فوتو: اشىق دەرەككوز
تۇركيا بيلىگى اقش-تىڭ كوڭىل ايتۋ جەدەلحاتىن قابىلدامايتىنىن مالىمدەدى. بۇل تۋرالى تۇركيانىڭ ىشكى ىستەر ءمينيسترى سۇلەيمەن سويلى حابارلادى دەپ جازادى hurriyet باسىلىمى. ؛
"بۇل بىزگە جاسالعان ەسكەرتۋ ەكەنىن جاقسى بىلەمىز. مۇنداي ەسكەرتۋ جاساۋدىڭ نەگىزگى سەبەبىنەن دە حاباردارمىز. اقش-تىڭ كوڭىل ايتۋىن قابىل المايمىز. بۇل ەسكەرتۋگە قارسى ۇلكەن ءبىر جاۋاپ بەرەتىن بولامىز", دەدى سۇلەيمەن سويلى. ؛
بۇدان بولەك, مينيستر يستيكليال كوشەسىنە جارىلعىش زات قالدىرعان ايەل گرەكياعا قاشىپ كەتۋدى جوسپارلاعانىن حابارلادى. ؛
"ارينە, مۇنداي ارسىزدىققا, وپاسىزدىققا شىداي المايتىنىمىزدى ايتقىم كەلەدى. يستيكليال كوشەسى ءبىزدىڭ ورتالىقتا ورنالاسقان تانىمال كوشەمىز. جاسالعان تەراكتىگە قاتىستى ارنايى وپەراسيالار ءالى دە جالعاسىپ جاتىر. تەروريستەر قولعا ءتۇستى. ەگەر ۇستالماسا گرەكياعا قاشىپ كەتەتىن ەدى. ءبىز تەراكتىنىڭ قالاي جوسپارلانعانىن, قالاي ىسكە اسىرىلعانىن جاقسى بىلەمىز. اللا ۇلتىمىزعا اماندىق بەرسىن" دەدى مينيستر. ؛
كەشە ستامبۋلدىڭ ورتالىق كوشەلەردىڭ ءبىرى يستيكليالدا بولعان جارىلىس بولعان. سالدارىنان 6 ادام قازا تاۋىپ, 81 ادام جارالانعان. ؛تۇركيا ءىىم باسشىسى جارىلعىش زاتتى قالدىرعان ايەل مەن تاعى 21 كۇدىكتى ۇستالعانىن ؛مالىمدەدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر