• usd 477.98

  • eur 488.93

  • rub 7.93

  • cny 70.82

08 تامىز, 04:52:24
الماتى
+21°

رەسەي قاۋىپسىزدىك كەڭەسى ءتوراعاسىنىڭ ورىنباسارى, ەكس-پرەزيدەنت دميتريي مەدۆەدەۆ "ۆكونتاكتە" جەلىسىندە قازاقستانعا قاراتا باسقىنشى سوزدەر ايتىلعان جازباسىن ءوزى جازباعان بولىپ شىقتى.

رەسەيلىك "ريا نوۆوستي" باسىلىمىنا پىكىر بىلدىرگەن بۇرىنعى پرەزيدەنتتتىڭ كومەكشىسى مەدۆەدەۆتىڭ پاراقشاسى بۇزىلعانىن, قازىرگى ۋاقىتتا الەۋمەتتىك جەلى اكىمشىلىگى مەن ءتيىستى ادامدار ونى قايتارۋ بويىنشا جۇمىس ىستەپ جاتقانىن جەتكىزگەن.

بۇعان دەيىن ؛مەدۆەدەۆتىڭ ؛ "ۆكونتاكتە" جەلىسىندەگى رەسمي پاراقشاسىندا ؛قازاقستاندى ورىستارعا گەنوسيد جاساپ وتىر دەپ ايىپتاعان, كسرو-نى قايتا قۇرۋ كەرەكتىگى تۋرالى جازبا جاريالانىپ, ۇزاماي وشىرىلگەن. الايدا جازبانى سكرينشوت جاساپ ۇلگەرگەندەر سۋرەتتەردى جەلىگە تاراتىپ جىبەردى.

وشىرىلگەن جازبادا توقسانىنشى جىلدارى جىبەرىلگەن ورەسكەل قاتەلىك تۇزەتىلىپ, ەگەمەن ەلدەر بولمايتىنى, كەزىندە كەڭەس وداعىنا كىرگەن ەلدەر قايتادان بىرگە ءومىر سۇرەتىنى كۇمانسىز ەكەنى ايتىلعان.

"بۇعان قول جەتكىزۋ ءۇشىن رەسەي كۇشىن دە, قارجىسىن دا اياپ قالمايدى" دەگەن ول "بۇل ماقساتتاعى ارەكەت باستالىپ كەتتى, كيەۆتى قاراقشى ۇلتشىلداردان تازارتقان سوڭ, رۋس مىڭ جىل بۇرىنعىداي قۋاتتى, جەڭىلمەيتىن مەملەكەتكە اينالادى" دەيدى.

جازبادا سونداي-اق "xvii عاسىردىڭ باسىندا ورىستار سولتۇستىك قازاقستاننىڭ جابايى جەرلەرىن يەگەرە باستاعانى", ء"ۇش عاسىر بويى ورىستار ولكەنى بىرتىندەپ وتارلاعانى" اتالىپ وتىلگەن. قازاقستان قولدان جاسالعان مەملەكەت ەكەنى, قازىرگى اتىراۋ مەن سەمەي ورىستاردىڭ تەرريتورياسى بولعانى, ءتىپتى الماتىنىڭ ءوزى 1924 جىلعا دەيىن ۆەرنىي اتالىپ كەلگەنى جازىلعان.

"قازىر قازاقستان بيلىگى رەسپۋبليكا ىشىندە ەتنيكالىق توپتاردى كوشىرۋ باستامالارىن كوتەرىپ ءجۇر. بۇل ورىستارعا جاسالعان گەنوسيد. ءبىز بۇعان كوز جۇما قاراي المايمىز. ول جاققا ورىستار بارمايىنشا, بەيبەرەكەت جالعاسا بەرەدى" دەلىنگەن جازبادا.

مەدۆەدەۆ جازباسىندا قازاقستاننان بولەك گرۋزيانىڭ دا اۋماقتىق تۇتاستىعىنا نۇقسان كەلەتىن مالىمدەمەلەر بار.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر