فوتو: tengrinews.kz
نۇر-سۇلتان قالاسىندا ؛قازاقستان مەن ورتالىق ازياداعى ەڭ ۇلكەن جاڭا مەشىتتىڭ سالتاناتتى اشىلۋى ءوتتى. ءىس-شاراعا ەكس-پرەزيدەنت نۇرسۇلتان نازارباەۆ تا قاتىسقان, دەپ جازادى tengrinews.kz. سايتى.
"بۇگىن قاسيەتتى جۇمادا ەلوردامىزدا كەرەمەت مەشىتتى اشىپ جاتىرمىز. بۇل بارشا مۇسىلمان تۇرعىندارىمىز ءۇشىن ماڭىزدى وقيعا.تاۋەلسىزدىك العاننان بەرى ەلىمىزدىڭ بارلىق ايماعىندا مەشىتتەر اشىلىپ جاتىر. اللا تاعالا وسى مەشىتتەردە وقىلعان دۇعالاردى قابىل ەتسىن. 2019 جىلدىڭ ناۋرىزىندا مەملەكەت باسشىسى رەتىندەگى وكىلەتىمدى توقتاتپاس بۇرىن وسى مەشىتتىڭ العاشقى كىرپىشىن قالاعان بولاتىنمىن... تاۋەلسىز مەملەكەتىمىزدىڭ كوركەيە بەرۋىن تىلەيمىز. بۇل مۇسىلماندىق پارىز, وتان الدىنداعى پەرزەنتتىك پارىز ەدى. جاڭا تاۋەلسىز قازاقستاندى قۇرۋ جولىنداعى ەڭبەگىمدى اللا جارىلقادى دەپ ويلايمىن", ؛&ndash؛ دەدى نازارباەۆ.
مەشىتتىڭ اشىلۋ سالتاناتىنا پرەمەر-مينيستردىڭ ورىنباسارى ەرالى توعجانوۆ, بۇرىنعى پرەمەر-مينيستر اسقار مامين, جامبىل وبلىسىنىڭ ەكس-اكىمى بەردىبەك ساپارباەۆ, الماتى وبلىسىنىڭ بۇرىنعى اكىمى اماندىق باتالوۆ, ەكس-دەپۋتات قۋانىش سۇلتانوۆ, bi-group حولدينگىنىڭ باسشىسى ايدىن راحىمباەۆ جانە باسقا دا تانىمال تۇلعالار قاتىستى.
مەشىتتىڭ جالپى سىيىمدىلىعى 235 000 ادامدى قۇرايدى. اشىق الاڭدا شامامەن 200 مىڭ ادام, ياعني: پوديۋم مەن ساحان ايماعىندا 30 مىڭ ادام, مەشىت اۋلاسىندا 170 مىڭ ادام ءبىر مەزەتتە قۇلشىلىق جاساۋعا مۇمكىندىك بار. مەشىت ىشىندە 35 مىڭ ادام, ەرلەرگە ارنالعان ورىندا 30 مىڭ ادام؛ ايەلدەرگە ارنالعان ورىندا 5 مىڭ ادام ناماز وقي الادى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر