• usd 468.56

  • eur 497.56

  • rub 7.3

  • cny 67.18

30 قاڭتار, 11:20:43
الماتى
-3°

"قازفوسفات" جشس-عا قاراستى "جاڭا جامبىل فوسفور زاۋىتى" فيليالى ماڭىنا جينالعان جۇمىسشىلار جالاقىنىڭ ازدىعىنا جانە باسشىلاردىڭ دورەكىلىگىنە نارازىلىق ءبىلدىردى. نارازىلىق كەزىندەگى ۆيدەولاردى جۋرناليست نۇرادين راكاي جاريالادى.

ازاتتىق راديوسىنىڭ ؛دەرەگىنشە, زاۋىتتاعى جۇمىسشىلاردىڭ الەۋمەتتىك جاعدايى وتە ناشار, ەڭبەك قاۋىپسىزدىگى ساقتالماي كەلگەن. ؛باسشىلاردىڭ ءبىرى, سيفرلىق ترانسفورماسيا جونىندەگى باسقارما باسشىسى, رەسەي ازاماتى ؛ولەگ كۋليكوۆ جۇمىسشىلار شاعىمدانعان كەزدە "قازاقتاردى بالاعاتتاعان". ولار ولەگ كۋليكوۆ جۇمىسشىلاردى "قوي" دەپ بالاعاتتاعانىن ايتادى. ؛بۇدان سوڭ جۇمىسشىلار كوتەرىلىپ, كەڭسە الدىنا جينالعان.

جۇمىسشىلاردىڭ سوزىنشە, باسشىلىق "حالىق كوتەرىلىپ كەتە مە" دەپ قورىققان. بۇل جاققا كەمىندە 12-15 كولىكپەن ارنايى جاساق اكەلىنگەن. وقيعا ورنىنا تاراز اكىمى, پروكۋراتۋرا وكىلدەرى كەلگەن.

اقپاراتقا قاراعاندا, 23 قاراشادا ەرەۋىلدەن كەيىن جينالىس بولعان. وعان ءاربىر سەحتان ءبىر-بىر جۇمىسشىدان قاتىستىرىلعان. وندا ايلىقتى ءوسىرۋ, جۇمىس زياندىعى تۋرالى تولەماقىنى قايتارۋ, ارنايى كيىممەن قامتاماسىز ەتۋ, كاسىپوداق, ءىس-قاعازداردىڭ قازاقشا جۇرگىزىلمەۋى جانە وزگە ماسەلەلەر قوزعالعان.

جامبىل اۋدانى اكىمدىگى نارازىلىققا قاتىستى قىسقا حابارلاما تاراتىپ, "ۇلتارالىق ماسەلە تۋىنداماعانىن" ايتتى.

"رەسەي ازاماتى جۇمىسشىلاردان كەشىرىم سۇرادى جانە جۇمىستان بوساتىلدى. سونداي-اق جۇمىسشىلاردىڭ تالاپ-تىلەكتەرى مەن ۇسىنىس-پىكىرلەرى بويىنشا جۇمىسشى توپ قۇرىلىپ, زەردەلەۋ جۇمىستارى ۇيىمداستىرىلىپ جاتىر. ۇلتارالىق ماسەلە بولماعان. زاۋىت شتاتتىق رەجيمدە جۇمىس ىستەپ جاتىر" دەپ جازىلعان حابارلامادا.

جۇمىسشىلاردىڭ سوزىنە قاراعاندا, ساعات 14:30-داعى جاعداي بويىنشا نارازىلار زاۋىت اۋماعىنان تاراپ كەتكەن.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر