قۇرىلىسى كومبيناتىنىڭ جۇمىسىن قايتا باستادى جانە جىلدىق قۋاتى 350 مىڭ شارشى مەتر بولاتىن ءوندىرىس جەلىسىن كەڭەيتتى. bi-group كومپانياسى بلوك-مودۋلدى ءۇي قۇرىلىسى كومبيناتىن ىسكە قوستى. "sensata group" قۋاتى جىلىنا 150 مىڭ تەكشە مەتر گاز بلوكتارىن شىعاراتىن زاۋىت سالىپ جاتىر. g-park جانە nak سياقتى ءىرى كومپانيالار قۇرىلىس ماتەريالدارىن ءوندىرۋ بويىنشا جوبالاردى جۇزەگە اسىرۋ بويىنشا جۇمىستار جۇرگىزۋدە. بۇل جوبالار الەۋمەتتىك تۇرعىن ءۇيدى ىسكە قوسۋ كورسەتكىشتەرى مەن ينۆەستيسيا كولەمىنىڭ ءوسۋىن قامتاماسىز ەتەدى", - دەپ ءتۇسىندىردى بەكمۋرزاەۆ.

بۇگىنگى تاڭدا №1 يندۋستريالدى پارك ءقازىر تولىپ تۇر. بولىنگەن بيۋدجەت قاراجاتى سالىنعان ينۆەستيسيالار ەسەبىنەن 6,6 ەسە سالىق تۇرىندە وتەلدى.

قازىر وسىنداي ەكىنشى ساياباقتى قۇرۋ جۇمىستارى جۇرگىزىلۋدە. ونىڭ اۋماعى 433 گەكتاردى قۇرايدى.

ساياباقتى 10 نەگىزگى كلاستەرگە ءبولۋ جوسپارلانۋدا: ماشينا جاساۋ, قۇرىلىس يندۋسترياسى, اعاش وڭدەۋ, مەتاللۋرگيا, جەڭىل, حيميا جانە تاماق ونەركاسىبى, فارماسەۆتيكا, اكت, سونداي-اق دايىن وندىرىستىك ءۇي-جايلار. مۇندا 150-دەن استام ينۆەستيسيالىق جوبا ورنالاستىرىلادى.