• usd 468.56

  • eur 497.56

  • rub 7.3

  • cny 67.18

29 ناۋرىز, 01:53:31
+35°

29 قازاندا سەۋلدەگى حەللوۋين كەزىندە قازا بولعان اقتوبە قالاسىنىڭ تۇرعىنى ءمادينا شەرنيازوۆا سەۋل ۋنيۆەرسيتەتىنىڭ ماگيستراتۋراسىندا وقىپ جۇرگەن دەپ جازادى ازاتتىق راديوسى.

ول حەللوۋين مەرەكەسىنە بارا جاتىپ, اپكەسىنە ۆيدەوبايلانىسپەن حابارلاسقان. دوستارىمەن بىرگە بارا جاتقانىن, مەرەكەلىك كوڭىل-كۇيلەرىن كورسەتكەن.

26 جاستاعى ءمادينا شەرنيازوۆا اقتوبە قالاسىنداعى №27 ورتا مەكتەپتە وقىعان. تاتارستان استاناسى قازان فەدەرالدى ۋنيۆەرسيتەتىنىڭ شىعىستانۋ فاكۋلتەتىن كورەي ءتىلى بويىنشا ءبىتىرىپ, سەۋل قالاسىنداعى جوعارى وقۋ ورىنداردىڭ بىرىنە ماگيستراتۋراعا تۇسكەن.

№27 ورتا مەكتەپ ديرەكتورىنىڭ ورىنباسارى التىنگۇل اتكيەۆا ءمادينا شەرنيازوۆانى بالا كەزىنەن ءتىل ۇيرەنۋگە بەيىم بولدى دەپ سيپاتتايدى.

&ndash؛ مەكتەبىمىزدىڭ 2013 جىلعى تۇلەگى ەدى. وتە جاقسى وقىدى, ءتىل ۇيرەنۋگە بەيىم بولدى. اعىلشىن ءتىلىن تەرەڭدەتىپ وقىتاتىن سىنىپتى ءبىتىردى. سونان سوڭ قازان ۋنيۆەرسيتەتىنە ءتۇستى, &ndash؛ دەيدى ول.

اقتوبەدەگى تانىستارىنىڭ سوزىنە قاراعاندا, ءمادينا وتباسىنداعى ەكى قىزدىڭ كىشىسى. سەگىزىنشى سىنىپتان كورەي ءتىلىن وقىعان.

سەۋلدەگى ؛حەللوۋين كەزىندە ؛اقتوبە وبلىسىندا تۋعان 1996 جىلعى قازاقستان ازاماتى دا قازا بولعانىن كەشە قازاقستان سىرتقى ىستەر مينيسترلىگى تەلەگرام-ارناسىندا ؛حابارلاعان.

"قازاقستاندىق ديپلوماتتار مارقۇمنىڭ تۋىستارىمەن بايلانىستا, قۇجاتتاردى راسىمدەۋ مەن ءمايىتتى قازاقستانعا جەتكىزۋ بويىنشا قاجەتتى كومەك كورسەتىپ جاتىر" دەپ جازىلعان حابارلامادا.

قازاقستان سىم-ىنە اقپاراتتى سەۋل پوليسياسىنىڭ جەدەل شتابى حابار بەرگەن. بۇعان دەيىن وقيعادان قازا بولعان 151 ادامنىڭ 19-ى شەتەلدىك ەكەنى حابارلانعان ەدى.

حەللوۋيندى تويلاۋ گاميلتون قوناق ءۇيى ماڭىنداعى تار كوشەلەردىڭ بىرىندە بولعان. ادامداردىڭ سىعىلىسىپ, ءبىر-بىرىن تاپتاپ كەتۋىنە نە تۇرتكى بولعانى بەلگىسىز.

اۋدانعا شامامەن 100 مىڭ ادام جينالعان دەپ ايتىلادى. باسىم بولىگى 20-25-تەگى جاستار.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر