شقو-دا كونستيتۋتسيا كۇنى الەۋمەتتىك نىساندار اشىلدى

بىر اپتا بويى شىعىس قازاقستان وبلىسىنىڭ بارلىق اۋداندارىندا مادەني, سپورتتىق, ءىس-شارالارى وتۋدە. سونداي-اق وڭىردە ءبىرقاتار نىسانداردى اشۋ جوسپارلانعان.

كونستيتۋسيا كۇنى قارساڭىندا ۇلان اۋدانى ماماي باتىر اۋىلىندا كوپبالالى وتباسىلار قونىس تويىن تويلادى.

"قۇرمەتتى جەرلەستەر, كونستيتۋسيا كۇنى قالىپتاسقان ءداستۇر بويىنشا, ءبىز كوپ بالالى انالارعا جاڭا تۇرعىن ءۇيدىڭ كىلتىن تابىستادىق. ەكى پاتەرلى ۇيلەر ء"بىر قاباتتى شىعىس" باعدارلاماسى بويىنشا سالىندى. مۇنداي تۇرعىن ءۇي قاسىم قايسەنوۆ كەنتىندە دە. سالىنۋدا جانە ساعىر, تاۆريا اۋىلدارىندا تۇرعىن ۇيلەر پايدالانۋعا بەرىلمەك" دەدى ۇلان اۋدانىنىڭ اكىمى رەنات قۇرمانباەۆ.

ايتا كەتەيىك, 80 شارشى مەترلىك كىرپىش ۇيلەردى "جارماقۇرىلىسگاز" كومپانياسى سالدى, ولارعا ورتالىق سۋمەن جابدىقتاۋ جۇرگىزىلدى. سونىمەن قاتار, وبلىس ورتالىعىندا "اسىل بالا" بالاباقشاسىنىڭ سالتاناتتى اشىلۋى ءوتتى. ءبىلىم بەرۋ مەكەمەسى مەملەكەتتىك-جەكە مەنشىك ارىپتەستىك اياسىندا ىسكە قوسىلدى. سىيىمدىلىعى - 90 بالاعا ارنالعان.

ال قالا مەن وبلىستىڭ ءبىرقاتار اۋداندارىندا وسكەلەڭ ۇرپاقتىڭ بوس ۋاقىتىن پايدالى جانە دۇرىس ۇيىمداستىرۋ ءۇشىن بالالاردىڭ اۋلا الاڭدارى مەن سپورت نىساندارى پايدالانۋعا بەرىلدى. وسكەمەندەگى پروتوزانوۆ كوشەسىنىڭ تۇرعىندارى دا كونستيتۋسيا كۇنىن تاعاتسىزدانا كۇتتى.

بۇگىن مۇندا ەمحانا اشىلدى. بۇرىنعى بالالار تاماقتانۋ كومبيناتى كۇردەلى جوندەۋدەن كەيىن جانە ماقساتى وزگەرگەننەن كەيىن دەنساۋلىق ساقتاۋ وبەكتىسىنە اينالدى. ايتا كەتۋ كەرەك, 30 تامىزدا شىعىس قازاقستاننىڭ بارلىق قالالارى مەن اۋدان ورتالىقتار اتا زاڭى كۇنىنە ارنالعان كونسەرتتەر, جارمەڭكەلەر مەن كورمەلەر وتۋدە.

بۇگىن وسكەمەن قالاسىنىڭ تۇرعىندارى مەن قوناقتارىن مازمۇندى كەشكى باعدارلاما توسىپ تۇر. ويتكەنى كونستيتۋسيا كۇنى مەن وبلىس ورتالىعىنىڭ 302 جىلدىعى قاتار كەلىپ وتىر.