• usd 468.56

  • eur 497.56

  • rub 7.3

  • cny 67.18

29 ناۋرىز, 16:16:54
الماتى
+35°

سىرتقى ىستەر مينيسترلىگىنىڭ رەسمي وكىلى ايبەك سمادياروۆ قازاقستان سەپاراتيستىك دونەسك پەن لۋگانسك حالىق رەسپۋبليكالارى (دونباسس) مەن ۋكراينانىڭ حەرسون جانە زاپوروج وبلىستارىن رەسەيگە قوسۋ بويىنشا ءوتىپ جاتقان رەفەرەندۋم ناتيجەسىن مويىندامايتىنىن مەڭزەدى.

 ؛

ايبەك سمادياروۆتىڭ پىكىرى انىق ءارى ناقتى بولماعانىمەن, ول قازاقستان اۋماقتىق تۇتاستىق, حالىقارالىق قۇقىق قاعيدالارىن بەرىك ۇستاناتىنىن اتاپ ءوتتى. وسى پرينسيپتەرگە سۇيەنگەن باتىس ەلدەرى رەفەرەندۋمدى لەگيتيمدى ەمەس دەپ, ناتيجەسىن مويىندامايتىنىن ءمالىم ەتكەن. ؛

23 قىركۇيەكتە رەسەي اسكەرى باسىپ العان ۋكراينانىڭ دونەسك, زاپوروج, لۋگانسك جانە حەرسون وبلىستارىندا رەسەيگە قوسىلۋ بويىنشا بەس كۇندىك "رەفەرەندۋم" باستالعان. پروسەدۋرا ۋكراينا تۇرماق رەسەي زاڭىنا قايشى ءوتىپ جاتىر. ؛رەسەي زاڭى بويىنشا رەفەرەندۋمعا باستاماشىل بولىپ, ۇيىمداستىرىپ, وتكىزۋ كەمى ءتورت ايدى قامتۋى كەرەك. ۋكراين زاڭى بويىنشا ەل اۋماعىنا وزگەرىس جالپىۋكرايندىق رەفەرەندۋمدا عانا قارالا الادى.

وزىن تاۋەلسىز دەپ جاريالاعان دحر مەن لحر تۇرعىندارىنا "رەسەي فەدەراسياسىنىڭ قاتارىنا قوسىلۋدى قالايسىز با" دەگەن مازمۇنداعى ءبىر عانا ساۋال قويىلادى. ال باسىپ الىنعان ؛زاپوروج بەن ؛حەرسون وبلىستارى ازاماتارىنا ءۇش ساۋال قويلادى. ولار ۋكراينا قۇرامىنان شىعۋ, جەكە مەملەكەت رەتىندە وبلىس بولىپ قۇرىلۋ جانە رەسەي فەدەراسياسىنىڭ قۇرامىنا قوسىلۋ تۋرالى بولماق.

 ؛

باتىس ساراپشىلارى كرەمل رەفەرەندۋم ارقىلى جوعارىدا اتالعان ايماقتاردى وزىنە قوسىپ العاننان كەيىن, ۋكراينانىڭ ازات ەتۋ كۇرەسىن وزىنە جاسالعان اگرەسسيا رەتىندە باعالاپ, جالپىحالىقتىق موبيليساسيا جاريالاۋى مۇمكىن ەكەنىن ايتادى. ساراپشىلار ءتىپتى يادرولىق قارۋ قولدانۋ قاتەرى ارتا ءتۇسۋى مۇمكىندىگىن دە جوققا شىعارمايدى.

جۋرناليست, قۇقىققورعاۋشى سەرگەي دۋۆانوۆ قازاقستان قول قويعان رەسەيمەن اسكەري سەرىكتەستىك تۋرالى كەلىسىم-شارت پەن ۇقشۇ اياسىندا قازاقستان ؛رەسەيگە شابۋىل جاسالسا, اسكەر جىبەرۋگە مىندەتتى ەكەنىن ءمالىم ەتكەن. الايدا رەفەرەندۋم ناتيجەسىن قازاقستان مويىندامايتىندىقتان, رەفەرەندۋمنان كەيىن رەسەي جەرى دەپ تانىلعان جەرلەردەگى ۇرىس قازاقستان ءۇشىن اسكەر كىرگىزۋگە سەبەپ بولا المايدى.
 ؛

 ؛

"قامشى" سىلتەيدى
ىلمەك سوزدەر: رەسەي-ۋكراينا سوعىسى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر