دوستىق ۇيىندە «ماناستىڭ ۇلى سامەتەي» ءفيلمى كورسەتىلدى

15 قازان كۇنى الماتى قالاسى رەسپۋبليكالىق دوستىق ۇيىندە «؛مۋراس»؛ قىرعىز ەتنومادەني ورتالىعىنىڭ ۇيىمداستىرۋىمەن الەمگە ايگىلى «؛ماناس»؛ ەپوسىنىڭ تريلوگياسى نەگىزىندە تۇسىرىلگەن «؛ماناستىڭ ۇلى سامەتەي»؛ اتتى قىرعىز كوركەم تاريحي ءفيلمىنىڭ جابىق كورسەتىلىمى ءوتتى.

ىس-شاراعا قازاقستاننىڭ حالىق ءارتىسى ءاسانالى ءاشىموۆ, قىرعىزستاننىڭ الماتىداعى باس كونسۋلى نازارالي اريپوۆ, قازاقستاننىڭ ەڭبەك سىڭىرگەن قايراتكەرى, اقىن, دراماتۋرگ, مەملەكەت جانە قوعام قايراتكەرى نۇرلان ورازالين, «؛مۋراس»؛ قىرعىز ەتنومادەني ورتالىعىنىڭ مۇشەلەرى مەن جاستارى قاتىستى.

فيلمنىڭ پروديۋسەرى جانە جازۋشىسى ءومىرزاق تولوبەكوۆ كارتينانى كورسەتەر الدىندا كورەرمەندەرگە كينوكارتينانى جاساۋ يدەياسى مەن پروسەسى تۋرالى قىسقاشا ايتىپ بەردى.

قازىرگى ۋاقىتتا «؛ماناستىڭ ۇلى سامەتەي»؛ اتتى فيلم ورىس, تۇرىك, اعىلشىن, قىتاي تىلدەرىنە اۋدارىلعىن جانە قازاق تىلىنە اۋدارۋ الداعى ۋاقىتتا جوسپارالانعان.

فيلمدى كورەرمەندەر جىلى قابىلدادى. كورسەتىلىم اياقتالعاننان كەيىن پىكىر الماسۋ ءوتتى. بەلگىلى قوعام قايراتكەرلەرى قازاقستاندا جاڭا قىرعىز كينوسىن كورۋگە مۇمكىندىك بەرگەنى ءۇشىن ەلشىلىككە العىستارىن ءبىلدىردى.