• usd 468.56

  • eur 497.56

  • rub 7.3

  • cny 67.18

29 ناۋرىز, 01:01:34
الماتى
+35°
رەسەيلىك ساياساتتانۋشى دميتريي ؛دروبنيسكييدىڭ قازاقستان تۋرالى ايتقان ارانداتۋ سيپاتىنداعى سوزدەرىنە سىرتقى ىستەر مينيسترلىگىنىڭ وكىلدەرى ادەتتەگىدەي سارىندا جاۋاپ بەردى. ؛
 ؛
"دروبنيسكييدىڭ سوزدەرى رەسەي بيلىگىنىڭ كوزقاراسىن بىلدىرمەيدى, مۇنداي مالىمدەمەلەر ەكى ەل اراسىنداعى تىعىز قارىم-قاتىناسقا نۇقسان كەلتىرەدى" دەپ جۇمساق سويلەگەن سىرتقى ىستەر ءمينيسترىنىڭ ورىنباسارى رومان ۆاسيلەنكونىڭ تەك "مالىمدەمەگە رەسەي بيلىگى رەاكسيا تانىتۋى كەرەك" دەگەنى عانا ناقتى ءشىقتى.
 ؛
ىnformburo.kz سايتىنىڭ كەلتىرۋىنشە, اتالعان جايتقا بايلانىستى رەسەي ەلشىسىن شاقىرتۋ, نارازىلىق نوتاسىن جولداۋ تۋرالى ازىرگە اقپارات جوق.

رەسەي تەلەارنالارىنىڭ بىرىنەن كورسەتىلەتىن "ۆەچەر س ۆلاديميروم سولوۆەۆىم" باعدارلاماسىنىڭ 20 قاراشا كۇنگى شىعارىلىمىندا رەسەيلىك ساياساتتانۋشى دميتريي دروبنيسكيي رەسەيدىڭ كەلەسى پروبلەماسى قازاقستان بولاتىنىن ايتقان. ؛

"ول جاقتا دا ۋكرايناداعىداي ناسيستىك پروسەستەر باستالۋى ابدەن مۇمكىن. ول جاقتا ورىستار كوپ, روساتومعا قاجەتتى يادرولىق جانارماي دا بار" دەگەن ول سەمەي مەن ەلدىڭ اۋماعى تۋرالى ءسوزىنىڭ ارتىن جەپ قويدى. ول قازاقستاننىڭ كەي جەرلەرى رەسەيدىكى دەگەندى ايتقىسى كەلگەن بولۋى مۇمكىن. ويتكەنى وسىعان ۇقساس سوزدەر بۇعان دەيىن رەسەي دەپۋتاتتارى تاراپىنان الدەنەشە رەت ايتىلعان. ؛

قازاقستان بيلىگى مۇنداي داۋلى مالىمدەمەلەر جەكەلەگەن ادامداردىڭ كوزقاراسى ەكەنىن, رەسەي بيلىگىنىڭ ۇستانىمىن بىلدىرمەيتىنىن قايتالاۋمەن كەلەدى.

قوعام بەلسەندىلەرى ەگەر رەسەي ۋكرايناداعى سوعىستا جەڭىسكە جەتسە, قازاقستاندا ورىس ەتنوسىنىڭ وكىلدەرىنە قىسىم جاسالىپ جاتىر دەگەن سىلتاۋمەن اسكەري قيمىلدارعا بارۋى مۇمكىن ەكەنىن ءجيى ايتادى.

"قامشى" سىلتەيدى
ىلمەك سوزدەر: دميتريي دروبنيسكيي

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر