• usd 468.56

  • eur 497.56

  • rub 7.3

  • cny 67.18

30 قاڭتار, 13:05:05
الماتى
-3°

قوعام بەلسەندىسى, تىركەلمەگەن دەموكراتيالىق پارتيا جەتەكشىسى جانبولات ماماي ءۇيقاماققا شىعارىلدى. ؛سوت ونىڭ بۇلتارتپاۋ تۋرالى شاراسىن وزگەرتىپ, تەرگەۋ يزولياتورىنان ءۇيقاماققا جىبەرگەن. بۇگىن كەشكە ونى يزولياتور الدىنان جاقىندارى, جاقتاستارى قارسى الدى. ؛

وپپوزيسيالىق ساياساتكەردىڭ ۇستىنەن  ؛قوزعالعان قىلمىستىق ءىس بويىنشا العاشقى سوت 7 قاراشادا №2 بوستاندىق اۋداندىق سوتىندا وتەتىنى دە بەلگىلى بولدى.

"سىزدەرگە كوپ راقمەت! بۇل مەن ءۇشىن كۇتپەگەن جاڭالىق بولدى. سيزو-دان شىعىپ, ۇيگە بارۋعا ەش دايىندالماعان ەدىم. 8 جارىم ايىمدى كامەرادا وتكىزدىم. اياق استىنان بوستاندىققا شىعاسىن دەپ قاعاز الىپ كەلدى. سىزدەرگە العىسىم شەكسىز! بۇل &ndash؛ تەك قوعامنىڭ جەڭىسى دەپ ويلايمىن. بۇل &ndash؛ ؛تولىق بوستاندىق ەمەس. ءۇيقاماققا اۋىستىرىلدىم. ەگەر قوعام نارازىلىق ءبىلدىرىپ, حالىقارالىق ۇيىمدار قولداۋ بىلدىرمەسە, بۇگىنگى جاعداي ورىن الماس ەدى. ماعان تاعىلعان ايىپتى مەن مويىنداعان ەمەسپىن جانە مويىندامايمىن دا. 8 جارىم ايدان بەرى مەن ساياسي سەبەپپەن تۇرمەگە قامالدىم. دەنساۋلىعىم وتە جاقسى. وعان قاتىستى ەشقانداي ارىز-شاعىمىم جوق. بۇگىنگە دەيىنگى الەمگە دەگەن مەنىڭ تەرەزەم جۇبايىم مەن قورعاۋشىلارىم بولدى. سوتتا شىندىقتى دالەلدەپ كۇرەسۋگە مەن دايىنمىن", دەدى جانبولات ماماي. ؛

جانبولات مامايعا زاڭسىز ميتينگ ۇيىمداستىردى, پوليسياعا ءتىل تيگىزدى, جالعان اقپارات تاراتتى دەگەن ايىپتار تاعىلعان. جۋىردا ؛جانبولات مامايعا تاعىلعان "جاپپاي تارتىپسىزدىك ۇيىمداستىردى" دەگەن ايىپ ؛"بەيبىت جيىن وتكىزۋ ءتارتىبىن بۇزۋ" بابىمەن اۋىستىرىلعان. بەلسەندىنىڭ جۇبايى, جۋرناليست ينگا يمانباي بيلىك مۇنداي قادامعا حالىقارالىق قىسىمنان كەيىن باردى دەپ سانايدى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر