27 قىركۇيەك, 2022 ساياسات
فوتو: ءاليحان سمايىلوۆتىڭ facebook پاراقشاسىنان
پرەمەر-مينيستر ءاليحان سمايىلوۆ ەلگە كەلىپ جاتقان رەسەيلىكتەرگە جۇمىس تاۋىپ بەرۋ كەرەك دەگەن ءسوزى الەۋمەتتىك جەلىدە جۇرتشىلىق نارازىلىعىن تۋدىرعان سوڭ اقتالۋعا ءماجبۇر بولدى.
ۇكىمەت باسشىسى كەشە كوشى-قون ماسەلەلەرى جونىندەگى كەڭەس وتكىزىپ, ؛رەسەيلىكتەردى قۇتتى قوناقتاي قارسى الۋعا, جاعدايىن جاساۋعا باعىتتالعان ءبىرقاتار تاپسىرما بەرگەن. ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆعا ميگرانتتاردى ؛وڭىرلەر بويىنشا ورنالاستىرۋ, جۇمىسقا تۇرۋ ىقتيمالدىعىن قاراستىرۋ جانە كەڭەس بەرۋ ماسەلەلەرىمەن شۇعىلدانۋعا تاپسىردى.
؛
"ەلدەگى قۇقىقتىق ءتارتىپ پەن قاۋىپسىزدىكتى قامتاماسىز ەتۋ جونىندەگى جۇمىستى كۇشەيتۋ, سونداي-اق كەلىپ جاتقان رەسەيلىكتەرگە جاردەم كورسەتۋ كەرەك: ەاەو زاڭناماسىنا سايكەس ولاردى ۋاقىتىلى تىركەپ, ەڭبەكپەن قامتۋ ماسەلەلەرىن قاراستىرۋ قاجەت. بۇل ورايدا جالعا بەرىلەتىن تۇرعىن ءۇي نارىعىنداعى احۋالدى تۇراقتاندىرۋ بويىنشا شارالار قابىلداۋ ماڭىزدى" دەگەن ءاليحان سمايىلوۆ. ؛
سمايىلوۆ ارتىنشا facebook پاراقشاسىندا جازبا جاريالاپ, بەرگەن تاپسىرمالارىن قايتالاپ ءوتتى. سول-اق ەكەن پرەمەر-مينيستر جازباسى ازاماتتاردىڭ نارازى پىكىرىنە تولىپ كەتتى. كوپشىلىك نارازىلىعى ۇكىمەت باسشىسى ءوز ازاماتتارىن جارىتا الماي ءجۇرىپ, وزگەنى جۇمىسپەن قامتۋ كەرەك دەگەنى قاي ساسقانى دەگەن سارىندا. ؛سمايىلوۆتىڭ وتستاۆكاسىن تالاپ ەتكەندەر دە از بولمادى.
ەندى بۇگىن سمايىلوۆ ايتقان سوزدەرىنىڭ ءوڭىن وزگەرتىپ, اقتالىپ جاتىر.
سمايىلوۆ داۋ تۋدىرعان كەشەگى جازباسىن دا وزگەرتىپ, رەسەيلىكتەرگە جاردەم كورسەتۋ, ؛ ەڭبەكپەن قامتۋ ماسەلەلەرىن قاراستىرۋ قاجەتتىگى تۋرالى ايتقاندارىن الىپ تاستاعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر