فوتو: ازاتتىق راديوسى ۆيدەوسىنان سكرينشوت
قاڭتار وقيعالارى كەزىندە جارالانىپ, ارتىنان جاپپاي تارتىپسىزدىككە قاتىستى دەپ ايىپتالعان سايات ادىلبەكۇلىنىڭ ۇستىنەن قوزعالعان قىلمىستىق ءىس توقتاتىلدى. بۇل تۋرالى سايات ادىلبەكۇلى جەلىدەگى پاراقشاسىندا ءمالىم ەتتى.
"قاڭتارداعى كۇندەردەن بەرى مەنى قورعاعان, قولداپ, كومەكتەسكەن ادامدارعا, العىس ايتامىن. وزىمدە باردىڭ ءبارى ءۇشىن, مەنى ءدال سىزدەرگە جىبەرگەنى ءۇشىن قۇدايعا شۇكىرشىلىك ەتەمىن. سىزدەردىڭ كومەكتەرىڭىزبەن مەن قىلمىستىق قۋدالاۋدى توقتاتۋعا قول جەتكىزىپ, ادال اتىمدى اقتاي الدىم" دەگەن ؛سايات ادىلبەكۇلى قۇقىققورعاۋشىلار مەن ءبىرقاتار جۋرناليستەرگە, مەديالارعا جەكە العىسىن ءبىلدىردى.
سايات ادىلبەكوۆ 5 قاڭتاردا ۇيىنەن سىرقاتتانىپ جاتقان قىزىنا ءدارى الۋعا شىققان. جاقىن جەردەگى ءدارىحانالاردان قاجەتتى ءدارىنى تاپپاي, ورتالىققا بارادى. سول جاقتا ەكى جەرىنەن وق ءتيىپ جارالانىپ, قالالىق 7 اۋرۋحاناعا جەتكىزىلەدى. وعان وتا جاسالىپ, ەكى كۇنىن جانساقتاۋ بولىمىندە وتكىزگەن. ال 8 قاڭتاردا ونى جانە اۋرۋحانادا جاتقان 30-عا جۋىق جىگىتتى پوليسيا الىپ كەتكەن. سايات پوليسەيلەر اۋرۋحانادا تۇتقىنداۋ كەزىندە, ارتىنشا تەرگەۋ يزولياتورىندا ازاپتاعانىن ايتقان. ول 25 قاڭتار كۇنى 11 اداممەن بىرگە بۇلتارتپاۋ شاراسى وزگەرتىلىپ تەرگەۋ يزولياتورىنان بوساتىلعان. ارتىنشا, ادىلبەكۇلىن ازاپتاۋ فاكتىسى بويىنشا قىلمىستىق ءىس قوزعالعان.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر