• usd 477.98

  • eur 488.93

  • rub 7.93

  • cny 70.82

08 تامىز, 04:11:08
الماتى
+21°

رەسەي قاۋىپسىزدىك كەڭەسى ءتوراعاسىنىڭ ورىنباسارى, ەلدىڭ ەكس-پرەزيدەنتى دميتريي مەدۆەدەۆتىڭ ؛ "ۆكونتاكتە" جەلىسىندەگى رەسمي پاراقشاسىندا جازىلىپ, ۇزاماي وشىرىلگەن قازاقستانعا قاراتا ايتىلعان باسقىنشى سوزدەرىنە ءماجىلىس دەپۋتاتتارى ەرلان سايروۆ پەن ەلنۇر بەيسەنباەۆ جاۋاپ بەردى.

قوس دەپۋتات تا وقيعاعا بايلانىستى قازاقستان رەسمي جاۋاپ بەرۋى كەرەك دەگەن پىكىردە.

"د. مەدۆەدەۆ رەسەي مەملەكەتىنىڭ رەسمي تۇلعاسى. بولعان ءجايت بويىنشا قازاقستان رەسپۋبليكاسىنىڭ سىرتقى ىستەر مينيسترلىگى رەسەي تاراپىنان رەسمي تۇسىنىكتەمە سۇراۋى قاجەت. بۇل ءىس ەكى ەل اراسىنداعى وڭ قارىم-قاتىناستارعا سىزات تۇسىرەتىن قادام. قازاقستان تارابى دوستىق, ءوزارا ءتيىمدى قارىم-قاتىناستان اينىمايدى. رەسمي قارىم-قاتىناستا ءوزارا جاۋاپكەرشىلىك وتە ماڭىزدى. رەسمي تۇسىنىكتەمە جاساۋ قاجەت" دەيدى ەرلان سايروۆ facebook پاراقشاسىندا.

دەپۋتات ؛ەلنۇر بەيسەنباەۆ تا وسى ويدى قوستاپ, قازاقساتننىڭ اۋماقتىق تۇتاستىعىنا ەشكىم كوز لارتۋعا حاقى جوق ەكەنىن جەتكىزدى.

"رەسەي مەملەكەتىنىڭ بيلىگىندەگى د. مەدۆەدەۆتىڭ الەۋمەتتىك جەلىدەگى جازباسى بويىنشا رەسمي تۇسىندىرمە جاۋاپ بەرىلۋى قاجەت. بۇل ىستە ەلىمىزدىڭ سىرتقى ىستەر مينيسترلىگى قىراعىلىق تانىتۋى اسا ماڭىزدى, ءارى مىندەتتى. ەگەمەن ەلىمىز ءۇشىن, قاسىق قانىم قالعانشا كۇرەسەمىن! ەشكىمنىڭ تاۋەلسىز قازاقستاننىڭ تەرريتورياسىنا كوز تىگۋگە, ال ونىڭ تاريحىن ءوز پايداسىنا ءتارجىمالاۋعا قۇقى دا, حاقى دا جوق" دەيدى دەپۋتات.

بۇعان دەيىن ؛دميتريي مەدۆەدەۆتىڭ "ۆكونتاكتە" جەلىسىندەگى رەسمي اككاۋنتىندا قازاقستانعا قاراتا باسقىنشى سوزدەر ايتىلعان جازبا جاريالانىپ, ۇزاماي وشىرىلگەن. رەسەي بۇرىنعى پرەزيدەنتىنىڭ كومەكشىسى مەدۆەدەۆ مۇنداي جازبا جاريالاماعانىن, ونىڭ پاراقشاسىن حاكەرلەپ بۇزعانىن حابارلاعان. الايدا قازاقستاندىقتار بۇعان سەنبەيتىنىن, وشىرىلگەن جازبا بۇگىنگى رەسەي بيلىگىنىڭ پيعىلىن ءدال كورسەتەتىنىن ايتادى. ؛

"قامشى" سىلتەيدى
ىلمەك سوزدەر: رەسەي اگرەسسياسى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر