• usd 477.98

  • eur 488.93

  • rub 7.93

  • cny 70.82

08 تامىز, 04:38:23
الماتى
+21°

وزبەكستان كونستيتۋسياسىنا وزگەرىس ەنگىزۋدى تالقىلاۋ 15 شىلدەگە دەيىن سوزىلدى, دەپ جازادى وزبەكستاندىق ؛podrobno.uz ؛سايتى.

 ؛

"زاڭ پالاتاسى بۇگىنگى پلەنارلىق وتىرىستا كونستيتۋسياعا وزگەرىس ەنگىزۋدى كوزدەيتىن زاڭ جوباسىن جالپىحالىقتىق تالقىلاۋدى 15 شىلدەگە دەيىن سوزدى" دەلىنگەن حابارلامادا.

 ؛

بۇل ؛&ndash؛ ازاماتتاردىڭ پىكىر ءبىلدىرۋ بەلسەندىلىگىنىڭ جوعارى بولۋى مەن ءتۇسىپ جاتقان ۇسىنىستاردىڭ كوپتىگىمەن بايلانىستى ەكەنى ايتىلدى.

ساراپتاما ناتيجەسىنە ساي, جالپىحالىقتىق تالقىلاۋدىڭ العاشقى كۇندەرى كۇنىنە 700 ۇسىنىس تۇسسە, بۇگىندە كۇنىنە ءتۇسىپ جاتقان ۇسىنىس سانى 10 مىڭنان اسقان.

دەپۋتاتتار قاراقالپاقستان رەسپۋبليكاسىنىڭ ەگەمەندىگى مەن كەز كەلگەن ۋاقىتتا رەفەرەندۋم ارقىلى وزبەكستاننان بولەك شىعۋعا كەپىل بولاتىن كونستيتۋسياداعى 70-75 باپتار وزگەرىسسىز قالاتىنىن ءمالىم ەتتى.

1 شىلدە كۇنى وزبەكستان قۇرامىنا كىرەتىن قاراقالپاقستان رەسپۋبليكاسىنىڭ استاناسى نوكىس قالاسىندا رەسمي تاشكەنتتىڭ وزگەرتۋ ارقىلى كونستيتۋسيادان اۆتونوميانىڭ تاۋەلسىزدىك جاريالاۋ قۇقىعىن جويۋ جوسپارىنا قارسى جاپپاي نارازىلىق باستالىپ, بيلىك ازاماتتاردى كۇشپەن تاراتقان. 2 شىلدەدە پرەزيدەنت شاۆكات ميرزيەەۆ قاراقالپاقستاننىڭ ستاتۋسىنا بايلانىستى وزگەرتۋلەردەن باس تارتىپ, 3 شىلدەدە اۆتونوميا اۋماعىندا توتەنشە جاعداي رەجيمى ەنگىزىلدى.

وزبەكستاننىڭ رەسمي بيلىگى نارازى ازاماتتاردى "قىلمىسكەر" دەپ اتاپ, ارەكەتتەرىن "زاڭسىز" دەپ وتىر. قاراقالپاقستانداعى جاعداي تۋرالى جەتىپ جاتقان اقپارات ماردىمسىز. الەۋمەتتىك جەلىلەردە ميليسيا ادامداردى ساباپ, قان بولعان كوشەنى جۋۋىپ جاتقان ۆيدەولار تاراۋدا. وزبەكستان پروكۋراتۋراسى ازاماتتار مەن ميليسيا اراسىنداعى قاقتىعىستان 18 ادام قازا تاۋىپ, 94 ادام اۋرۋحانادا جاتقانىن, 243 ادام جارالانعانىن حابارلادى. جارالىلار اراسىندا 38 قۇقىققورعاۋ ورگانى قىزمەتكەرى بار.

ۇلتتىق گۆاديا ءباسپاسوز قىزمەتىنىڭ جەتەكشىسى داۆپون جۋمانازاروۆ 1-2 شىلدەدە دەمونستراسيا ورنىندا 516 ادام ۇستالعانىن, كومەندانتتىق ساعات كەزىندە كوشەدە جۇرگەن 110 ادام قامالعانىن ءمالىم ەتتى.

ايماقتا بايلانىس ناشار, ينتەرنەت دۇرىس ىستەمەيدى.

"قامشى" سىلتەيدى

قاتە تاپساڭىز, قاجەتتى بولىكتى تاڭداپ ctrl+enter باسىڭىز.

پىكىر قالدىرۋ

پىكىر