• usd 468.56

  • eur 497.56

  • rub 7.3

  • cny 67.18

29 ناۋرىز, 14:53:41
الماتى
+35°

شەشەنستان رەسپۋبليكاسىنىڭ باسشىسى رامزان قادىروۆ ۋكراينانىڭ حەرسون وبلىسىنا جاساعان اۋە شابۋىلى كەزىندە 23 شەشەن ازاماتى قازا تاپقانىن حابارلادى. قارالى حاباردى حابارلاعان قادىروۆ قازا تاپقان ساربازداردىڭ وتباسىن مەككەگە قاجىلىققا اپاراتىنىن ايتىپ, ۋادە بەردى, دەپ جازادى ناستوياششەە ۆرەميا. ؛

حەرسون وبلىسىنا اۋە شابۋىلى وسى اپتانىڭ العاشقى كۇندەرى جاسالعان. قادىروۆتىڭ ايتۋىنشا, شەشەندەردەن جاساقتالعان اسكەري توپتىڭ 58 سارباز جارالانعان, ونىڭ ىشىندە تورتەۋى اۋىر جاراقاتتانعان. شەشەنستاننىڭ باسشىسى سوعىس كەزىندە 78 ۋكراين ساربازى ولگەنىن ايتتى. ؛

رامزان قادىروۆتىڭ ايتۋىنشا, شەشەنستان ساربازدارى جيھادقا قاتىسىپ جاتىر, قاسيەتتى سوعىسقا قاتىسۋ كەز كەلگەن مۇسىلماننىڭ ارمانى.

ول سوعىسقا قازا تاپقان ءاربىر شەشەن ساربازىنىڭ وتباسىنا ءوز اتىنان 1 ملن رۋبل بەرۋگە ۋادە ەتتى.

"بۇدان بولەك, قازا تاپقان ساربازداردىڭ وتباسىن قاسيەتتى مەككەگە قاجىلىققا اپارۋدى قامتاماسىز ەتەتىن بولامىز. حالىققا وسىنداي باتىر ۇل سىيلاعان انالاردىڭ الدىندا قارىزدارمىز", دەپ جازدى قادىروۆ. ؛

25 قازاندا ۋكراينالىق تەلەگرام كانالدار ۋكراينادا شەشەندەردەن جاساقتالعان بىرنەشە اسكەري توپ قازا تاپقانى جايلى جارىسا جازعان. حەرسون وبلىستىق اسكەري اكىمشىلىگىنىڭ باسشىسى سەرگەي حلان ؛ۋكراينا قارۋلى كۇشتەرىنىڭ حەرسون وبلىسىنداعى شەشەن پولكىنىڭ بازاسىنا جاساعان شابۋىلى ناتيجەسىندە 40-تان استام جاۋىنگەر قازا تاۋىپ, 200-گە جۋىق جاۋىنگەر جارالانعانىن ايتقان. ؛

قادىروۆ بۇل اقپاراتقا قاتىستى ناقتى مالىمدەمە جاسامادى. تەك 25 قازاننان 26 قازانعا قاراعان ءتۇنى ءوزىنىڭ تەلەگرام كانالىنا اۋديوحابارلاما جاريالاپ, وتانداستارىن ۋكراينانى جەر بەتىنەن جويىپ جىبەرۋگە شاقىردى. ؛

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر