پەدوفيلدەرگە جازانى كۇشەيتۋ تۋرالى پەتيسيا جاريالاندى

alash.online ؛سايتىندا ؛پەدوفيلدەر مەن ادام زورلاۋشىلارعا جازانى كۇشەيتۋ جانە ولاردى مەرزىمىنەن بۇرىن بوستاندىققا شىعارۋدى توقتاتۋ جونىندە پەتيسيا ىسكە قوسىلدى. پەتيسيانى جەڭىس سەيىلبەك ەسىمدى ازامات جاريالاعان. ؛

"قازاقستاندا زورلىق-زومبىلىق وقيعاسى جيىلەپ كەتتى. ؛بىلتىرعى اياجان ەدىلوۆاعا قاتىستى ءىس, بيىلعى مەكتەپتەگى كامەلەتكە تولماعاندار اراسىنداعى زورلىق-زومبىلىق, جاركەنتتە 15 جاسار قىزدىڭ زورلانۋى نازاردان تىس قالماۋى كەرەك! مۇنىڭ ءبارى پەدوفيلدەرگە قولدانىلاتىن جازا جەڭىلدىگى مەن مەرزىمىنەن بوستاندىققا شىعۋىنا مۇمكىندىك بەرۋىنىڭ كەسىرىنەن بولىپ ءوتىر. ؛بىر رەت زورلىق-زومبىلىق جاساعان ادام ەكىنشى رەت تە سونداي قادامعا باراتىنى انىق. 5-6 جىل بويى تۇرمەدە جاتىپ, ؛تاعى زورلىق جاساپ, تۇرمەگە قايتا تۇسكەندەردى دە كورىپ ءجۇرمىز. مۇنداي جاعدايدا ار-نامىسى تاپتالعان قىزداردىڭ جاي-كۇيى نە بولماق؟ ؛ادام قۇقىقتارى سەنىمدى قورعالۋى كەرەك! پەدوفيلدەردى ءولىم جازاسىنا كەسۋ كەرەك, ال بۇل باپتار بويىنشا سوتتالعاندار مەرزىمىنەن بۇرىن بوساتىلماۋى كەرەك!", دەپ جازادى پەتيسيا اۆتورى. ؛

مۇنداي باستاما جەتىسۋ وبلىسى پانفيلوۆ اۋدانى شولاقاي ەلدىمەكەنىندە بولعان قايعىلى وقيعادان كەيىن كوتەرىلىپ وتىر. پەدوفيل 15 جاستاعى قىزدى زورلاپ, قىلمىسىنىڭ ءىزىن جاسىرۋ ءۇشىن قىزدى ءولتىرىپ, دەنەسىن كەسكىلەپ, ورتەگەنى بەلگىلى بولدى. قازىرگى ۋاقىتتا بۇرىن ەكى رەت سوتتالعان 38 جاستاعى جەرگىلىكتى تۇرعىن كۇدىككە الىنعان. ونىڭ ۇستىنەن "ادام ءولتىرۋ", "باسقا قىلمىستى جاسىرۋ" جانە "كامەلەتكە تولماعان ادامدى زورلاۋ" باپتارى بويىنشا ءىس قوزعالعان.