سەپاراتيستىك لۋگانسك حالىق رەسپۋبليكاسى مەن رەسەي باسىپ العان ۋكراينانىڭ حەرسون وبلىسىنىڭ رەسەي تاراپىنان تاعايىندالعان باسشىسى رەسەي پرەزيدەنتى ۆلاديمير پۋتينگە رەسەيگە قوسىلۋ تۋرالى وتىنىشپەن جۇگىندى, دەپ جازادى ۆۆس.
رەسەي باسىپ العان لۋگانسك, دونەسك, حەرسون, جانە زاپوروج وبلىستارىندا 23-27 قىركۇيەك كۇندەرى رەسەيگە قوسىلۋ بويىنشا رەفەرەندۋم وتكەن. ونىڭ ناتيجەسىن بۇۇ مەن ەۋرووداق, اقش, ءتىپتى قازاقستان دا مويىندامايتىنىن مالىمدەگەن.
رەسەي باسىپ العان ايماقتاردىڭ اكىمشىلىكتەرى رەفەرەندۋم ءساتتى ءوتتى دەپ حابارلاعان. لۋگانسك حالىق رەسپۋبليكاسىنىڭ اكىمشىلىگى رەسەيگە قوسىلۋدى ازاماتتىردىڭ 98,42 پايىزى, دونەسك ؛حالىق رەسپۋبليكاسىنىڭ اكىمشىلىگى حالىقتىڭ 98,69 پايىزى, زاپوروج وبلىسىنىڭ رەسمي تۇلعالارى تۇرعىنداردىڭ 93,11 پايىزى, ؛حەرسون وبلىسىنىڭ باسىپ الىنعان ايماعىنداعى اكىمشىلىگى حالىقتىڭ 87,05 پايىزى رەسەيگە قوسىلۋعا كەلىسكەنىن حابارلادى.
ۋكراينا مەن بۇۇ سوعىس كەزىندە بوتەن ەلدىڭ اۋماعىن باسىپ الۋ ءۇشىن اسىعىس وتكىزىلگەن پروسەدۋرا رەفەرەندۋم بولىپ سانالمايتىنىن, الەمدىڭ قاۋىمداستىق الدىندا قۇقىقتىق كۇشى بولمايتىنىن ءمالىم ەتتى.
ۋكراينا پرەزيدەنتى ۆلاديمير زەلەنسكيي رەسەي ارەكەتىن اۋماقتى اننەكسيالاۋ دەپ باعالاپ, "بۇل ؛&ndash؛ بۇۇ جارعىسىن قاتاڭ بۇزۋ ءارى حالىقارالىق قۇقىق نورمالارىن ورەسكەل ەلەمەۋ ارەكەتى" دەدى.
زەلەنسكييدى بۇۇ باس حاتشىسىنىڭ ساياسي ماسەلەلەر بويىنشا ورىنباسارى ؛روزماري دي كارلو دا قولداپ, رەفەرەندۋم 4 ايماق تۇرعىندارىنىڭ شىنايى پىكىرى بولا المايتىنىن جەتكىزدى.
ال ناتو-نىڭ باس حاتشىسى ؛يەنس ستولتەنبەرگ رەفەرەندۋمدى لەگيتيمدى ەمەس دەپ جاريالاپ, حالىقارالىق قۇقىق ورەسكەل بۇزىلعانىن اتاپ ءوتتى.
پىكىر قالدىرۋ
پىكىر