الماتىداعى كرەماتورييدىڭ قاشان اشىلاتىنى بەلگىلى بولدى

الماتىدا كرەماتوريي قۇرىلىسىنىڭ مەرزىمى باعانىڭ وسۋىنە جانە سمەتانى وزگەرتۋ قاجەتتىلىگىنە بايلانىستى كەيىنگە شەگەرىلدى. كرەماتوريي قۇرىلىسى 2023 جىلدىڭ العاشقى ايلارىندا اياقتاۋ جوسپارلانىپ وتىر. بۇل تۋرالى قالا اكىمدىگىنىڭ ءباسپاسوز قىزمەتى مالىمدەدى.

ۆەدومستۆو مالىمەتىنشە, الماتىداعى كرەماتوريي قۇرىلىسى ترانسفورماتورلىق قوسالقى ستانسا مەن گاز قۇبىرىنىڭ تراسساسىن ورناتۋدى قوسپاعاندا 80 پايىزعا ورىندالعان. ؛

"2021 جىلدىڭ ەكىنشى توقسانىندا باعانىڭ سەرپىندى وسۋىنە بايلانىستى قۇرىلىس-مونتاجداۋ جۇمىستارىن جۇرگىزۋ كەزەڭىنە ترانسفورماتورلىق قوسالقى ستانسيانىڭ سمەتالىق قۇنى وزگەردى. گاز قۇبىرىنىڭ باعىتى مەن جالعاۋ نۇكتەسى دە وزگەرتىلدى. وسىعان بايلانىستى ىشكى مەملەكەتتىك اۋديت كوميتەتىنە ءوتىنىش جولدانىپ, جوبالىق-سمەتالىق قۇجاتتامانى تۇزەتۋگە كەلىسىم الىندى. جوبالاۋ ۇيىمى جوبانى تۇزەتۋ جۇمىستارىن جۇرگىزدى. قازىرگى ۋاقىتتا جەرگىلىكتى بيۋدجەت كوميسسياسىنىڭ قاراۋىنا ۇسىنۋ ءۇشىن قۇجاتتار دايىندالدى. ول بەكىتىلگەننەن كەيىن "مەمساراپتاما" رمك-دان وڭ قورىتىندى الىپ, قۇرىلىس-مونتاج جۇمىستارىن جۇرگىزۋ قاجەت. وسىعان بايلانىستى نىساندى اشىپ, پايدالانۋعا بەرۋ كەيىنگە شەگەرىلىپ وتىر. بولجامدى مەرزىم &ndash؛ 2023 جىلدىڭ ءبىرىنشى توقسانى", &ndash؛ دەلىنگەن حابارلامادا.