فوتو: ەگەمەن قازاقستان
اقمولا وبلىسىندا 33 لاۋازىمدى تۇلعا ساپاسىز جول ءۇشىن جاۋاپكەرشىلىككە تارتىلدى. ؛ ؛بۇل تۋرالى وبلىستىق اكىمشىلىك پوليسيا باسقارماسى مالىمدەدى. قۇزىرلى ورگان وكىلدەرى شىلدە ايىنىڭ 19-ىنان بەرى 200-دەن استام جولعا مونيتورينگ جۇرگىزىپ, بارلىعىنان كەمشىلىك انىقتاعان, دەپ جازادى "حابار 24".
"جاۋاپتى كوممۋنالدىق مەكەمەلەرگە ەسكەرتۋ جاساپ, جولدى سالعان جانە ارنايى جول بەلگىلەرىن ورناتقان ۇيىم وكىلدەرىنىڭ ءارقايسىسىنا 31 مىڭ 800 تەڭگەدەن ايىپپۇل سالدى. ال, ءجيى كەزدەسەتىن زاڭبۇزۋشىلىقتارعا جوندەۋ جۇمىستارى ءجۇرىپ جاتقان جەرلەرگە جول بەلگىلەرىن قويماۋ جانە تەمىرجول وتكەلدەرىندە ارنايى بەلگىلەردىڭ جوقتىعىن ايتۋعا بولادى" دەيدى, پوليسەيلەر.
؛
وبلىستىق اكىمشىلىك پوليسيا باسقارماسىنىڭ باستىعى ەرجان قوشقارباەۆتىڭ ايتۋىنشا, جولدىڭ دۇرىس جوندەلمەۋى قايعىلى وقيعالارعا الىپ كەلۋى مۇمكىن.
؛
"مۇنداي جاعدايلاردىڭ الدىن الۋ ءۇشىن ءبىز اتالعان تەكسەرىستەردى جۇيەلى تۇردە جۇرگىزىپ وتىرامىز. ءبىزدىڭ ارالاسۋىمىزبەن رەيد باستالعان 16 كۇننىڭ ىشىندە ءقاۋىپتى جول بولىكتەرىنە 174 جول بەلگىسى قويىلدى. ال, جولعا مال شىعۋى مۇمكىن دەگەن ەلدى مەكەندەردىڭ تۇسىنا ءىرى قارانىڭ 19 ماكەتى ورناتىلدى" دەيدى ەرجان قوشقارباەۆ.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
ۇسىنىلعاندار
پىكىر قالدىرۋ
پىكىر