قوس ازاماتتىقپەن جۇرگەن ريددەر تۇرعىنى جاۋاپقا تارتىلدى

قوس ازاماتتىقپەن جۇرگەن ريددەر تۇرعىنى جاۋاپقا تارتىلدى, دەپ حابارلايدى polisia.kz.

 ؛قازاقستان زاڭناماسى بويىنشا كەز كەلگەن باسقا ازاماتتىعىن العاننان كەيىن ادام كۇنتىزبەلىك 30 كۇن ىشىندە قازاقستاندىق ۇلگىدەگى پاسپورت پەن جەكە كۋالىكتى تاپسىرۋعا جانە ازاماتتىعىنان ايىرىلعانىن تىركەۋگە مىندەتتى.

الايدا قازاقستاننىڭ كەيبىر تۇرعىندارى باسقا مەملەكەتتىڭ ازاماتتارى بولا وتىرىپ, قازاقستانعا كىرۋ جانە تۇرۋ ءۇشىن قازاقستاندىق قۇجاتتاردى پايدالانادى. ازاماتتار قازاقستاننىڭ الەۋمەتتىك, زەينەتاقى جانە باسقا دا جەڭىلدىكتەرىن پايدالانۋ ءۇشىن ازاماتتىقتىڭ اۋىسۋ فاكتىسى تۋرالى حابارلاۋعا اسىقپايدى.

&ndash؛ قاراشا ايىندا كوشى-قون قىزمەتىنىڭ قىزمەتكەرلەرى ريددەر قالاسىنىڭ 21 جاستاعى تۇرعىنىن انىقتاعان. ول 2020 جىلدىڭ شىلدەسىندە رەسەي فەدەراسياسىنىڭ ازاماتتىعىن العان, الايدا ول تۋرالى مالىمدەمەگەن جانە سايكەسىنشە قر ازاماتتىعىن جوعالتۋدى ۋاقتىلى راسىمدەگەن, &ndash؛ دەدى شقو پد كوشى-قون قىزمەتى باسقارماسى باستىعىنىڭ مىندەتىن ۋاقىتشا اتقارۋشى رينات شكيباەۆ.

سوت شەشىمى بويىنشا قۇقىق بۇزۋشى 200 اەك ايىپپۇل تۇرىندە قر اقبتك-نىڭ 496-بابى 2-بولىگى (قازاقستان رەسپۋبليكاسىنىڭ ازاماتتىق تۋرالى زاڭناماسىن بۇزۋ) بويىنشا اكىمشىلىك جاۋاپكەرشىلىككە تارتىلدى. جاس جىگىتتەن قازاقستان رەسپۋبليكاسى ازاماتىنىڭ پاسپورتى تاركىلەنىپ, قازاقستان ازاماتتىعىنان ايرىلۋ راسىمدەلدى.

&ndash؛ جىل باسىنان بەرى شقو پوليسيا دەپارتامەنتى 50-دەن استام قوس ازاماتتىق فاكتىسىن انىقتادى, &ndash؛ دەپ جالعاستىردى رينات شكيباەۆ.