ەلوردادا 110 ورىندىق ستۋدەنتتەر ءۇيى پايدالانۋعا بەرىلدى

تاۋەلسىزدىك كۇنى قارساڭىندا ەلوردادا 110 ورىندىق ستۋدەنتتەر ءۇيى پايدالانۋعا بەرىلدى. استاناداعى ؛ مەنەدجمەنت, بيزنەس جانە ءبىلىم كوللەدجى ءوز ستۋدەنتتەرىن جاتاقحانامەن قامتاماسىز ەتتى, ؛دەپ حابارلادى ەلوردا اكىمدىگىنىڭ رەسمي سايتى.

ستۋدەنتتەر ءۇيى مەملەكەت باسشىسىنىڭ تاپسىرماسىنا سايكەس مەملەكەتتىك-جەكەمەنشىك ارىپتەستىكتىڭ نەگىزىندە جۇزەگە اسقان. جەكە مەنشىك وقۋ ورنى ؛ عيماراتتى ءوز قاراجاتى ەسەبىنەن سالعان. ەندى ونىڭ شىعىندارىن مەملەكەت وتەپ بەرەدى. استاناعا ارمان قۋىپ كەلگەن جاستىڭ ءبىرى ولجاس توكۋش. ول مەنەدجمەنت, بيزنەس جانە ءبىلىم كوللەدجىنىڭ ەكىنشى كۋرس ستۋدەنتى. جاڭا جاتاقحاناعا ورنالاسقالى, ساباققا ۋاقىتىلى بارىپ كەلەتىنىن ايتادى.

ويتكەنى ستۋدەنتتەر ءۇيى وقۋ ورداسىنىڭ اۋماعىندا ورنالاسقان. ؛ ولجاس توكۋش, ستۋدەنت - كوللەدج بىزگە بارلىق ىڭعاي جاسادى. مىنانداي جاتاقحانا سالدىرىپ ورنالاستىق. جيھاز ءبارى جاڭا, اس ۇيدەگى ءبارى جاڭا الىنعان. تاربيەشى دە جاقسى ادام, تەز ءتال تابىسىپ كەتتىك. ؛

جاڭا جاتاقحانانىڭ ىشىندە ستۋدەنتتەرگە بارلىق جاعداي جاسالعان. توسەك-ورىن, ىدىس-اياقتىڭ ءبارى جاڭا. ىشىندە دەمالىس بولمەسى, اس ءۇي, سپورت زالى, مەديسينالىق پۋنكت تە بار. شاكىرتتەردىڭ قاۋىپسىزدىگى ءۇشىن بەينەباقىلاۋ جۇيەسى ورناتىلعان. ؛

قاسىمحان سەنعازىەۆ, قالالىق ءبىلىم باسقارماسىنىڭ باسشىسى:

&ndash؛ بۇل كوللەدج جەكە مەنشىك. ءبىزدى قۋانتاتىنى بۇل وسى كوللەدجدىڭ ءوزى سالىپ جاتقان جاتاقحاناسى. بۇعان دەيىن بۇل كوللەدجدە جاتاقحانا بولعان جوق. جالعا الىپ, حوستەلدەردە بالالار تۇرىپ جاتتىر. كوللەدجدىڭ تەرريتورياسىندا ورنالاسقان. ول دا جاقسى. وسى جەردەن شىعىپ ساباقتارىنا بارا بەرەدى. ؛ ؛ جالپى استانادا 34 كوللەدج بار. وندا 32 مىڭعا جۋىق ستۋدەنت ءبىلىم الادى. ال جاتاقحانا ماسەلەسى ءالى دە وزەكتى. ويتكەنى ءقازىر ءبىر مىڭنان استام كوللەدج ستۋدەنتى جاتاقحاناعا مۇقتاج. جەرگىلىكتى بيلىك بۇل ماسەلەنىڭ جاقىندا شەشىمىن تاباتىنىن ايتادى.