• usd 468.43

  • eur 485.43

  • rub 7.67

  • cny 65.35

29 قاراشا, 23:48:56
الماتى
-1°

بيىلعى جىلعى جولداۋدىڭ وسىعان دەيىنگى جولداۋلاردان وزگەشەلىگى &ndash؛ حالىقتىڭ شىن مانىندە «؛جاڭا قازاقستاندى»؛ قۇرۋ جولىندا مەملەكەت تاراپىنان ەل بولىپ تەرەڭ الەۋمەتتىك-ەكونوميكالىق رەفورمالار مەن ناقتى ءىس-قيمىلدارعا باعىتتالعان باستامالاردى اسىعا كۇتۋى دەپ ايتۋعا بولادى. قازىرگى الەمدە قالىپتاسقان كۇردەلى گەوساياسي جاعدايدا ەل ەشىندە تىنىشتىقتى ساقتاۋ, ەكونوميكالىق ءوسىمدى ۇنەمى قامتاماسىز ەتۋ مەن الەۋمەتتىك قامسىزداندىرۋدى ەستەن شىعارماۋ تۇراقتى دامۋ كەپىلى بولىپ تابىلاتىنى ءسوزسىز. پرەزيدەنت بۇل جولعى ءوزىنىڭ جولداۋىندا رەفورمالاردىڭ ناقتى باعىتتارىن انىقتاۋ ءۇشىن ەڭ الدىمەن جاڭا ەكونوميكالىق ساياساتتى قۇرۋدان باستاۋى سوندىقتان بولار.

پرەزيدەنت سوزىمەن ايتار بولساق, بۇگىنگى كۇنى ەل ەكونوميكاسىن دامۋىن تەجەپ وتىرعان جۇيەلى پروبلەمالار مىنالار: شيكىزات ونىمىنە تاۋەلدىلىك, ەڭبەك ءونىمىنىڭ تومەنگى دەڭگەيى, يننوۆاسيالىق دامۋ دەڭگەيىنىڭ كوڭىلدەن شىقپاۋى, تابىستىڭ ءتيىمسىز ءبولىنۋى. مەملەكەت باسشىسى ق.ك. توقاەۆ جولداۋدا ۇلتتىق ەكونوميكا دامۋىنا كەدەرگى جاسايتىن وسى سىندى بۇگىنگى كۇننىڭ پروبلەمالارىن شەشۋدىڭ مىنانداي ناقتى جولدارىن ۇسىندى, ولار: «؛ماكروەكونوميكالىق تۇراقتىلىق, ەكونوميكانى ديۆەرسيفيكاسيالاۋ, سيفروۆيزاسيا, شاعىن جانە ورتا بيزنەستى, ادام كاپيتالىن دامىتۋ, زاڭ ۇستەمدىگىن قامتاماسىز ەتۋ»؛.

قازىرگى ۋاقىتتا الەمنىڭ ۇزدىك دامىعان مەملەكەتتەرىنىڭ تاجىريبەسى كورسەتىپ وتىرعانداي ۇلتتىق ەكونوميكانى دامىتۋ زاماناۋي يننوۆاسيالىق تەحنولوگيالاردى يگەرۋ مەن بەلسەندى ەندىرۋدى تالاپ ەتەدى. قوعامدىق ءومىردىڭ بارلىق سالالارىن سيفرلاندىرۋ مەن اۆتوماتتاندىرۋ سالىقتان تۇسكەن تابىستىڭ اشىق ءارى ادال تۇردە ىسكە اسۋىن قامتاماسىز ەتەتىنى انىق. سونىمەن بىرگە الدىڭعى قاتارلى وزىق يننوۆاسيالىق تەحنولوگيالار جالپى كاسىپورىنداردىڭ باسەكەگە قابىلەتتىلىگىن ارتتىرىپ قانا قويماي, ەل تۇرعىندارىنىڭ ءومىر ءسۇرۋ ساپاسىن جاقسارتۋ ءۇشىن دە قاجەت. بۇل ءبىرىنشى كەزەكتە سيفرلى وركەنيەت زامانىندا ادام كاپيتالىنىڭ دامۋىمەن تىعىز بايلانىستى. شىن مانىندە بۇگىنگى كۇنى عالامتورعا قولجەتىمدىلىكتىڭ ءوسۋى ساياسي اقپارات اعىنىن ارتتىرىپ, ازاماتتاردىڭ ءبىلىم مەن جاڭا زامان تالابىنا ساي كاسىبي شەبەرلىكتەردى جاپپاي يگەرۋىنە جول اشتى.

زاماناۋي كوممۋنيكاسيالىق قۇرالداردىڭ قوعامدىق ومىرگە جىلدام قارقىنمەن ەنۋىنىڭ تاعى ءبىر باسىم تۇسى رەتىندە ازاماتتارىمىز ءۇشىن الەۋمەتتىك-ساياسي پروسەسستەر جايلى اقپاراتتار اعىنىن ەسەلەپ ءوسۋى, ازاماتتىق قوعام ينستيتۋتارىنىڭ ءرولىن ارتتۋىن ايتۋعا بولادى. وسىعان وراي قازاقستاندىق قوعامنىڭ جاڭا ساياسي مادەنيەتى جاھاندانۋ پروسەسى جاعدايىندا قالىپتاسۋدى باستان وتكەرۋدە. وعان ايقىن مىسال رەتىندە سوڭعى جىلدارى قوعامدا ورىن العان ءارتۇرلى پروبلەمالار مەن وزگەرىستەرگە ازاماتتاردىڭ بەيجاي, نەمقۇرايلى قارامايتىندىعىن جانە وعان ءوز تاراپىنان باعا بەرە الاتىندىعىن كورسەتتى. اتاپ ايتقاندا, ۇستىمىزدەگى جىلى بولعان ءتۇرلى ساياسي وقيعالارعا, مەملەكەت تاراپىنان كوتەرىلگەن جاڭارۋلارعا, رەفەرەندۋمعا بەلسەنە قاتىسۋى قوعامنىڭ ساياسي بەلسەندىلىگىنىڭ ارتىپ وتىرعاندىعىن كورۋىمىزگە بولادى. وسى ورايدا الەۋمەتتىك-ساياسي پروسەسستەرگە قازاقستاندىق قوعامنىڭ بەلسەندى اتسالىسۋىندا زاماناۋي اقپاراتتىق-كوممۋنيكاسيالىق تەحنولوگيالاردىڭ ىقپالىن جوققا شىعارا المايمىز.

اربىر ءۇشىنشى ازامات «؛جاستار»؛ كاتەگورياسىنا ەنەتىن قازاقستان ءۇشىن زاماناۋي اقپارتتىق-كوممۋنيكاسيالىق تەحنولوگيالاردى جاستار اراسىندا قولدانىسى عىلىمي تۇرعىدا زەرتتەلۋى ءتيىستى ماڭىزدى تاقىرىپقا ايلانىپ وتىر. سەبەبى زاماناۋي سيفرلى تەحنولوگيالار ەلدىڭ ءاربىر ازاماتىنىڭ كۇندەلىكتى ءومىرىنىڭ اجىراماس بولىگىنە اينالىپ ۇلگەردى, ولار كۇن وتكەن سايىن ءبىزدىڭ ءومىرىمىزدىڭ ءار ءتۇرلى سالالارىن كوبىرەك قامتىپ كەلەدى. اتاپ ايتقاندا, قازاقستاندىق جاستار زاماناۋي سيفرلى تەحنولوگيالاردى جىلدام يگەرۋ ۇستىندە جانە اتالمىش جاھاندىق ءۇردىستىڭ بارلىق يگىلىكتەرىن قولدانۋعا مۇمكىندىك الدى. وعان قوسا سوڭعى جىلدارى بۇكىل الەمدە ورىن العان پاندەميا سالدارى جاستاردىڭ زاماناۋي تەحنولوگيالاردى قولدانۋ اياسىنىڭ كەڭەيۋى مەن عالامتوردىڭ ولارعا تيگىزەتىن ىقپالىنىڭ ودان ءارى ارتۋىنا سەپتىگىن تيگىزۋدە.

نۇركەن ايتىمبەتوۆ,

قر عجبم عك فيلوسوفيا, ساياساتتانۋ جانە ءدىنتانۋ ينستيتۋتىنىڭ جەتەكشى عىلىمي قىزمەتكەرى

"قامشى" سىلتەيدى
ىلمەك سوزدەر: جولداۋ

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر