فوتو: polisia.kz
اباي وبلىسىندا ؛تارباعاتاي اۋدانىندا تۋعان 26 جاستاعى ەر ادام 12 جىل بويى قۇلدىقتا ءومىر ءسۇرىپ كەلگەن. ول وسى ۋاقىت ارالىعىندا 11 شارۋاشىلىقتا جۇمىس ىستەگەن. بۇل تۋرالى ؛ىشكى ىستەر مينيسترلىگىنىڭ اقپارات رەسۋرسى حابارلادى.
جارما اۋدانى شار قالاسى پوليسيا باسقارماسىنا شارۋا قوجالىقتاردىڭ ءبىرىنىڭ باسشىسى قوڭىراۋ شالىپ, جاڭا جۇمىسشى جالداعانىن ايتقان. پوليسيا قىزمەتكەرلەرى ؛جۇمىسقا جالدانعان ازاماتتىڭ قۇجاتى جوعىن انىقتاپ, قويىلعان سۇراققا دۇرىس جاۋاپ بەرە المايتىنىن بايقاعان. شارۋاقوجالىق يەسى جاڭا جۇمىسشىسىنىڭ قاسىنان كەتكەندە پوليسەيلەر ونىڭ تەگىن ءبىلىپ الىپ, سول بويىنشا ونىڭ اپكەسىن تابادى. ارتىنشا, اپكەسى ەر ادامدى 2010 جىلدان بەرى تاپپاي جۇرگەنى, جابىرلەنۋشى وسى 12 جىلدا 11 شارۋا قوجالىعىندا جۇمىسقا جەگىلگەنى انىقتالعان.
تەرگەۋ بارىسىندا پسيحيكالىق اۋىتقۋى بار جاس جىگىتتى بۇرىن بىرنەشە رەت سوتتالعان 54 جاستاعى سەمەي تۇرعىنى جۇمىس كۇشى رەتىندە پايدالانىپ كەلگەنى بەلگىلى بولدى. ول ؛تارباعاتاي اۋدانىنىڭ تۇرعىنىمەن تۇعىل اۋىلىنا بالىق اۋلاۋعا بارعاندا تانىسقان. جاس جىگىتتىڭ اقىل-ەسى كەم ەكەنىن بايقاپ, ءوزىنىڭ جىمىسقى ويىن جۇزەگە اسىرعان.
ول جابىرلەنۋشىنى 12 جىلدان استام ۋاقىت بويى سەمەي قالاسى, اباي, ۇلان جانە جارما اۋداندارىنداعى شارۋا قوجالىقتارىندا جۇمىس ىستەۋ ءۇشىن ساتىپ كەلگەن. ءوزىن شارۋاقوجالىق يەلەرىنە جىگىتتىڭ تۋىسىمىن دەپ تانىستىرعان. جىگىتتىڭ جالاقىن ءوزى الىپ, جىلدار بويى وسىلايشا 2 ميلليون تەڭگە اقشانى قالتاسىنا باسقان. بۇدان بولەك مۇگەدەكتىڭ اي سايىنعى زەينەتاقى جيناقتارى مەن الەۋمەتتىك تولەمدەرىن جىمقىرىپ وتىرعان. زالالدىڭ جالپى سوماسى 4 ملن تەڭگەدەن اسادى.
قازىرگى ۋاقىتتا جابىرلەنۋشى تۋىستارىنا تابىستالعان. ال كۇدىكتىنى جارما اۋداندىق سوتى قىلمىستىق كودەكستىڭ 128-بابى 2-بولىگى 2, 8, 11, 12-بولەكتەرى (ادام ساۋداسى) جانە 190-باپتىڭ 1-تارماعى 3-بولىگى (الاياقتىق) بويىنشا كىنالى دەپ تاۋىپ, 4 جىل 6 ايعا باس بوستاندىعىنان ايىرعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر