فوتو: egemen.kz
جۋرناليست, قۇقىققورعاۋشى سەرگەي دۋۆانوۆ بيىل سەنات 17 اقپاندا رەسەي مەن قازاقستان اراسىنداعى اسكەري سەرىكتەستىك تۋرالى كەلىسىم-شارتتى راتيفيكاسيالاعانىن, ونىڭ اياسىندا قازاقستان رەسەيگە شابۋىل جاسالسا, اسكەر جىبەرۋگە مىندەتتى ەكەنىن ءمالىم ەتتى.
؛
دۋۆانوۆ راتيفيكاسيانىڭ رەسمي نۇسقاسىندا كەلىسىم بىرلەسكەن جوسپارلاۋ, مەملەكەتتىڭ قاۋىپسىزدىگىن قامتاماسىز ەتۋ شارالارى, ايماقتىق قاۋىپسىزدىككە تونەر قاتەرلەرگە قارسى بىرلەسكەن كۇرەس كەزىندە اسكەري سەرىكتەستىكتى جۇزەگە اسىرۋعا مۇمكىندىك بەرەتىنىن ايتادى.
؛
"وسىلايشا, قازاقستان ۇقشۇ-دان بولەك, وسى كەلىسىم-شارت بويىنشا دا رەسەيگە شابۋىل جاسالسا, اسكەر جىبەرۋگە مىندەتتى بولادى" دەگەن ول الدا بولاتىن جاعدايلار سوعان الىپ كەلۋى مۇمكىن ەكەنىن قاپەرگە سالدى.
؛
"23-27 قىركۇيەكتە رەسەي باسىپ العان وبلىستاردا رەفەرەندۋم (دونباسستاعى سەپاراتيستىك لۋگانسك جانە دونەسك رەسپۋبليكالارى رەسەيگە قوسىلۋ تۋرالى رەفەرەندۋم - رەد) وتەدى. تۇرعىندار وزدەرىنە اۆتومات كەزەنىپ تۇرعاندىقتان, رەفەرەندۋمعا "داۋىس بەرەدى". ودان كەيىن كەلەسى كۇنى-اق ۋكراين جەرلەرى قىرىم سەكىلدى رەسەي قۇرامىنا ەنىپ كەتەدى. الايدا ۋكراين كۇشتەرىنىڭ ءوز جەرىن جاۋدان ازات ەتۋ كۇرەسى جالعاسا بەرەدى. ال بۇنى كرەمل ۋكراينا رەسەيگە شابۋىلداپ وتىر دەپ باعالايدى. وسى جاعدايدا رەسەيگە كومەك رەتىندە قازاقستان مىندەتتەمەسىن ورىنداي ما؟ بۇل وتە كۇردەلى ماسەلە. قازاقستان بيلىگى بۇعان تولىققاندى جاۋاپ بەرۋگە ءتيىس" دەيدى سەرگەي دۋۆانوۆ.
؛
ەگەر جاعداي وسى سەناريي بويىنشا ءوربيتىن بولسا, قازاقستان نە كەلىسىم-شارت مىندەتتەمەسىن ورىندايدى, نە كەلىسىم-شارتتى بۇزادى, نە دونباسستى رەسەي جەرى دەپ تانىمايدى. نە دە بولسا, بيلىكتىڭ الدىندا قيىن تاڭداۋ تۇر.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر