فوتو: ريا نوۆوستي
رەسەي پرەزيدەنتى ۆلااديمير پۋتين حەرسون جانە زاپوروجە وبلىستارىنىڭ تاۋەلسىزدىگىن مويىنداۋ تۋرالى جارلىققا قول قويدى, دەپ حابارلادى ريا نوۆوستي. قۇجات رەسمي ينتەرنەت پورتالدا جاريالاندى. ؛
"حالىقارالىق قۇقىقتىڭ جالپىلاي قابىلدانعان قاعيداتتارى مەن نورمالارىنا سايكەس, بۇۇ جارعىسىندا بەكىتىلگەن حالىقتاردىڭ تەڭ قۇقىقتارى مەن ءوزىن-وزى بيلەۋ ءپرينسيپىن راستاي وتىرىپ, 2022 جىلعى 27 قىركۇيەكتە وتكەن رەفەرەندۋم ناتيجەسىن ەسكەرىپ قاۋلى ەتەمىن: زاپوروجە/حەرسون وبلىسىنىڭ ەگەمەندىگى مەن تاۋەلسىزدىگىن مويىنداۋ تۋرالى شەشىم قابىلدادىم", دەلىنگەن قۇجاتتا. ؛
بۇگىن تۇستەن كەيىن ؛كرەملدە وككۋپاسيالانعان وبلىستار مەن سەپاراتيستىك دحر مەن لحر "رەسەي قۇرامىنا كىرۋ" تۋرالى شارتتارعا قول قويۋ ءراسىمى وتەدى.
رەسەي باسىپ العان لۋگانسك, دونەسك, حەرسون, جانە زاپوروج وبلىستارىندا 23-27 قىركۇيەك كۇندەرى رەسەيگە قوسىلۋ بويىنشا رەفەرەندۋم وتكەن. ونىڭ ناتيجەسىن بۇۇ مەن ەۋرووداق, اقش-پەن قاتار قازاقستان دا مويىندامايتىنىن مالىمدەگەن.
؛
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر