سۋرەتتى تۇسىرگەن س. مايلىباەۆ
ماجىلىستە بيىلعى پارلامەنتتىك سەسسياداعى العاشقى ۇكىمەت ساعاتى ءوتتى. وتىرىس اۋىلدىق جەرلەردەگى دەنساۋلىق ساقتاۋ سالاسىنىڭ قازىرگى جاعدايى مەن دامۋ پەرسپەكتيۆالارىنا ارنالدى.
دەنساۋلىق ساقتاۋ ءمينيسترى اجار عينيات اۋىل تۇرعىندارىن مەديسينالىق قامتاماسىز ەتۋدە بۇگىندە مەملەكەت تاراپىنان اتقارىلىپ جاتقان شارالارعا توقتالىپ, مەملەكەت باسشىسىنىڭ جولداۋىندا ايتىلعان رەفورمالاردى جۇزەگە اسىرۋ بارىسى تۋرالى دەپۋتاتتاردىڭ ساۋالدارىنا جاۋاپ بەردى.
جيىندى اشقان پارلامەنت ءماجىلىسى ءتوراعاسىنىڭ ورىنباسارى بالايم كەسەباەۆا قازىرگى تاڭدا قازاقستاندىقتاردىڭ شامامەن 41 پايىزى اۋىلدىق جەرلەردە تۇراتىنىن, ونىڭ 3,6 ميلليونى نەمەسە 46 پايىزى بالالار مەن قارتتار ەكەنىن اتاپ ءوتتى. ال ولاردى ساپالى مەديسينامەن قامتاماسىز ەتۋ ەرەكشە نازار اۋدارۋدى جانە جاڭا جۇمىس ادىستەرىن قولدانۋدى تالاپ ەتەدى. ؛
؛
«؛وكىنىشكە وراي ءبىرقاتار سەبەپتەرگە بايلانىستى اۋىلدىق جەرلەردە دەنساۋلىق ساقتاۋ ماسەلەلەرىن جەدەل شەشۋدى قاجەت ەتەتىن كوپتەگەن ماسەلەلەر قوردالانىپ قالعان. مەديسينالىق كومەكتىڭ قول جەتىمدىلىگىن ارتىرۋ اۋىلدىق جەرلەردە ماڭىزدى ماسەلەگە اينالىپ وتىر. بۇنىڭ بارلىعى ەسكىرگەن ماتەريالدىق-تەحنيكالىق بازاعا, دارىگەرلەر مەن كىشى مەديسينالىق پەرسونالدىڭ تاپشىلىعىنا, مەديسينالىق تەحنيكانىڭ جەتكىلىكسىزدىگىنە, دارى-دارمەكتەرگە قول جەتىمدىلىكتىڭ بولماۋىنا جانە باسقا دا جايتتارعا بايلانىستى بولىپ وتىر»؛, &ndash؛ دەدى ب.كەسەباەۆا. ؛
ماجىلىس ءتوراعاسىنىڭ ورىنباسارى مەملەكەت باسشىسىنىڭ «؛ادىلەتتى مەملەكەت. ءبىرتۇتاس ۇلت. بەرەكەلى قوعام»؛ اتتى جولداۋىندا بەرگەن تارپسىرماسىن ورىنداۋ ماقساتىمەن كەلەسى جىلدان باستاپ «؛اۋىلدىق جەردەگى دەنساۋلىق ساقتاۋدى جاڭعىرتۋ»؛ ۇلتتىق جوباسى ىسكە اسىرىلاتىنىن اتاپ ءوتتى.
«؛بۇل جوبانىڭ باستى ماقساتى &ndash؛ مەديسينالىق ينفراقۇرىلىمدى كەشەندى تۇردە جاقسارتۋ. ول ءۇشىن الداعى ەكى جىلدا 655 العاشقى مەديسينالىق-سانيتاريالىق كومەك كورسەتۋ نىساندارى, 32 اۋدانارالىق كوپسالالى اۋرۋحانالار اشىلاتىن بولادى. وعان 217 ملرد. تەڭگەدەن استام قارجى بولىنەدى»؛, &ndash؛ دەدى ب.كەسەباەۆا.
وز سوزىندە دەنساۋلىق ساقتاۋ ءمينيسترى اجار عينيات بۇگىندە اۋىلداردا 5 مىڭنان استام ۇيىم مەديسينالىق كومەك كورسەتەتىنىن ايتتى. ونىڭ ىشىندە 2 مىڭنان استام مەديسينالىق پۋنكت, 800 فەلدشەرلىك-اكۋشەرلىك بەكەت, 1 مىڭنان استام دارىگەرلىك امبۋلاتوريا, 200 ەمحانا مەن 200 اۋرۋحانا بار. اۋرۋلاردى ۋاقىتىلى انىقتاۋ ءۇشىن جىل سايىن 3,1 ميلليوننان استام بالانى قامتيتىن پروفيلاكتيكالىق تەكسەرۋ, 1,6 ميلليوننان استام ەرتە شاقتاعى بالالارعا سكرينينگتىك زەرتتەۋ جۇرگىزىلەدى.
بۇل رەتتە مينيستر اۋىلدىق جەرلەردەگى دەنساۋلىق ساقتاۋ سالاسىندا ءبىرقاتار ماسەلە بار ەكەنىن جوققا شىعارعان جوق. ولاردىڭ كوپشىلىگىن بۇگىن دەپۋتاتتار دا كوتەردى.
؛
«؛مەملەكەت باسشىسىنىڭ تاپسىرماسى بويىنشا اۋىلداعى نىسانداردى تۇگەندەۋ جۇرگىزىلدى. ناتيجەسىندە 200-دەن استام ەلدى مەكەندە مەديسينالىق مەكەمە جوق. 400-گە جۋىق اۋىلدا مەديسينالىق نىسان جالعا الىنعان, اپاتتىق, بەيىمدەلگەن عيماراتتاردا ورنالاسقان. اۋىلدا العاشقى مەديسينالىق كومەك ينفراقۇرىلىمىنىڭ 50%-دان استامى توزعان»؛, &ndash؛ دەدى ا.عينيات.
ماجىلىس دەپۋتاتى ءجاميلا نۇرمانبەتوۆا ءوز بايانداماسىندا اۋىلدارداعى دەنساۋلىق ساقتاۋ سالاسىن ودان ءارى دامىتۋدىڭ وزەكتى ماسەلەلەرىنىڭ ءبىرى &ndash؛ مەملەكەت باسشىسىنىڭ تاپسىرماسى بويىنشا ازىرلەنگەن «؛اۋىلدىق دەنساۋلىق ساقتاۋدى جاڭعىرتۋ»؛ ۇلتتىق جوباسىن ساپالى جۇزەگە اسىرۋ ەكەنىنە نازار اۋداردى.
«؛سالىنىپ جاتقان نىسانداردى سالا ماماندارىمەن, سونىڭ ىشىندە ۋلترا دىبىستىق زەرتتەۋ, مرت, كت اپپاراتتارىندا جۇمىس ىستەي الاتىن مەديسينالىق ماماندارمەن قامتاماسىز ەتۋ بويىنشا كۇنتىزبەلىك جوسپار ازىرلەۋ قاجەت دەپ ەسەپتەيمىز. ول ءۇشىن مەديسينا قىزمەتكەرلەرىنىڭ تاپشىلىعىنا زەرتتەۋ جۇرگىزگەن ءجون»؛, &ndash؛ دەدى ج.نۇرمانبەتوۆا.
جيىن بارىسىندا ءماجىلىس دەپۋتاتتارىنىڭ ساۋالدارىنا قۇزىرلى ورگان وكىلدەرى دە جاۋاپ بەردى. مەملەكەت باسشىسىنىڭ تاپسىرمالارىن ورىنداۋ جانە اۋىل تۇرعىندارىنىڭ وزەكتى ماسەلەلەرىن شەشۋ بويىنشا ءبىراز تاقىرىپ قوزعالدى. ول &ndash؛ جۇمىسسىز ازاماتتارعا مەديسينالىق قولداۋ كورسەتۋ, بىلىكتى مەديسينالىق كادرلاردى تارتۋ, جاڭا اۋرۋحانالار مەن فەلدشەرلىك پۋنكتتەر سالۋ, جەدەل مەديسينالىق كومەك كورسەتۋ, اۋىل اۋرۋحانالارىن ينتەرنەتپەن قامتاماسىز ەتۋ.
وز كەزەگىندە دەپۋتات زارينا كاماسوۆا مينيسترگە جانە الەۋمەتتىك مەديسينالىق ساقتاندىرۋ قورىنىڭ ءتوراعاسىنا ساۋال جولدادى.
؛
«؛وزدەرىڭىز بىلەتىندەي, بۇگىندە قازاقستاننىڭ 3,5 ملن ازاماتى مىندەتتى الەۋمەتتىك مەديسينالىق ساقتاندىرۋ جۇيەسىمەن قامتىلماعان. ولاردىڭ 46%-ى اۋىلدى جەرلەردە تۇرادى. 1,6 ميلليون ساقتاندىرىلماعان اۋىل تۇرعىندارىنا مەديسينالىق قىزمەت تەك شۇعىل جاعدايدا عانا كورسەتىلەدى. باسقا كەزدە اقىلى تۇردە بولادى. بۇل رەتتە 2021 جىلدىڭ قورىتىندىسى بويىنشا اۋىلدا جۇرەك-تامىر جۇيەسى اۋرۋلارىنان بولاتىن ءولىم-جىتىم 11 پايىزعا ارتقان. سونىمەن قاتار ونكولوگيالىق اۋرۋلاردىڭ 10,5 پايىزعا ءوسۋى بايقالادى. وسىعان بايلانىستى الەۋمەتتىك مەديسينالىق ساقتاندىرۋ قورىنىڭ ءتوراعاسىنا سۇراق قويعىم كەلىپ وتىر. ءمامس جۇيەسىنە اۋىل تۇرعىندارىن قالاي تارتاسىزدار؟»؛ ؛ &ndash؛ دەدى دەپۋتات. ؛
سونداي-اق ز.كاماسوۆا دەنساۋلىق ساقتاۋ مينيسترلىگىنە بارلىق اۋىل تۇرعىنى ءۇشىن ساقتاندىرۋ مارتەبەسىن ەسكەرمەي, سكرينينگتەر مەن باسقا دا ماڭىزدى مەديسينالىق قىزمەتتەردى جۇرگىزۋدى ۇسىندى.
«؛بىز مىندەتتى الەۋمەتتىك مەديسينالىق ساقتاندىرۋعا تولەم اۋدارۋ تۋرالى نورمانى ءتۇسىندىرۋ بويىنشا اقپاراتتىق جۇمىس جۇرگىزىپ, ءمامس-تىڭ ارتىقشىلىقتارى تۋرالى ايتاتىن بولامىز»؛, &ndash؛ دەپ ءتۇسىندىردى قور باسشىسى ايدىن اشۋەۆ.
«؛دارىگەر رەتىندە مەن بارلىق كاسىبي تەكسەرۋلەردى, سكرينينگتەردى تەگىن مەديسينالىق كومەكتىڭ كەپىلدىك بەرىلگەن كولەمىنىڭ (تمككك) اياسىندا جۇرگىزۋدى قولدايمىن. ءبىراق بۇگىنگى كۇنى تمككك-دا قاراجات جەتكىلىكسىز. بۇل وتە ماڭىزدى ماسەلە. سوندىقتان ونى بولاشاقتا قاراستىرامىز, مۇمكىن تاسىلدەردى وزگەرتەمىز. ءبىز سكرينينگتى ون جىلعا جۋىق ۋاقىت بويى جۇزەگە اسىرىپ كەلەمىز جانە اۋىلدا انىقتالۋ دەڭگەيى وتە تومەن. ول تەك 5-7 پايىزدى قۇرايدى. ەندى ءبىز كاسىبي مەديسينالىق تەكسەرۋ جۇرگىزەمىز, اۋىل تۇرعىندارىنىڭ دەنساۋلىق جاعدايىن كورەمىز. سودان كەيىن شارالار قابىلدانادى»؛, &ndash؛ دەپ جاۋاپ بەردى مينيستر ز.كاماسوۆانىڭ ۇسىنىسىنا.
ۇكىمەت ساعاتىنا بەينەكونفەرەنسيا فورماتىندا دەنساۋلىق ساقتاۋ كوميتەتتەرىنىڭ, مەديسينالىق ۇيىمداردىڭ باسشىلارى, ءوڭىر اكىمدەرى مەن دەنساۋلىق ساقتاۋ باسقارمالارىنىڭ وكىلدەرى دە قاتىستى.
پارلامەنت عيماراتىنىڭ الدىنداعى الاڭدا كولىك مەديسيناسى قۇرالدارىنىڭ, سانيتارلىق اۆتوكولىكتەردىڭ, جىلجىمالى ءدارىحانا بەكەتتەرىنىڭ كورمەسى ءوتتى. ال ءماجىلىس زالىندا ءۇش اۋدانارالىق اۋرۋحانا &ndash؛ ەڭبەكشىقازاق, اياگوز جانە مەركى ورتالىق كوپسالالى اۋرۋحانالارىنىڭ ۇزدىك تاجىريبەلەرى تانىستىرىلدى.
؛
«؛مەملەكەت باسشىسىنىڭ اۋىلداعى دەنساۋلىق ساقتاۋ جۇيەسىن جاڭعىرتۋ جونىندەگى باستامالارىن ساپالى ءارى ۋاقتىلى ىسكە اسىرۋىمىز كەرەك. دەنساۋلىق ساقتاۋ مينيسترلىگى, اكىمدىكتەر جانە الەۋمەتتىك مەديسينالىق ساقتاندىرۋ قورلارى العا قويعان ماقساتتارعا قول جەتكىزۋ ءۇشىن تىعىز بايلانىستا بولىپ, پارمەندى ءارى شۇعىل شارالار قابىلداۋى قاجەت»؛, &ndash؛ دەپ تۇيىندەدى بالايم كەسەباەۆا. ؛
ايتا كەتەيىك, «؛اۋىلدىق دەنساۋلىق ساقتاۋدى جاڭعىرتۋ»؛ ۇلتتىق جوباسى تۋرالى مەملەكەت باسشىسىنىڭ 2022 جىلعى 1 قىركۇيەكتەگى جولداۋىندا ايتىلدى. قاسىم-جومارت توقاەۆ ۇلتتىق جوبا شەڭبەرىندە ەكى جىل ىشىندە 650 اۋىلدا مەديسينالىق جانە فەلدشەرلىك-اكۋشەرلىك پۋنكتتەر سالۋدى, ولاردى تولىق جاراقتاندىرۋدى, اۋداندىق اۋرۋحانالاردى كوپسالالى مەديسينالىق مەكەمەلەر دەڭگەيىنە دەيىن جاڭعىرتۋدى, مامانداندىرىلعان مەديسينالىق كومەكتىڭ قولجەتىمدىلىگىن جانە اۋىل تۇرعىندارىن سكرينينگپەن قامتۋدى ۇلعايتۋدى, سونداي-اق مەديسينالىق ۇيىمدار بازاسىندا ەلدى مەكەندەردە ءدارىحانا پۋنكتتەرىن اشۋدى, كادر ماسەلەلەرىن شەشۋدى جانە اۋىلداعى ءبىرقاتار مەديسينالىق ۇيىمداردى دامىتۋدىڭ باسقا دا باعىتتارىن جەتىلدىرۋدى تاپسىردى.
ماجىلىستىڭ ءباسپاسوز قىزمەتى
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر