رەسەي سوتى ءپۋتيننىڭ وتستاۆكاسىن تالاپ ەتكەن دەپۋتاتتارعا ايىپپۇل سالىپ جاتىر

رەسەي پرەزيدەنتى ۆلاديمير ءپۋتيندى وتانعا وپاسىزدىق جاسادى دەپ ايىپتاپ, ونىڭ وتستاۆكاسىن تالاپ ەتكەن سانكت-پەتەربۋر مۋنيسيپالىنىڭ دەپۋتاتتار توبىنا بيلىكتىڭ بەدەلىن ءتۇسىردى دەگەن ايىپپەن ايىپپۇل سالىنىپ جاتىر. بۇل تۋرالى ؛"سەتەۆىە سۆوبودى" قۇقىققورعاۋ جوباسى حابارلادى.

سانكت-پەتەربەرگتىڭ سمولنينسك سوتى بەس دەپۋتاتقا جالپى سوماسى 225 مىڭ رۋبل (15 قىركۇيەكتەگى رۋبل كۋرسى بويىنشا 1 ملن 786 مىڭ تەڭگە) كولەمىندە ايىپپۇل سالعان. اتاپ ايتقاندا ؛دميتريي پاليۋگكە 47 مىڭ رۋبل, نيكيتۋا يۋفەرەۆكە 46 مىڭ رۋبل, اننا كيسەلەۆا, يۆان چەبوتار جانە دميتريي بالترۋكوۆكە 44 مىڭ رۋبل ايىپپۇل سالعان.

دەپۋتاتتار سوت شەشىمىنە شاعىم تۇسىرەتىنىن ءمالىم ەتتى.