"؛بىرلىگىمىز – ءارالۋاندىقتا"؛ تاقىرىبىندا عىلىمي-پراكتيكالىق فورۋمى
18 قازاندا الماتى قالاسىندا رۋحاني كەلىسىم كۇنىنە ورايلاستىرىلعان "بىرلىگىمىز &ndash؛ ءارالۋاندىقتا" تاقىرىبىندا عىلىمي-پراكتيكالىق فورۋم ءوتتى. شاراعا قالانىڭ ءدىني بىرلەستىكتەرىنىڭ باسشىلارى, شەتەلدىك ساراپشىلار قاتىسىپ, ەلدەگى رۋحاني ىنتىماقتاستىقتى دامىتۋ جانە ەكسترەميزممەن كۇرەس سىندى ماسەلەلەردى تالقىلادى.
فورۋم ءال-فارابي اتىنداعى قازۇۋ عىلىمي كىتاپحاناسى الاڭىندا ءوتتى. سپيكەرلەر قاتارىندا الماتى قالاسىنىڭ باس يمامى تولەبي ءدادىلۇلى, پراۆوسلاۆ شىركەۋىنىڭ ەپيسكوپى گەنناديي, ريم-كاتوليك شىركەۋى قاسيەتتى ۇشتىكتىڭ كۋرياسى لاوز كارلوس زاماررو, اقپارات كوميتەتىنىڭ ءتوراعاسى ەرجان نۇكەجانوۆ بار. ؛ ؛
عىلىمي-پراكتيكالىق فورۋمدى اشقان الماتى قالاسى ءدىن ىستەرى جونىندەگى باسقارماسىنىڭ باسشىسى نۇرلان قيقىموۆ ءوز سوزىندە فورۋمنىڭ ماڭىزى مەن نەگىزگى ماقساتتارىن اتاپ ءوتتى. ؛
؛
"بۇگىنگى كۇن ەلدەگى رۋحاني كەلىسىمگە ارنالادى. سوڭعى جىلداعى وقيعالار ءدىني جانە مادەني ديالوگتىڭ ماڭىزدى ەكەنىن, مەملەكەتارالىق جانە ءدىنارالىق قاتىناستىڭ كۇردەلى ەكەنىن تاعى دالەلدەدى. تاۋەلسىزدىك جىلدارىندا ءبىز قازاقستاندا ءتۇرلى دىندەردىڭ اراسىندا بەيبىت كەلىسىمدى ورناتا العانىمىزبەن ماقتانامىز. قازاقستاندا ءتۇرلى كونفەسسيالار مەن ءدىني ۇيىمداردىڭ جۇمىس ىستەۋىنە ارنالعان بارلىق جاعداي جاسالعان. ونىڭ ۇستىنە ەلىمىز حالىقارالىق ارەنادا بىتىمگەرلىك باعىتتى دا دامىتۋدا. ونىڭ مىسالى رەتىندە جاقىندا استانادا وتكەن ءداستۇرلى ءدىن وكىلدەرىنىڭ vii سەزىن ايتۋعا بولادى", &ndash؛ دەدى ول. ؛
؛
رۋحاني كەلىسىم كۇنىنە بايلانىستى وتكەن جيىندا سپيكەرلەر پىكىر الماسىپ, تاتۋلىق پەن بىرلىكتى, ءتۇرلى دىندەر اراسىندا ىنتىماقتى نىعايتۋعا بايلانىستى ءوز ۇسىنىستارىن ورتاعا سالدى. ماسەلەن, الماتىنىڭ باس يمامى تولەبي ءدادىلۇلى وتباسىداعى ءدىن ماسەلەسىن كوتەرىپ, بالالارعا ء"ارالۋاندىق" پەن "زايىرلىلىق" ۇعىمدارىن دۇرىس ءتۇسىندىرۋ كەرەگىن اتاپ ءوتتى. ؛
؛
"ارالۋاندىلىق ەلدە ءومىر ءسۇرىپ جاتقان وزگە ءدىن وكىلدەرىنىڭ داستۇرىنە, نانىم-سەنىمىنە قۇرمەتپەن قاراۋ دەگەن ءسوز. مۇنى ايتقان سەبەبىم وتباسى ىشىندەگى كەي كيكىلجىڭدەرگە ءدىني سەنىم ارالاسىپ كەتىپ جاتىر. اكەسى باسقا, ال بالاسى باسقا دىندە بولۋى مۇمكىن. ال بۇگىنگى رۋحاني كەلىسىم كۇنىنىڭ باستى ماقساتى &ndash؛ تىنىشتىق پەن بەيبىتشىلىك ءۇشىن قىزمەت ەتۋ. تىنىشتىق وتباسىدان باستالادى. سوندىقتان ءدىن باسشىلارى مەن ۇيىم ءتوراعالارى ۋاعىز كەزىندە وسى ماسەلەنى قاپەرگە السا ەكەن دەيمىن", &ndash؛ دەدى ول. ؛
؛
ريم-كاتوليك شىركەۋى قاسيەتتى ۇشتىكتىڭ كۋرياسى لاوز كارلوس زاماررو قازاقستاندا كەز كەلگەن ءدىن وكىلى قاۋىپسىزدىكتە جانە تۇراقتىلىقتا ءومىر سۇرە الاتىنىن, ەلدە بۇعان ارنالعان العىشارتتار بار ەكەنىن مالىمدەدى. ونىڭ سوزىنشە, بۇگىندە قازاقستان "كەزدەسۋ مەملەكەتى" دەگەن مارتەبەگە يە. سەبەبى مۇندا جانجالداسقان ەلدەر مەن ادامدار كەلىپ, قورىقپاي كەزدەسۋ وتكىزە الادى. ؛
عىلىمي-فورۋمعا قاتىستى پىكىر بىلدىرگەن ورىس پراۆوسلاۆ شىركەۋىنىڭ ەپيسكوپى گەنناديي رۋحاني كەلىسىم كۇنى اياسىندا وتەتىن باسقوسۋدىڭ ءداستۇرلى شاراعا اينالۋى قۋانتارلىق جايت ەكەنىن ايتادى. ؛
"مەنىڭ بىلۋىمشە, مۇنداي جيىن ەلىمىزدىڭ بارلىق ايماعىندا وتەدى. قازاقستان قازىرگى تاڭدا ايرىقشا ميكروالەم بولىپ وتىر. مۇندا ءتۇرلى ءدىن وكىلدەرى بار. بىلەسىزدەر, حح عاسىردا ءبىلىمدى, بىلىكتى جانە اۋقاتتى ازاماتتاردىڭ كوپشىلىگىن قازاقستانعا جەر اۋدارعان. دەگەنمەن قازاق حالقىنىڭ قوناقجايلىعى ارقاسىندا ولار امان قالدى. ءقازىر وسى ازاماتتار ەلدەگى ءتۇرلى كونفەسسيالىق ۇيىمداردىڭ نەگىزىن سالدى. ءسوز سويلەگەندەردىڭ بارلىعى رۋحاني كەلىسىم جولى ەلدىڭ ستراتەگيالىق دامۋىندا قاجەتتى ەكەنىن اتاپ ءوتتى. ءقازىر ءبىلىم بەرۋ سالاسىندا, مەديسينالىق قىزمەت كورسەتكەندە ءدىني ەرەكشەلىكتەرىنە ەشكىم نازار اۋدارمايدى. مەملەكەتتىڭ وسىنداي زايىرلى ساياسي باعىتتى تاڭداعانى قۋانتادى. مۇندا بارلىعىمىز ءبىر-بىرىمىزدى باۋىر سەزىنەمىز", &ndash؛ دەپ مالىمدەدى ول. ؛
فورۋمدى ۇيىمداستىرعان الماتى قالاسى ءدىن ىستەرى جونىندەگى باسقارماسى باسشىسىنىڭ ورىنباسارى ەرعالي كوشەكە جيىننىڭ ماقساتى ءتۇرلى ءدىن وكىلدەرىن ءبىر ورتاعا جيناۋ جانە ءدىن سالاسىنداعى وزەكتى ماسەلەلەردى تالقىلاۋ ەكەنىن اتاپ ءوتتى. ؛
؛
"قازاقستان بويىنشا 18 كونفەسسيا تىركەلسە, سونىڭ ء17-ى الماتىدا بار. بۇل الماتىنىڭ ەلىمىزدىڭ رۋحاني استاناسى ەكەنىن كورسەتەدى. فورۋمعا شەتەلدىك جانە قازاقستاندىق ءدىني ساراپشىلار قاتىسۋدا. ءقازىر الەمدە قاقتىعىستار بولىپ جاتقانىن كورىپ وتىرمىز. ءبىز ءدىن وكىلدەرى ارقىلى وسىنداي ەلدەردى سوعىسسىز الەم قۇرۋعا شاقىرعىمىز كەلەدى", &ndash؛ دەدى ەرعالي احيلبەكۇلى. ؛
؛
ايتا كەتەيىك, رۋحاني كەلىسىم كۇنى - قاقتىعىستار مەن جانجالدارعا توقتام سالۋ كۇنى, تاتۋلىق ىزدەۋ, جاقىنعا قايىرىمدىلىق جانە كومەك كۇنى. اتاۋلى داتا قازاقستان ەگەمەندىك العان سوڭ بەلگىلەگەن العاشقى مەرەكەلەرىنىڭ ءبىرى بولدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر