الماتى وبلىسى اكىمدىگىندە كادرلىق ءاۋىس-تۇيىس

الماتى وبلىسى اكىمى اپپاراتى باسشىسىنىڭ ورىنباسارى لاۋازىمىنا احمەتوۆ دانيار دۋيسەنبىۇلى تاعايىندالدى. بۇل تۋرالى وبلىس اكىمىنىڭ ءباسپاسوز قىزمەتى حابارلادى.

دانيار دۋيسەنبىۇلى 1984 جىلى تۋعان, ءبىلىمى جوعارى. 2006 جىلى قازاق مەملەكەتتىك زاڭ اكادەمياسىن «؛زاڭگەر»؛ ماماندىعى بويىنشا, 2015 جىلى ۇلىبريتانيا شەففيلد ۋنيۆەرسيتەتى, «؛بولاشاق»؛ باعدارلاماسىنىڭ «؛حالىقارالىق قاتىناستار ماگيسترى»؛ ماماندىعى بويىنشا اياقتاعان.

ەڭبەك جولىن 2005 جىلى ەسەپ كوميتەتىنىڭ ينسپەكتورى بولىپ باستاعان.

ار جىلدارى يندۋستريا جانە ساۋدا مينيسترلىگىنىڭ باس مامانى, قارجى نارىعىن رەتتەۋ مەن قاداعالاۋ اگەنتتىگى ساراپشىسى, ەكونوميكالىق دامۋ جانە ساۋدا مينيسترلىگىنىڭ باسقارماسىنىڭ باستىعى, دەپارتامەنت ديرەكتورىنىڭ ورىنباسارى, پرەمەر-مينيستر ءبىرىنشى ورىنباسارىنىڭ كەڭەسشىسى, پرەمەر-مينيستر كەڭسەسىنىڭ وڭىرلىك دامۋ ءبولىمى مەڭگەرۋشىسىنىڭ ورىنباسارى, پرەمەر-مينيستر كەڭسەسى باسشىسىنىڭ ورىنباسارى, پرەمەر-مينيستر كەڭەسشىسى, قر پرەزيدەنتى اكىمشىلىگىنىڭ ينسپەكتورى, الماتى قالاسى اكىمى اپپاراتى باسشىسىنىڭ ورىنباسارى قىزمەتىن اتقارعان.

وسى ۋاقىتقا دەيىن الماتى وبلىسى اكىمىنىڭ كەڭەسشىسى لاۋازىمىندا ەڭبەك جاساعان.