كورەي تەاترىنا 90 جىل. مادەني وشاق مەرەيتويىن اتاپ ءوتتى

قازاقستانداعى جانە الەمدەگى العاشقى ەتنيكالىق, كورەي تۇبەگىنەن تىس جالعىز مەملەكەتتىك كورەي تەاترىنىڭ قۇرىلىپ, ساحنا تورىندە ۇلتتىق كلاسسيكا مەن ءتۇرلى قويىلىمداردى كورەرمەندەرگە ۇسىنىپ جۇرگەنىنە بيىل ؛90 جىل تولىپ وتىر.

وسى ايتۋلى داتاعا وراي كورەرمەننىڭ نازارىنا رەسپۋبليكالىق مەملەكەتتىك اكادەميالىق كورەي مۋزىكالىق كومەديا تەاترىندا «؛نام 90»؛ اتتى مەرەيتويلىق سپەكتاكل-كونسەرتى ۇيىمداستىرىلدى. قويىلىمدا باستى كەيىپكەر فلەيتاشى تەاتردىڭ ءومىرى, ۇزاق جانە قيىن جولى تۋرالى باياندايدى. تەاتردىڭ قىزمەتى قازاقستان كورەيلەرىنىڭ تاريحىمەن تىعىز بايلانىستى. بارلىق ۇمتىلىستار, قۋانىشتار, جەڭىستەر جانە ارتىستەر مەن تەاتر قىزمەتكەرلەرىنىڭ, كورەي تەاترىنىڭ تاريحىن جاساعانداردىڭ قاجىماس ەڭبەگىنىڭ كورىنىسى بولدى.

ىس-شاراعا قر مادەنيەت جانە سپورت مينيسترلىگىنىڭ, الماتى قالاسى اكىمدىگىنىڭ, قازاقستان حالقى اسسامبلەياسىنىڭ, الماتى قالاسىنداعى كورەي رەسپۋبليكاسىنىڭ باس كونسۋلدىعىڭ وكىلدەرى, قالا تۇرعىندارى مەن قوناقتارى قاتىستى.

سونىمەن قاتار ءىس-شارا بارىسىندا تەاتر ۇجىمىنىڭ وكىلدەرى مادەنيەت سالاسىن دامىتۋعا قوسقان ۇلەستەرى ءۇشىن مەملەكەتتىك جانە ۆەدومستۆولىق ناگارادالارمەن ماراپاتتالدى.

ايتا كەتسەك, اتالعان تەاتر 1932 جىلى 9 قىركۇيەكتە ۆلاديۆوستوكتا كورەي كلۋبتارى مەن تەاتر ۇيىرمەلەرىنىڭ نەگىزىندە قيىر شىعىس كورەي تەاترى رەتىندە قۇرىلىپ, ءبىزدىڭ مادەنيەتىمىزدىڭ اجىراماس بولىگىنە اينالدى.

بۇگىنگى تاڭدا تەاتردا ۇلتتىق ونەردىڭ زاماناۋي جانە ءداستۇرلى جانرلارى بەلسەندى دامىپ كەلەدى, ولاردى «؛سامۋلنوري»؛ پەركۋسسيالىق اسپاپتار فولكلورلىق ءانسامبلى, بالەت ترۋپپاسى, ۆوكاليستەر جانە تەاتردىڭ دراما ترۋپپاسى شىرايىنا كەلتىرىپ ورىنداپ كەلەدى.

كورەي تەاترىنىڭ ساحناسىندا ءار جىلدارى لي دەن نيم مەن ەن سەن نەننىڭ «؛چۋن حيان دەگەن قىز تۋرالى اڭىز»؛ (1935-36), تەن دون حەكتىڭ «؛وندال تۋرالى اڭىزى»؛ (1972) بەن حان ءديننىڭ «؛يانباي تۋرالى اڭىزى»؛ (1973, 1985), سونىمەن قاتار ن.وستروۆسكييدىڭ «؛نايزاعايى»؛ (1950), ع.مۇسىرەپوۆتىڭ «؛قوزى كورپەش-بايان سۇلۋى»؛ (1949, 1975), م.اۋەزوۆتىڭ «؛ەڭلىك-كەبەگى»؛ (1962), ت.ب. پەسالار قويىلدى.