• usd 468.56

  • eur 497.56

  • rub 7.3

  • cny 67.18

29 ناۋرىز, 03:30:25
الماتى
+35°
156 ادامنىڭ ءومىرىن قيعان كورەيادا حەللوۋيندى تويلاۋ كەزىندەگى ادام ءنوپىرىنىڭ تار كوشەگە سىعىلۋىنان بىرنەشە ساعات بۇرىن شۇعىل كومەك قىزمەتىنە ىقتيمالدى ءقاۋىپ تۋرالى ونداعان تەلەفون قوڭىراۋى تۇسكەنى بەلگىلى بولدى. الايدا قىزمەتكەرلەر ونى ەلەمەي, نەمقۇرايلىق تانىتقان. بۇل تۋرالى دەرەكتى سەۋل پوليسياسى ۆۆس-گە راستاعان.

112 نومەرىنە قوڭىراۋ شالعاندار مەرەكەلىك شارالار وتكەن ؛يتحەۆونا كوشەسىندە ادامدار ۇستى-ۇستىنەن قاپتاپ جاتقانى ءقاۋىپتى بولۋى مۇمكىن ەكەنىن ايتقان.

"تار كوشەمەن ءجۇرۋ ءقاۋىپتى بولىپ بارا جاتىر. تومەنگە ءتۇسۋ قيىن. ءبىراق ادامدار سوندا دا جوعارى كوتەرىلىپ جاتىر. ولار تاپتالىپ قالادى عوي. ءوزىم زورعا شىقتىم. ول جاقتا ادام تىم كوپ. وسىنى باقىلاۋعا العان دۇرىس شىعار" دەگەن قوڭىراۋ شالۋشىلاردىڭ ءبىرى. ؛

پوليسيا "ادام قوزعالىسى شەكتەلىپ, ادامداردىڭ اياعى الىپ, تاپتالۋ ءقاۋپى بار دەپ تۇرسىز با سوندا" دەپ ناقتىلاعان. قوڭىراۋ شالعان ادام ء"يا, جاعداي, الاڭداتارلىق" دەپ جاۋاپ بەرگەن.

بۇدان كەيىنگى ءۇش جارىم ساعاتتا پوليسياعا وسىعان ۇقساس ونداعان قوڭىراۋ تۇسكەن.

الايدا پوليسيا جاعدايعا نەمقۇرايلى قاراپ, ءتيىستى شارالار قولدانباي, جاعدايدىڭ الدىن الا الماعان. بۇنى وڭتۇستىك كورەيا پوليسياسى باسشىسىنىڭ ءوزى مويىندادى.

كوميسسار يۋن حي كىن بولعان جاعداي ءۇشىن جاۋاپكەرشىلىكتى سەزىنەتىنىن جەتكىزىپ, تولىق تەرگەۋ جۇرگىزىلەتىنىنە ۋادە بەردى.

ەل پرەيدەنتى يۋن سۋك ёل جاعداي ادام ءنوپىرىن باسقارا ءبىلۋدىڭ ماڭىزىن كورسەتكەنىن, بۇل تۇرعىدا زەرتتەۋ جەتكىلىكسىز ەكەنىن ايتىپ, بولاشاقتا ادام ءنوپىرىن دروندارمەن, وزگە دە سيفرلىق تاسىلدەرمەن باقىلاۋ كەرەكتىگىنە نازار اۋداردى. ؛

سەۋلدىڭ تۇنگى كلۋبتار مەن كافەلەر كوپ شوعىرلانعان يتحەۆون كوشەسىنە سول كۇنى كوۆيد شەكتەۋلەرى الىنىپ تاستاعالى مۇنداي كولەمدە ادام العاش جينالعان. ءارى حەللوۋيندى اتاپ ءوتۋ شارالارىنىڭ ناقتى ۇيىمداستىرۋشىسى بولماعاندىقتان, 100 مىڭداي ادام جينالاتىنىن ەشكىم ويلاماعان.

كۋاگەرلەردىڭ ايتۋىنشا, جان جاعى قابىرعا تار كوشەگە ادام بىرتىندەپ جينالىپ, ءبىر مەزەتتە قوس قابىرعا ورتاسىندا ادامدار كەپتەلىپ قالعان. جوعارى جاقتا تۇرعانداردىڭ اياعى شىداماي قۇلاعان ساتتەردە ارتتاعى ەكپىنمەن ولاردى تاپتاپ وتكەن. سالدارىنان 156 ادام مەرت بولىپ, 152 ادام ءتۇرلى جاراقات العان. قازا تاپقانداردىڭ كوبى 20 جاسقا دەيىن جاستار. ولاردىڭ اراسىندا ءبىر قازاقستاندىق ستۋدەنت بار.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر