23 قىركۇيەك, 2022 news
فوتو: قازاقپارات
سوڭعى تاۋلىكتە قوستاناي وبلىسىنا 1 مىڭنان استام رەسەي ازاماتى كەلىپ, كوشى-قون كولەمى ەكى ەسە ارتتى, دەپ حابارلادى قازاقپارات اگەنتتىگى.
"سوڭعى تاۋلىكتە قوستاناي وبلىسىنا 1 مىڭنان استام رەسەي ازاماتى كەلدى. كوشى-قون اعىنى ەكى ەسە ارتتى. وسىعان بايلانىستى كوشى-قون قىزمەتى باسقارماسى شەتەل ازاماتتارىنىڭ وبلىس اۋماعىندا بولۋ ءتارتىبىن ەسكە سالادى. شەتەلدىك ازامات قر مەملەكەتتىك شەكاراسىن كەسىپ وتكەن ساتتەن باستاپ قابىلداۋشى تاراپ 3 جۇمىس كۇنى ىشىندە شەتەلدىكتىڭ ناقتى بولعان جەرى بويىنشا ىشكى ىستەر ورگاندارىن حاباردار ەتەدى. بۇل ءراسىمدى "e.qonaq" اقپاراتتىق جۇيەسى نەمەسە "ۆيزالىق جانە كوشى-قون پورتالى" ارقىلى جۇزەگە اسىرۋعا بولادى.
قازاقستان اۋماعىنا كەلگەن رەسەي, ارمەنيا, بەلارۋس, قىرعىزستان, ازەربايجان جانە تاجىكستان ازاماتتارى 90 كۇنگە دەيىن ەلدەن تىس جەرلەرگە كەتۋگە مىندەتتى. كورسەتىلگەن مەرزىمنەن ارتىق بولعان جاعدايدا ولار تۇرعىلىقتى جەرى بويىنشا حقكو-لارعا جۇگىنىپ, ۋاقىتشا تۇرۋعا رۇقسات رەسىمدەۋى قاجەت", دەپ ءمالىم ەتكەن جەرگىلىكتى قۇزىرلى ورگاننىڭ ءباسپاسوز قىزمەتى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر