قورعانىس مينيسترلىگى مەملەكەتتىك اپپاراتتىڭ قىزمەتىن بيۋروكراتيادان ارىلتۋ ؛ماقساتىندا ؛شاقىرۋ ۋچاسكەلەرىنە تىركەۋ تۋرالى كۋالىكتەردەن باس تارتۋدى, سونداي-اق اسكەري قىزمەت وتكەرمەگەن ازاماتتارعا اسكەري بيلەتتەر بەرۋدى الىپ تاستاۋدى ۇسىنىپ وتىر.

2023 جىلدان باستاپ اسكەري مىندەتتىلەر مەن اسكەرگە شاقىرىلۋشىلاردى ەسەپكە الۋدى ەلەكتروندىق فورماتقا كوشىرۋ جوسپارلانعان. بۇل ؛&ndash؛ ىشكى كوشى-قون كەزىندە ازاماتتاردى اسكەري ەسەپكە قويۋ جانە ودان شىعارۋ قاجەتتىلىگىن الىپ تاستاۋعا مۇمكىندىك بەرمەك.

بۇدان وزگە ازاماتتاردىڭ اسكەري قىزمەتكە قاتىناسى, ونى وتكەرۋ جانە اسكەري ەسەپكە الىنۋى تۋرالى مالىمەتتەر "e-gov" پورتالىنداعى جەكە كابينەتتە كورسەتىلەتىن بولادى. قاجەت بولعان جاعدايدا ونى مەملەكەتتىك ورگاندار پايدالانۋى نەمەسە سۇراتۋى مۇمكىن.

ماماندار ۇسىنىلعان جاڭالىقتار قارجى ۇنەمدەۋگە ىقپال ەتەتىنىن ايتادى. بلانكىلەردى ساقتاۋ, شىعارۋ جانە بەرۋ جەرگىلىكتى اسكەري باسقارۋ ورگاندارى قىزمەتكەرلەرىنىڭ شىعىندارىن دا ەداۋىر ازايتپاق.

قولدانىستاعى نورماعا ساي, اسكەري بورىشىن وتەگەمەن ەر ازاماتتارعا جاسى 27-گە كەلگەننەن كەيىن اسكەري بيلەت بەرىلەدى.