وپپوزيسيا باس قوسقان كۇن. پرەزيدەنت سايلاۋىن مەرزىمىنەن بۇرىن وتكىزۋگە قارسى كواليسيا قۇرىلدى

بۇگىن الماتىدا وپپوزيسيالىق كوزقاراستاعى ساياساتكەر, قوعام بەلسەندىسى, تاۋەلسىز باقىلاۋشىلاردان تۇراتىن توپ مەرزىمىنەن بۇرىن پرەزيدەنت سايلاۋىن وتكىزۋ باستاماسىنا بايلانىستى ءباسپاسوز ءماسليحاتىن وتكىزىپ, دەموكراتيالىق كۇشتەر كواليسياسىن قۇراتىنىن مالىمدەپ, بيلىككە ۇندەۋ جولدادى.

كواليسيانى قۇرۋشى توپ قازاقستاندا شىنايى ساياسي رەفورما جاسالمايىنشا, پرەزيدەنت سايلاۋىن مەرزىمىنەن بۇرىن وتكىزۋ ءمانى جوق ەكەنىن ايتىپ, بيلىككە سىنشىل, بيلىككە قارسى كوزقاراستاعى بارلىق ساياسي كۇشتەر مەن ازاماتتاردى الداعى سايلاۋدى كۇن تارتىبىنەن الىپ تاستاۋ يدەياسى توڭىرەگىندە توپتاسۋعا شاقىردى.

توپ مۇشەلەرى دوڭگەلە وتىرىپ, كەزەگىمەن كوز الدى.

 ؛

ىنتالى توپ مۇشەسى, "تاۋەلسىز باقىلاۋشىلار" قوعامدىق بىرلەستىگىنىڭ ءتورايىمى ارايلىم نازاروۆا الەۋمەتتىك جەلى ارقىلى ۇندەۋ, جالعىزادامدىق پيكەت, جاپپاي ميتينگ سەكىلدى ءىس-شارالار ارقىلى بيلىكتى ۇندەۋ تالاپتارىن ورىنداۋعا ماجبۇرلەۋ كەرەكتىگىن, قاجەت بولسا, "قاڭتاردى" قايتالاۋ كەرەكتىگىن ايتتى. الايدا سوعان قاراماستان ۇكىمەت سايلاۋدى وتكىزەتىن بولسا, ورتاق كانديدات شىعارىپ, جەر-جەردەگى ۋچاسكەلەردى جاپپاي باقىلايتىنىن, ءتىپتى ورتاق كانديدات شىقپاي جاتسا, جاپپاي باقىلاۋ تۇرىندە سايلاۋعا بويكوت جاريالايتىندارىن ءمالىم ەتتى. ؛"رينگكە شىقپاي جاتىپ جەڭىلۋگە بولمايدى" دەگەن ول يدەيا توڭىرەنگىندە توپتاسۋدىڭ ماڭىزىن اتاپ ءوتتى.

 ؛

قوعام بەلسەندىسى سەرىكجان مامبەتالين سايلاۋدا ق.توقاەۆ جەڭىپ, حالىق كوتەرىلسە, بيلىك تاعى دا رەسەيدەن اسكەر كىرگىزەدى دەپ سانايدى.

 ؛

جيىندا ارنايى جاڭاوزەننەن كەلگەن, قاڭتار قوزعالىسىنا قاتىسقان بەلسەندىلەر, مارقۇم زامانبەك ءنۇرقادىلوۆتىڭ ۇلى قايرات ءنۇرقادىلوۆ ءسوز سويلەپ, كواليسيانى قولدايتىنىن ءبىلدىردى. اراسىندا ەموسياعا بەرىلىپ, بيلىكتى ايىپتاپ تاقىرىپقا قاتىستى-قاتىسسىز اڭگىمەلەردى ايتىپ كەتكەندەر دە كەزدەستى. جيىنعا كەلگەندەر اراسىندا بيلىك كواليسيا تالابىن ەسكەرمەيتىنىن, سوندىقتان وپپوزيسيا اتىنان ورتاق كانديدات ۇسىنۋ قاجەتتىگىن ايتقاندار كوپ بولدى.

 ؛

جيىنعا كەلگەندەر اراسىندا ەگەر وپپوزيسيا اتىنان ورتاق كانديدات ۇسىنىلىپ جاتسا, كانديدات داۋىس بەرۋشىلەردىڭ سەنىمىن اياقاستى ەتىپ كەتپەي مە دەپ سۇراعاندار تابىلدى. بۇل سۇراققا جاۋاپ بەرگەن مۇحتار تايجان ورتاق كانديدات ۇسىنىلار بولسا, ونىمەن بارلىق جاعداي تالقىلانىپ, جازباشا تۇردە كەلىسىم جاسالاتىنىن, ەشكىم ەشكىمدى لاقتىرىپ كەتپەيتىنىن ايتتى.

 ؛

مۇحتار تايجان جاقىندا پرەزيدەنت اكىمشىلىگىنىڭ ادامدارىمەن سويلەسكەنىن, ولارعا "جەكە-جەكە ەمەس, كواليسيانىڭ بارلىق مۇشەسىمەن بىرگە كەزدەسەيىك" دەگەنىن اتاپ ءوتتى.

جيىن بارىسىندا ۇندەۋ داۋىسقا سالىنىپ, كوپشىلىك داۋسىمەن قابىلداندى. ەندى قۇجات اقورداعا جولدانباق.

ۇندەۋ ءماتىنىنىڭ تولىق نۇسقاسى تومەندە ۇسىنىلىپ وتىر.

قازاقستان حالقىنا

قر پرەزيدەنتى ق.-ج.ك.توقاەۆقا

قر سەناتىنىڭ ءتوراعاسى م.س.اشىمباەۆقا

قر ءماجىلىسىنىڭ ءتوراعاسى ە.ج.قوشانوۆقا

دەموكراتيالىق كۇشتەر كواليسياسىن قۇرۋشى ازاماتتاردىڭ مەملەكەت باسشىسىنىڭ 2022 جىلعى قىركۇيەكتەگى جولداۋىندا ايتىلعان كەزەكتەن تىس پرەزيدەنت سايلاۋىنا قاتىستى

ۇندەۋى

بىز وتانىمىزدىڭ, حالقىمىزدىڭ الداعى تاعدىرىنا الاڭدايمىز. تاۋەلسىزدىكتەن, مەملەكەتتىلىكتەن ايىرىلىپ قالۋ ءقاۋپى ۇدەپ بارادى. شىنايى دەموكراتيالىق باعىتتان اۋىتقۋ ودان ءارى جالعاستى. سۋپەرپرەزيدەنتتىك جۇيەنى قايتا جانداندىرۋ ارەكەتتەرى جىمىسقىلىقپەن ىسكە اسىپ جاتىر. بۇل پرەزيدەنتتىڭ تاياۋداعى, قىركۇيەكتەگى جولداۋىنان دا ايقىن بايقالدى.

كەزەكتەن تىس پرەزيدەنت سايلاۋىن وتكىزۋ, پرەزيدەنتتىك مەرزىمدى جەتى جىلعا دەيىن ۇزارتۋ, الداعى ۋاقىتتا دا بيلىك باسىندا وتىرا بەرۋ, قازاق ءتىلىن قوساقتالعان دەڭگەيدە قالدىرۋ جونىندەگى توقاەۆتىڭ ۇستانىمدارىن قولدامايمىز! ءبىز مۇنىڭ ءبارىن قوعامدا قارسىلىق تۋدىراتىن دەموكراتيالىق قۇندىلىقتاردان باستارتۋ, نازارباەۆتىق جەكەباستىق, اۆتوريتارلىق, توتاريتارلىق جۇيەنى جاڭعىرتۋ دەپ ەسەپتەيمىز! جانە بۇعان جول بەرىلمەيتىندىگىن مالىمدەيمىز! مەملەكەت, حالىق الدىنداعى جاۋاپكەرشىلىكتى سەزىنە, ونى ءوز موينىمىزعا الا وتىرىپ, ءبىز بارشا دەموكراتيالىق كۇشتەردى &ndash؛ وپپوزيسياداعى ساياساتكەرلەردى, تىركەلگەن, تىركەلمەگەن ۇيىمدار مەن بىرلەستىكتەردىڭ جەتەكشىلەرىن, بەلسەندى مۇشەلەرىن, ساياساتتانۋشىلاردى, ازاماتتار قۇقىعىن قورعاۋشىلاردى, كۇرەسكە ءازىر بارلىق ادامداردى قاتارىمىزعا قوسىلۋعا شاقىرامىز.

