• usd 468.56

  • eur 497.56

  • rub 7.3

  • cny 67.18

28 ناۋرىز, 18:11:51
الماتى
+35°

الماتى اكىمى ەربولات دوساەۆ پەن حالىقارالىق حوككەي فەدەراسياسىنىڭ پرەزيدەنتى ليۋك تارديف 2027 جىلى الماتىدا شايبالى حوككەيدەن الەم چەمپيوناتىن وتكىزۋ پەرسپەكتيۆالارىن تالقىلادى. بۇل تۋرالى الماتى قالاسى اكىمىنىڭ ءباسپاسوز قىزمەتى حابارلادى.

حالىقارالىق حوككەي فەدەراسياسىنىڭ پرەزيدەنتى ليۋك ءتارديفتىڭ, قازاقستان حوككەي فەدەراسياسىنىڭ باسشىسى اسقار ءماميننىڭ, حالىقارالىق حوككەي فەدەراسياسىنىڭ وكىلدەرى ۆيسە-پرەزيدەنت پەتر ءبريزدىڭ جانە باس حاتشى ماتتي ءنۇرميننىڭ قاتىسۋىمەن وتكەن كەزدەسۋدە 2027 جىلى استانادا جانە الماتىدا حوككەيدەن الەم چەمپيوناتىن وتكىزۋ مۇمكىندىگى تالقىلاندى.

قازاقستان پرەزيدەنتى قاسىم-جومارت توقاەۆ 2027 جىلى 15 قىركۇيەكتە ليۋك تارديفپەن وتكەن كەزدەسۋدە حوككەيدەن الەمدىك بىرىنشىلىكتى قابىلداۋعا دايىن ەكەنىن راستادى. الەم چەمپيوناتىن وتكىزۋ ءۇشىن قوجايىن ەلدىڭ تاڭداۋى بويىنشا داۋىس بەرۋ 2023 جىلدىڭ مامىر ايىندا وتەدى.

كەزدەسۋ بارىسىندا ەربولات دوساەۆ الماتىنىڭ 2011 جىلعى قىسقى ازيا ويىندارى, 2017 جىلعى قىسقى دۇنيەجۇزىلىك ۋنيۆەرسيادا, الەم چەمپيوناتتارى, ءارتۇرلى سپورت تۇرلەرى بويىنشا الەم كۋبوگىنىڭ كەزەڭدەرى جانە ت. ب. سياقتى ءىرى سپورتتىق ءىس-شارالاردى وتكىزۋدەگى باي تاجىريبەسى تۋرالى ايتىپ بەردى.

قالا باسشىسى مەگاپوليستىڭ الماتىدا حوككەيدەن الەم چەمپيوناتىن وتكىزۋگە دايىندىعىن, قاجەتتى دامىعان سپورتتىق جانە قوناق ءۇي ينفراقۇرىلىمىنىڭ بار ەكەنىن راستادى. بۇگىندە قالادا "مەدەۋ" مۇز ايدىنى, "الماتى ارەنا" جانە "حالىق ارەنا" مۇز سارايلارى, "سۇڭقار" حالىقارالىق شاڭعى ترامپليندەرى كەشەنى, بالۋان شولاق اتىنداعى سپورت سارايى, سونداي-اق الماتى اگلومەراسياسىنىڭ اۋماعىنداعى ءبىرقاتار تاۋ شاڭعىسى كۋرورتتارى سياقتى قىسقى سپورت تۇرلەرىمەن اينالىسۋعا ارنالعان سپورت كەشەندەرى جۇمىس ىستەيدى.

كەزدەسۋگە قاتىسۋشىلاردىڭ پىكىرىنشە, قازاقستاندا حوككەيدەن الەم چەمپيوناتىن وتكىزۋ ونىڭ ەلدىك دەڭگەيدە تانىمال بولۋىنا سەرپىن بەرەدى, ال حالىقارالىق دەڭگەيدە - بۇكىل ازيا وڭىرىندە وسى قىسقى سپورت ءتۇرىن قولداۋشىلار سانىن ارتتىرادى.

حالىقارالىق حوككەي فەدەراسياسىنىڭ پرەزيدەنتى ليۋك تارديف بۇل ونىڭ الماتىعا ەكىنشى ساپارى ەكەنىن جانە قاتىسۋشى كوماندالار ءۇشىن دە, بۇكىل الەمنىڭ جانكۇيەرلەرى ءۇشىن دە كوپتەگەن قىزىقتى ورىندار بار ەكەنىن اتاپ ءوتتى. قالا الەم چەمپيوناتى توپتارىنىڭ ءبىرىن وتكىزۋگە لايىقتى جانە قازاقستان حوككەي فەدەراسياسى اكىمدىكپەن بىرلەسىپ, ءوتىنىم بەرۋ ناۋقانىنا ساپالى دايىندالۋى ءتيىس.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر