باس پروكۋراتۋرا سايلاۋ كۇنىنە بايلانىستى ەسكەرتۋ جاسادى

باس پروكۋراتۋرا 20 قاراشادا زاڭسىز ميتينگىلەردى وتكىزۋگە, قاتىسۋعا جانە وزگە دە قۇقىققا قايشى ارەكەتتەر جاساۋعا بايلانىستى تاراعان اقپاراتتارعا قاتىستى ۇندەۋ جاسادى. ؛ۆەدومستۆو مالىمەتىنشە, الەۋمەتتىك جەلىلەردە سوت تىيىم سالعان ۇيىمنىڭ 20 قاراشادا زاڭسىز ميتينگىلەردى وتكىزۋگە, قاتىسۋعا جانە وزگە دە قۇقىققا قايشى ارەكەتتەر جاساۋعا شاقىرۋلارى تاراپ جاتىر.

"ۇلتتىق جانە حالىقارالىق قۇقىققا سايكەس, تەرروريزمدى نەمەسە زورلىق-زومبىلىق ەكسترەميزمدى ناسيحاتتايتىن وسىنداي ۇيىمداردىڭ كەز كەلگەن قىزمەتىنە تىيىم سالىنعانىن اتاپ وتەمىن. "قازاقستان رەسپۋبليكاسىندا بەيبىت جينالىستار, ميتينگىلەر, شەرۋلەر, پيكەتتەر مەن دەمونستراسيالار ۇيىمداستىرۋ جانە وتكىزۋ ءتارتىبى تۋرالى" زاڭمەن (5-باپتىڭ 6-تارماعى, 14-باپتىڭ 1-تارماعىنىڭ 2-تارماقشاسى) ولاردىڭ وسىنداي اكسيالاردى ۇيىمداستىرۋىنا جول بەرمەۋ بەكىتىلگەن. ەگەر اكسيالار مەملەكەتتىڭ قاۋىپسىزدىگىنە نۇقسان كەلتىرۋگە, باسقا دا قىلمىستىق ارەكەتتەر جاساۋعا باعىتتالعان بولسا, ولاردى جۇرگىزۋگە دە جول بەرىلمەيدى (زاڭنىڭ 14-بابىنىڭ 1-تارماعىنىڭ 1-تارماقشاسى)", - دەيدى باس پروكۋروردىڭ ورىنباسارى جاندوس ومىراليەۆ.

بۇل زاڭسىز ارەكەتتەردى جاساۋمەن ۇشتاسقان تىيىم سالىنعان ۇيىمداردىڭ شاقىرۋلارى, ۇيىمداستىرۋى جانە ولارمەن ۇيىمداستىرىلعان اكسيالارعا قاتىسقانى ءۇشىن اكىمشىلىك (اقبتك-نىڭ 488-بابى) جانە قىلمىستىق جاۋاپتىلىق (قك-نىڭ 179-بابى (بيلىكتى كۇشتەپ باسىپ الۋعا شاقىرۋ) 405-بابى (سوت تىيىم سالعان ۇيىمداردىڭ قىزمەتىنە قاتىسۋ)) كوزدەلگەن.

ەسكە سالايىق, بۇعان دەيىن ۇقك سايلاۋ كۇنى جاپپاي تارتىپسىزدىك ۇيىمداستىرعىسى كەلگەن قىلمىستىق توپ ۇستالعانىن حابارلاعان بولاتىن.