بىزدىڭ بيلىك باسىنداعىلارعا قوياتىن تالاپتارىمىز:

- كەزەكتەن تىس پرەزيدەنتتىك سايلاۋ كۇن تارتىبىنەن الىنىپ تاستالسىن! ونداي سايلاۋ وتكىزۋگە ەشقانداي قاجەتتىلىك تۋعان جوق. «؛ادىلەتتى قازاقستاندى قۇرۋعا باعىتتالعان تۇبەگەيلى جانە جان-جاقتى رەفورمالاردى ساتىمەن ىسكە اسىرۋ ءۇشىن حالىقتىڭ جاڭا سەنىم مانداتى كەرەك»؛ دەگەن توقاەۆتىڭ سىلتاۋى &ndash؛ كوزبوياۋشىلىق. ادىلەتتى قازاقستان قۇرۋ ءۇشىن ناقتىلى ساياسي رەفورمالار قاجەت. ال ول رەفورمانى ىسكە اسىرۋ ءۇشىن حالىقتان جاڭادان سەنىم مانداتىن سۇراپ, كەزەكتەن تىس سايلاۋ وتكىزبەي-اق قويسىن. تەك قوعاممەن ساناسىپ, «؛سايلاۋ تۋرالى»؛, ساياسي پارتيالار تۋرالى, جيىن بوستاندىعى تۋرالى زاڭداردى حالىقارالىق نورمالارعا سايكەستەندىرسە, ازاماتتاردىڭ كونستيتۋسيالىق قۇقىقتارىن شەكتەيتىن, ەركىن, تازا سايلاۋ وتكىزۋگە كەدەرگى كەلتىرەتىن, نازارباەۆتىق تاسىلمەن جاسالعان باپتاردى الىپ تاستاسا بولعانى. سايلاۋ كوميسسيالارىن قۇرۋدى وزگەرتۋ, ونىڭ قۇرامىن تۇبەگەيلى وزگەرتۋ تالاپتارىن ورىنداسىن. باقىلاۋشىلاردىڭ, جۋرناليستەردىڭ سايلاۋ بارىسىنداعى قىزمەتتەرى شەكتەلمەسىن, اشىقتىققا, جاريالىلىققا جول اشىلسىن. وسىنداي العىشارتتار جاسالعان سوڭ تازا, ءادىل سايلاۋ وتكىزسىن. حالىق سوندا ءوز تاڭداۋىن جاسايدى. دەمەك, ادىلەتتى قازاقستان قۇرۋ ءۇشىن پرەزيدەنت توقاەۆتان كەرەگى &ndash؛ ساياسي ەرىك-جىگەر, ادالدىق, باتىلدىق, سوزدە تۇرۋشىلىق!

-پرەزيدەنتتىك مەرزىمدى جەتى جىلعا سوزۋ جونىندەگى پرەزيدەنت ۇسىنىسى قابىلدانباسىن! كونستيتۋسيانى «؛جاساندى رەفەرەندۋمنان»؛ كەيىن تاعى دا جۇلمالاۋ, تۇستەن شوشىپ ويانعانداي بولۋ پرەزيدەنتكە جاراسپايدى. بۇرىنعى كەزەڭدە وزگەرتىلىپ, قايتا قالپىنا كەلتىرىلگەن مەرزىمدى تاعى دا قايتالاۋ &ndash؛ جەكەباستىق مۇددەنىڭ قامى.

- پرەزيدەنت سايلاۋى ءوز كەزەگىمەن 2024 جىلى وتكىزىلسىن! وعان دەيىن پرەزيدەنت قىزمەتىندە وتىرعان, لەگيتيمدى ەمەس پرەزيدەنت سانالعان ق.ج.توقاەۆ ءوزى ۋادە ەتكەن ساياسي رەفورمانى شىنايىلىقپەن, ناقتىلى قولعا السىن.

- ساياسي پارتيالاردى تىركەۋگە قويىلعان كەدەرگىلەر الىنىپ تاستالسىن! زاڭداعى جونسىزدىكتەر دەرەۋ ارادا تۇزەتىلمەيىنشە, ادىلەت مينيسترلىگى ارقىلى تىركەۋ ءتارتىبىن الىپ تاستامايىنشا, ازاماتتاردىڭ ۇيىمدارعا بىرلەسۋ, مەملەكەتتى باسقارۋ ىسىنە ارالاسۋ قۇقىعى شەكتەلە بەرەتىن بولادى.

- 2022 جىلعى قاڭتارداعى قىرعىن قاسىرەتى بويىنشا جاۋاپكەرشىلىكتى موينىنا السىن! جاپپاي ءتارتىپ بۇزۋشىلىققا قاتىستى دەلىنگەن ءارتۇرلى ايىپتارمەن قوزعالعان قىلمىستىق ىستەر قىسقارتىلسىن! دالەلسىز, ايعاقسىز, ازاپتاۋ, قيناۋ ارقىلى «؛مويىنداتىلعان»؛ كىنالارى ءۇشىن سوتتالعانداردىڭ ىستەرى قايتا قارالسىن. ساياسي قۋدالاۋداعى بارلىق ساياساتكەرلەرگە, بەلسەندىلەرگە بوستاندىق بەرىلسىن.

- جوعارىداعى تالاپتار ورىندالماعان جاعدايدا, قاسىم جومارت توقاەۆتىڭ قازاقستان ازاماتى رەتىندە الداعى سايلاۋلاردا پرەزيدەنتتىككە ۇمىتكەر بولىپ تۇسۋىنە, تىركەلۋىنە مورالدىق, ساياسي قۇقىعى جوق دەپ ەسەپتەلسىن! حالىق سەنىمىنەن ايىرىلعان ادامعا حالىق ەشقاشان دا جاڭا سەنىم مانداتىن بەرمەيتىندىگىن جاريا تۇردە ەسكەرتەمىز. ءبىز نازارباەۆتىق بيلىك جۇيەسىن ءوز ىڭعايىنا ورايلاستىراتىن, جەمقور, ساتقىن, جاعىمپاز, بىلىكسىز توبىرلاردىڭ مەملەكەتتى باسقارۋىنا قارسىمىز.

- حالىق ۇسىنعان ازاماتتار اراسىنان پرەزيدەنت بولۋعا لايىقتى تۇلعالاردى قازىردەن ىرىكتەپ, تالقىعا سالىپ, سايلاۋعا دايىن تۇرۋىمىز كەرەك. ورتاق ۇمىتكەردى قولدايىق! بۇل كەزەكتەن تىس سايلاۋدى قولداعاندىق ەمەس. بيلىك باسىنداعىلاردىڭ «؛زاڭداستىرىپ»؛ العان ويىن ەرەجەسىن وزگەرتپەيىنشە, سايلاۋ ناتيجەسىنىڭ باياعىداعىداي بولارى انىق. سوندىقتان ءبىز كۇللى قازاقستاندىقتاردى مىناعان شاقىرامىز:

- پرەزيدەنتتەن, قوس پالاتانىڭ ءتوراعالارىنان جانە بارلىق دەپۋتاتتاردان ساياسي رەفورما جاساۋ جونىندەگى جوعارىداعى تالاپتاردى ورىنداتقىزۋدى الاڭدارعا, كوشەلەرگە شىعىپ تالاپ ەتەيىك!

بۇل كۇرەستە ءبىر بولاتىندىعىمىزدى, كوزقاراستار مەن ۇستانىمدارداعى وزگەشەلىكتەردى, كەلىسپەۋشىلىكتەردى ىسىرىپ تاستاپ, دەموكراتيالىق كۇشتەر كواليسياسى توڭىرەگىنە توپتاساتىنىمىزدى تاعى دا مالىمدەيمىز جانە بارشاڭىزدى بىلەك تۇيىستىرۋگە شاقىرامىز!