فوتو: ساندۋعاش دۋيسەنوۆا
تالدىقورعاندا قاڭتار وقيعاسى كەزىندە قۇلاعان ەكس-پرەزيدەنت نۇرسۇلتان نازارباەۆ ەسكەرتكىشىنىڭ ورنىنا ۇلى اقىن اباي قۇنانباەۆقا ارنالعان ەسكەرتكىش قويىلۋى مۇمكىن. بۇل تۋرالى جەتىسۋ وبلىسىنىڭ اكىمى بەيبىت يساباەۆتىڭ جەرگىلىكتى تۇرعىندارمەن كەزدەسۋىندە ايتىلدى.
جيىندا تۇرعىنداردىڭ ءبىرى قالاعا اباي ەسكەرتكىشىن قويۋ ماسەلەسى بىرنەشە جىلدان بەرى شەشىلمەي كەلە جاتقانى كوتەردى. وبلىس اكىمى ەسكەرتكىش ءقازىر الماتىدا جاسالىپ جاتقانىن, 2-3 ايدا دايىن بولاتىنىن, تەك ورنىن انىقتاۋ قالعانىن جەتكىزدى. وسى كەزدە تۇرعىنداردىڭ ءبىرى ونى نازارباەۆ ەسكەرتكىشىنىڭ ورنىنا قويىپ, نازارباەۆ كوشەسىن قايتادان تاۋەلسىزدىك دەپ اتاۋدى ۇسىندى. بۇعان زال دۋىلداتىپ شاپالاق سوقتى. اكىم حالىق پىكىرى ەسكەرىلەتىنىن ءمالىم ەتتى.
تالدىقورعانداعى نازارباەۆ ەسكەرتكىشى 2016 جىلى ورناتىلعان. ونى وبلىستىڭ سول كەزدەگى باسشىسى اماندىق باتالوۆ اشقان. ال 2022 جىلعى قاڭتار وقيعاسى كەزىندە جۇرتشىلىق ەسكەرتكىشتى قۇلاتىپ, سودەن بەرى ونى ەشكىم قايتا تۇرعىزبادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر