30 قىركۇيەك, 2022 news
فوتو: اشىق دەرەككوز
اۋىل پارتياسى كەزەكتەن تىس سەز وتكىزىپ, الداعى كەزەكتەن تىس پرەزيدەنت سايلاۋىنا ۇمىتكەر رەتىندە اتامەكەن كاسىپكەرلەر پالاتاسى اگروونەركاسىپ كەشەنى كوميتەتى پرەزيديۋمىنىڭ ءتوراعاسى جيگۋلي دايراباەۆتى ۇسىندى.
سەز قاتىسۋشىلارى ؛جيگۋلي دايراباەۆ ۇمىتكەرلىگىن ءبىراۋىزدان قولدادى.
"ەلىمىز بەن اگرارلىق سەكتوردىڭ گۇلدەنۋى ءۇشىن قولىمنان كەلگەندى جاسايمىن" دەدى ۇمىتكەر.
جيگۋلي مولداحالىقۇلى ؛دايراباەۆ 1954 جىلى جامبىل وبلىسى رىسقۇلوۆ اۋدانى جالپاقساز اۋىلىندا دۇنيەگە كەلگەن. ؛قازاق اۋىل شارۋاشىلىعى ينستيتۋتى مەن ؛اگروونەركاسىپ كەشەنىنىڭ جوعارى مەكتەبىن بىتىرگەن.
ەڭبەك جولىن 1971 جىلى جامبىل وبلىسى لۋگوۆوي اۋدانى "پۋت ك كوممۋنيزمۋ" كولحوزىندا اعا شوپاننىڭ كومەكشىسى رەتىندە باستاعان. 80 جىلداردان كەيىن پارتيالىق جۇمىسپەن اينالىسىپ, ؛1990-1993 جىلدارى قازاقستان جوعارعى كەڭەسىنىڭ دەپۋتاتى بولعان. ارتىنشا اۋىل شارۋاشىلىعى سالاسىندا قىزمەتتەر اتقارىپ, "molbal" جشس, قازاقستان فەرمەرلەر وداعىن, "اتامەكەن" ۇلتتىق كاسىپكەرلەر پالاتاسى اگروونەركاسىپتىك كەشەن كوميتەتىن باسقارعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر