دوساەۆ «الماتى سۋ» مەملەكەتتىك كوممۋنالدىق كاسىپورنىن دامىتۋ جوسپارىمەن تانىستى

الماتى اكىمى ەربولات دوساەۆ «؛الماتى سۋ»؛ كوممۋنالدىق كاسىپورنىن دامىتۋدىڭ وزەكتى ماسەلەلەرى بويىنشا جۇمىس كەڭەسىن وتكىزدى, سونداي-اق تۇتىنۋشىلارعا قىزمەت كورسەتۋ ورتالىعى مەن ورتالىق ديسپەچەرلىك قىزمەتتىڭ جۇمىسىمەن تانىستى.

قالا باسشىسى قىسقا مەرزىمدە ينجەنەرلىك جەلىلەر مەن جابدىقتاردىڭ توزۋ دەڭگەيىن تومەندەتۋ قاجەتتىگىنە ەرەكشە نازار اۋداردى. قالاداعى نەگىزگى ماگيسترالدىق سۋ قۇبىرلارى, كوللەكتورلار, سۋ دايىنداۋ ستانسيالارى جانە كارىز تازارتۋ قوندىرعىلارى 60-70 جىلدارى سالىنعان. ماسەلەن, بۇگىندە الماتىدا سۋ قۇبىرى جەلىلەرىنىڭ توزۋى 55,8%, كارىز جەلىلەرىنكى - 57,5%, قۇبىرلاردىڭ ءبىر بولىگىنىڭ توزۋ دارەجەسى 100%-دى قۇرايدى.

«؛الماتى سۋ»؛ مكك باسشىلىعى قالا اكىمىنە قالالىق سۋ قۇبىرى-كارىز شارۋاشىلىعىنىڭ اعىمداعى جاعدايى جانە جۇمىستىڭ ارالىق قورىتىندىلارى تۋرالى حاباردار ەتتى, سونداي-اق جاڭعىرتۋعا, تۇتىنۋشىلاردى ساپالى قىزمەتتەرمەن ۇزدىكسىز قامتاماسىز ەتۋگە, بيزنەس-پروسەستەردى جاقسارتۋعا جانە ءوندىرىستى اۆتوماتتاندىرۋعا باستى نازار اۋدارىلعان دامۋ جوسپارىن تانىستىردى.

توزۋدى ازايتۋ جانە اپاتتى جاعدايلاردىڭ الدىن الۋ ءۇشىن جىل سايىن كەمىندە 104 كم سۋ قۇبىرلارىن, 73 كم كارىز جەلىلەرىن اۋىستىرۋ قاجەت, سونداي-اق ديامەترى 900 مم جانە ودان جوعارى ءىرى سۋ قۇبىرلارى مەن كارىز كوللەكتورلارىن قايتا جاڭارتۋ كەرەك. بۇل رەتتە قولدانىستاعى ينۆەستيسيالىق باعدارلاما جىل سايىن تەك 20-24 كم توزعان قۇبىرلاردى اۋىستىرۋدى قامتاماسىز ەتەدى.

مۇنىڭ سەبەبى تومەن/تەڭگەرىمسىز تاريف بولىپ تابىلادى: ەگەر بۇكىل الەمدە جەلىلەردىڭ جاعدايىن رەتتەۋدى قولداۋ جانە جوندەۋ قورى تاريف بەلگىلەۋ جانە قىزمەتتەردى پايدالانۋشىلاردان تۇسەتىن تۇسىمدەر ەسەبىنەن جابىلسا, وندا «؛الماتى سۋ»؛ مكك جاعدايىندا نەگىزگى ينۆەستور مەملەكەت بولىپ تابىلادى (الماتىداعى تاريف دەڭگەيى ەل بويىنشا ەڭ تومەن دەڭگەيدىڭ ءبىرى جانە 8 جىلدان استام ۋاقىت بويى وزگەرمەگەن &ndash؛ 1 000 ليترگە 48 تەڭگە).

كەڭەس بارىسىندا سۋمەن جابدىقتاۋ جانە كارىز جۇيەسىن جاڭعىرتۋ ماسەلەسى تالقىلاندى, ىسكە اسىرۋ مەرزىمدەرى ايتىلدى &ndash؛ قالالىق باعدارلاما اياسىندا 2025 جىلعا دەيىن (40,9 ملرد تەڭگە) نەگىزگى ماگيسترالدىق سۋ قۇبىرلارى مەن كارىز كوللەكتورلارىن قايتا جاڭارتۋعا باسا نازار اۋدارۋ قاجەتتىگى جوسپارلانۋدا. تالعار جەر استى سۋ كوزدەرىنەن سۋ جەتكىزۋ جۇيەسىن جاڭعىرتۋ, قارعالى سۋ دايىنداۋ ستانسياسىن پايدالانۋعا بەرۋ كوزدەلگەن.

2030 جىلعا دەيىن مەگاپوليس تۇرعىندارىنىڭ 95% - ىن ورتالىقتاندىرىلعان سۋ بۇرۋمەن قامتۋعا مۇمكىندىك بەرەتىن كارىز-سورعى ستانسيالارىنىڭ جەلىسىن ءبىر مەزگىلدە كەڭەيتىپ جانە جوندەپ, قالا سىرتىنداعى كوللەكتوردى (14 كم-دەن ءۇش ءجىپ) رەكونسترۋكسيالاۋ, باتىس كوللەكتورىن سالۋعا كىرىسۋ قاراستىرىلعان. سونداي-اق كوممۋنالدىق وبەكتىلەردى رەكونسترۋكسيالاۋ جانە تەحنولوگيالىق جابدىقتى اۋىستىرۋ جۇمىستارى جالعاستىرىلاتىن بولادى.

ينفراقۇرىلىمدى مودەرنيزاسيالاۋدان باسقا, كاسىپورىننىڭ دامۋ جوسپارى سۋ شىعىنىن ازايتۋ ماقساتىندا كەزەڭ-كەزەڭمەن سيفرلاندىرۋ جوباسىن قامتيدى. كوممۋنالدىق قىزمەتكەرلەردىڭ مالىمەتىنشە, الماتىدا جىل سايىن قالانىڭ ۇلعايۋىنا بايلانىستى سۋدى تۇتىنۋ وسۋدە (5 جىلدا 25 مىڭ تەكشە مەتر). بۇل ءوز كەزەگىندە ءتيىستى ينفراقۇرىلىم مەن قىزمەت كورسەتۋدى (8 جىل ىشىندە كاسىپورىننىڭ ينجەنەرلىك جەلىلەرىنىڭ ۇزىندىعى 18,5%-عا ءوستى) قاجەت ەتەدى.

كەزدەسۋ قورىتىندىسى بويىنشا قالا اكىمى «؛الماتى سۋ»؛ مكك باسشىلىعىنا قىسقا مەرزىمدە ينجەنەرلىك جەلىلەردىڭ توزۋىن ازايتۋ جانە كورسەتىلەتىن قىزمەتتەردىڭ ساپاسىن ارتتىرۋ ءۇشىن جاڭا تاريفتىك ساياساتتى ەنگىزۋ جونىندە ۇسىنىستار بەرۋدى تاپسىردى.

مەگاپوليس باسشىسى ەنەرگەتيكا جانە كوممۋنالدىق كاسىپورىن باسقارماسىنىڭ الدىندا بەرىلەتىن سۋدىڭ شىعىنىن ازايتۋ, تۇتىنۋدى فيسكاليزاسيالاۋ جانە ينفراقۇرىلىمدى جاڭعىرتۋ جوبالارىن ىسكە اسىرۋ, ونىڭ ىشىندە سيفرلىق سۋ ارناسى جوباسىن ەنگىزۋ مىندەتى تۇرعانىن اتاپ ءوتتى.

الماتى قالاسى اكىمىنىڭ ءباسپاسوز قىزمەتى