• usd 468.43

  • eur 485.43

  • rub 7.67

  • cny 65.35

30 قاراشا, 00:35:34
الماتى
-1°

پرەزيدەنتتىڭ ەلگە زاڭسىز اكەلىنگەن كولىكتەردى ءبىرىڭعاي تومەندەتىلگەن الىم تولەتۋ ارقىلى زاڭداستىرۋ تۋرالى باستاماسى ازاماتتار اراسىندا ءتۇرلى رەاكسيا تۋدىرىپ جاتىر. 1 قىركۇيەككە دەيىن شەتەلدەن زاڭسىز تۇردە كولىك كىرگىزگەندەر ارزانعا الىنعان اۆتوكولىكتەرى زاڭدى تۇردە راسىمدەلەتىنىنە ريزا. زاڭ بۇزۋعا تارتىنشاقتاپ, شەتەلدەن كولىك السام با, الماسام با دەپ ەكى ويلى بولعاندار سانىن سوعىپ جاتىر. ال زاڭدى بۇلجىتپاي وتىردايتىن ازاماتتار ۇسىنىسقا نارازى. ايتۋلارىنشا, زاڭسىز ارەكەتتى زاڭداستىرۋ, زاڭعا دەگەن قۇرمەتسىزدىكتى تۋدىرادى.

اقان جاحانۇلى ەسىمدى facebook قولدانۋشىسى زاڭ بارلىعىنا بىردەي ورىندالۋى كەرەك, ورىندالماي ما, وندا ونداي زاڭ شىعارىپ قاجەتى جوق دەگەن پىكىردە.

 ؛

"تازا قازاقي ارەكەت ؛&ndash؛ ورىندالمايتىن زاڭ شىعارىپ قويادى, كولىكتى زاڭسىز كىرگىزىپ-كىرگىزىپ الىپ, ارتىنان زاڭداستىرا سالادى! زاڭسىز جەرگە ءۇي سوعىپ-سوعىپ الادى دا, ارتىنان سول ۇيلەردى زاڭداستىرا سالادى! ءاي, سوندا زاڭعا باعىناتىندار ەسكى كولىگىمەن قالادى ەكەن دە, زاڭدى بەلىنەن باساتىندار كولىكتەرىن جاڭارتىپ الا ما ەكەن؟! زاڭعا پىسقىرمايتىندار قالاعان جەرىنە ءۇيىن سوعىپ الادى ەكەن دە, زاڭعا باعىناتىندار ءۇيسىز وتىرا ما ەكەن؟! بۇل ارەكەتتەرىڭ ارقىلى قالعان ازعانتاي زاڭعا باعىناتىنداردى دا باعىنبايتىندار قاتارىنا وزدەرىڭ سۇيرەپ كىرگىزىپ جاتىرسىڭدار ەمەس پە؟ زاڭ شىعاردىڭدار ما ول زاڭ بارلىعىنا بىردەي ورىندالسىن! ورىندالماي ما ەكەن ونداي زاڭ شىعارىپ قاجەتى جوق! كوپشىلىك باعىنباي جاتسا وندا ول زاڭ شالا بولعانى. سونى شىعارعان, قابىلداعان ادامداردى قۋۋ كەرەك, جازالاۋ كەرەك! كۇشىن جويۋ كەرەك!" دەپ جازدى ؛اقان جاحانۇلى.

 ؛

جۋرناليست, اقىن اينۇر تولەۋ ورايى كەلىپ تۇرعاندا زاڭدى بۇزباۋ ءۇشىن ؛پرينسيپتى تۇردە شەتەلدەن كولىك الدىرتپاي قويعانىن ايتىپ, زاڭسىز ارەكەت زاڭدى بولىپ شىعا كەلەتىنىنە اشىنادى. ول ؛تالاپ ەرەجەلەردى بۇلجىتپاي ورىنداۋشى ازامات رەتىندەگى قۇقىعى تاپتالدى دەپ ەسەپتەيتىنىن قوسا كەتتى.

