فوتو: orda.kz
بولات نازارباەۆتىڭ بۇرىنعى ايەلى گۇلنۇر نازارباەۆا سوت ارقىلى ەكس-جۇبايىنىڭ تەگىن ساقتاپ قالدى, دەپ حابارلادى ؛orda.kz. ؛
2021 جىلعى 18 ناۋرىزدا قاراساي اۋداندىق سوتى ەرلى-زايىپتىلار اراسىنداعى نەكەنى جارامسىز دەپ تانىعان. نەكە بۇزىلعاننان كەيىن نازارباەۆ بۇرىنعى ايەلى بۇدان بىلاي تەگىن الىپ جۇرۋگە قۇقىعى جوق دەپ ەسەپتەپ, سوتتان بۇرىنعى تەكتى وزگەرتۋ اكتىسىن جويىپ, گۇلنۇر نازارباەۆانىڭ قۇجاتتارىن جارامسىز دەپ تانۋدى سۇرايدى. 2021 جىلدىڭ 28 قىركۇيەگىندە سوت بولات نازارباەۆتىڭ تالاپ ارىزىن قاناعاتتاندىرعان.
الايدا الماتى وبلىستىق سوتىنىڭ ازاماتتىق ىستەر جونىندەگى سوت القاسى بۇل شەشىمنىڭ كۇشىن جويىپ, گۇلنۇر بۇرىنعى جۇبايىنىڭ تەگىندە قالعان. سەبەبى, ەرلى-زايىپتىلاردىڭ تەگىن نەكەگە دەيىنگى تەگىنە اۋىستىرۋ ماسەلەسىن جەكە تالاپ ارىزبەن ەمەس, نەكە جارامسىز دەپ تانىلعان كەزدە سوت شەشەدى دەلىنگەن جاۋاپ بەرىلەدى.
بولات نازارباەۆتىڭ وكىلدەرى گۇلنۇردى تەگىنەن ايىرۋ بويىنشا ءىستى جوعارعى سوتقا دەيىن اپارعان. ءبىراق سۋديا كەيكىباسوۆا اپەللياسيالىق سوت دۇرىس شەشىم شىعارعاندىقتان, ءىستى جوعارعى سوتتىڭ قاراۋىنا نەگىز جوق دەپ سانادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر