كورنەكى سۋرەت
الماتىدا كوروناۆيرۋستىڭ تارالۋىنا بايلانىستى ەپيدەميولوگيالىق جاعداي ناشارلاپ, قالا "سارى" ايماققا ءوتتى. ؛بۇل تۋرالى سانيتارلىق-ەپيدەميولوگيالىق باقىلاۋ كوميتەتىنىڭ رەسمي وكىلى ەرجان بايتاناەۆ مالىمدەدى.
بۇعان دەيىن 3 شىلدەدە دەنساۋلىق ساقتاۋ مينيسترلىگى الماتىدا 88 ادامنان كوروناۆيرۋس انىقتالعانىن حابارلاعان. رەسپۋبليكا بويىنشا جۇقتىرۋ فاكتىلەرىنىڭ جالپى سانى 158 بولعان. زەرتتەۋلەر بويىنشا بۇگىندە covid-19 جۇقتىرعاندار سانىنىڭ ارتۋىنا ستەلس-وميكرون اسەر ەتكەن.
قالاداعى ەپيداحۋالعا بايلانىستى الماتىنىڭ باس مەملەكەتتىك سانيتاريا دارىگەرى قاسىمحان الپىسبايۇلى جاڭا قاۋلىعا قول قويدى.
وعان سايكەس, جابىق مەكەمەلەردە ماسكا تاعۋ رەجيمىن ەنگىزۋ ۇسىنىلادى. سونداي-اق, قاۋلىدا بايلانىستا بولعان ادامداردى, جۇكتى ايەلدەردى جانە ەكپە الۋعا قارسى كورسەتىلىمى بار ادامداردى قاشىقتان جۇمىس ىستەۋ رەجيمىنە اۋىستىرۋ كەرەكتىگى جازىلعان.
بۇدان بولەك, ۆيرۋس انىقتالعان اداممەن بايلانىستا بولعان جاقىن ادامداردى قاشىقتان جۇمىس فورماسىنا كوشىرۋ, اۋرۋدىڭ اۋىرلىعى جەڭىل جانە سيمپتومى جوق ناۋقاستار 7 كۇن بويى امبۋلاتورلىق باقىلاۋعا الۋ تالاپتانى ەنگىزىلدى.
قاتە تاپساڭىز, قاجەتتى بولىكتى تاڭداپ ctrl+enter باسىڭىز.
پىكىر قالدىرۋ
پىكىر