 ؛

"وسى دا ادىلەت پە؟ جازدا ءىنىم :"كوكە, سىزگە كىشكەنە بيىگىرەك, جولعا شىقساڭىز بالا-شاعاڭىز ارتىندا ۇيىقتاپ جاتا بەرەتىن ماشينا الايىق. مىنا كولىگىڭىزدى ساتىڭىز, قىرعىزدان جاپ- جاڭاسىن ايداپ اكەپ بەرەم", دەدى. مەن ىنىمە مورال وقىدىم. "ونى قالاي تىركەيمىز. زاڭدى بۇزباي, وسى كىشكەنە كولىگىممەن جۇرە بەرەيىن قۇرسىن",- دەپ شىققام عوي. ەندى پرەزيدەنت 1 قىركۇيەككە دەيىن كىرگەن شەتەلدىك كولىكتى تىركەيمىز دەپ وتىر. ىنىمە زاڭ, ءتارتىپ تۋرالى اقىل ايتقانىما وكىنگەنىم-اي. نەگىزى بەلگىلى ءبىر ءتارتىپ, ەرەجە, زاڭ جاساپ الىپ, ونى ورىنداماعانداردى كەشىرە بەرۋ دە دۇرىس ەمەس قوي. وندا ءبىرجولا شەتەلدەن كولىك اكەلۋگە ارنالعان تالاپتاردى الىپ تاستا. مىسالى, مەن تالاپ ەرەجەلەردى بۇلجىتپاي ورىنداۋشى ازامات رەتىندەگى قۇقىعىم تاپتالدى دەپ ەسەپتەيمىن" دەيدى جۋرناليست.

 ؛
الەۋمەتتىك جەلىدە اۆتوكولىك تاقىرىبىن ءجيى قوزعايتىن جۋرناليست دياس نۇراقىن زاڭدى بەلشەدەن باسىپ, شەتەلدەن كولىك تاسىعاندار تاعى دا ۇتتى, قورقاقتاپ, زاڭدى سىيلاپ, قىمبات بولسا دا قازاقشا تىركەۋدە تۇرعان ەسكى-قۇسقىعا ۇرىنعاندار ەندى سان سوعىپ وتىر" دەيدى. ول جەمقورلىق جويىلماسا, شەتەلدەن مىڭداپ كولىك كىرگىزۋ توقتامايدى دەپ سانايدى.
 ؛
"تىپتى قۇقىم تاپتالدى, مەن نەگە شىرىك مازدانى 3 ملن تەڭگەگە الۋىم كەرەك؟. ال, تارتىپكە, تالاپقا كونبەي سىرتتان ءتاۋىر كولىك اكەلگەندەرگە جىل سايىن جەڭىلدىك جاسالا بەرەدى دەگەندەر كەشەلى-بەرى الەۋمەتتىك جەلىنى شۋلاتىپ جاتىر. راسىمەن بىلتىر دا ارمەنيادان زاڭسىز كولىك تاسىمالداعاندارعا بيلىك قارايلاسىپ, بارىنە سارى ءنومىر تاعىپ بەرىپ, ءبىر جارانىڭ بەتىن جاپقان. ءبىراق بۇل بەزەۋ سياقتى ەكەن. ءبىرىن سىقساڭ, ەكىنشىسى شىعادى. ارمەنيادان قۇتىلىپ ەدىك كوشەدە گرۋزيانىڭ كولىكتەرى قاپتاپ كەتتى. سوندىقتان بيىل تاعى دا سول قادامعا بارىپ وتىر. دەمەك ءبىزدىڭ بيلىك اۆتوپرومدى مونوپوليالاپ العان ساناۋلى توپقا شاماسى جەتپەي وتىرعان سياقتى. سوندىقتان قازاقستانداعى قىمبات كولىكتەن قاشىپ, شەتەل اسقاندارعا ءالسىن-السىن وسىنداي جەڭىلدىكتەر جاساپ جاتىر دەپ ويلايمىن. ءبىراق سىرتتان تەمىر تۇلپار تاسۋ مۇنىمەن توقتامايدى. قازەكەم امان بولسا افريكادان دا الدىرىپ مىنەدى. سايلاۋدان كەيىنگى جولداۋدا ولارعا دا زاڭسىز كولىگىن لەگاليزاسيادان وتكىزۋگە جانە ءبىر مۇمكىندىك بەرىلەتىنىنە بەك سەنىمدىمىن. سوسىن 1-قىركۇيەككە دەيىن كىرگىزىلگەن كولىكتەر دەگەن تەك قۇجات جۇزىندە قالادى. كەدەن مەن شەكاراداعى جەمقورلىق جويىلماسا, جولىن تاپقاندار زادنيي چيسلومەن قۇجات جاساپ, ءالى مىڭداعان كولىكتى وتكىزىپ الادى. كولىك بيزنەسى دەگەن قىپ-قىزىل اقشا عوي. ال اقشاعا اركىمنىڭ-اق بار تالاسى..." دەيدى ول.
"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر